Category جرائم

نوجوان ٹک ٹاکر ز کو اسلحہ کیساتھ ویڈیو ز بنانا مہنگا پڑگیا اور پولیس نے اسلحے کی نمائش کرنے والے تین ملزمان کو گرفتار کر لیا۔
پولیس کے مطابق ملزمان کے قبضے سے جدید اسلحہ اورگولیاں بھی برآمد کی گئیں ہیں، گرفتار کیے جانے والے ملزمان کے خلاف مقدمہ درج کر کے حوالات میں بند کردیا گیا ہے۔
واضح رہے کہ ٹک ٹاک پر اسلحہ کی نمائش اور ویڈیو بنانے کے لیے نوجوانوں کی ہلاکت کے واقعات بھی عام ہوگئے ہیں۔

شہر قائد کے علاقے بوٹ بیسن میں نوجوان لڑکے اور لڑکی کے قتل کی تحقیقات میں سنسنی خیز انکشاف ہوا ہے اور اب تک کی تحقیقات میں دہرے قتل کی وجہ سامنے آگئی ، دہرا قتل طے شدہ منصوبہ نہیں تھا بلکہ یہ اچانک ہونے والی لڑائی کے بعد کیا گیا اور قاتل گاڑی میں ہی موجود تھا۔
تحقیقاتی حکام نے بتایاکہ مقتول لڑکی رفع حاجت کرنے کیلئے ایک سنسان جگہ پر رکی، وہیں وہ فور وہیل گاڑی بھی کھڑی تھی جس میں ملزم اسلحے سمیت بیٹھا تھا لیکن اندھیرے کے باعث لڑکی کو نظر نہیں آیا، وہ جب فارغ ہوئی تو پتہ چلا کہ گاڑی میں کوئی موجود ہے جس پر لڑکی نے شور مچایا تو لڑکے اور گاڑی میں بیٹھے ملزم کے درمیان پہلے تلخ کلامی اور پھر لڑائی ہوگئی۔جھگڑے کے بعد گاڑی میں بیٹھے ملزم نے دونوں کو فائرنگ کرکے قتل کیااور پھر مائی کولاچی کی جانب فرار ہو گیا۔
افسوس ہے پیپلزپارٹی اورمسلم لیگ ن اپنے ہی معاہدے سے پھرگئے ،میثاق جمہوریت کی دستاویز اب بھی موجودہے،سپریم کورٹ کے صدارتی ریفرنس پر ریمارکس
تحقیقاتی حکام کا کہنا ہے کہ ایک عینی شاہد نے پولیس کو جھگڑے اور پورے قصے کی تصدیق کردی ہے تاہم تاحال نہ ہی ملزم کی شناخت ہوپائی ہے نہ ہی اس کو گرفتار کیا جاسکا ہے۔خیال رہے کہ یکم فروری کو کراچی کے علاقے بوٹ بیسن میں فائرنگ سے موٹرسائیکل پر سوار خاتون اور مرد جاں بحق ہو گئے تھے جن کی شناخت عدنان اور عینی کے ناموں سے ہوئی تھی۔

فیصل آباد میں ملزم ہتھکڑیوں اور زنجیروں سمیت ہسپتال سے فرار ہو گیا۔
تفصیلات کے مطابق منشیات کیس میں گرفتار ملزم اخلاق کو حالت غیر ہونے پر سول ہسپتال تھانہ سرگودھا روڈ لایا گیا جہاں سے وہ ہتھکڑیوں اور زنجیروں سمیت فرار ہو گیا ۔ ڈیوٹی پر موجود اہلکاروں سے تفتیش شروع کر دی گئی ۔

لاہور:لیسکو حکام کی بجلی چوروں کے خلاف کاروائی جاری،ڈیفنس روڈ پرنجی ہاوسنگ سوسائٹی میں بڑے پیمانے پر بجلی چوری پکڑی گئی۔ انڈرگراﺅنڈ کیبل سے سوسائٹی کے پورے بلاک کو ڈائریکٹ سپلائی دی گئی تھی۔لیسکو چیف چودھری محمد امین کی ہدایت پر لیسکو ریجن میں بجلی چوروں کیخلاف آپریشن جاری ہے۔ لیسکو رائیونڈ ڈویڑن میں ایکسیئن شہزاد حیدرچٹھہ نے ایس ڈی او لاہور پارک سب ڈویڑن شاہد ملک کے ہمراہ نجی ہاوسنگ سوسائٹی میں رات گئے کارروائی کی۔جس میں ڈیفنس روڈ پر واقع نجی ہاوسنگ سوسائٹی کے پورے بلاک کو ڈائریکٹ سپلائی سے بجلی فراہم کی جارہی تھی۔انہوں نے بتایا کہ انڈرگراﺅنڈ ہیوی کیبل سے کروڑ وں روپے کی بجلی چوری کی گئی۔ایکسیئن رائیونڈ شہزاد چٹھہ کے مطابق سوسائٹی کا جی بلاک” ان الیکٹریفائیڈ” ہے ۔ابتدائی اندازے کے مطابق کروڑوں روپے کی بجلی چوری کی گئی ہے۔ایس ڈی او شاہد ملک نے صارف سحر رشید کیخلاف پولیس کو بجلی چوری ایکٹ کے تحت کارروائی اور اندراج مقدمہ کی درخواست دیدی ہے۔لیسکو ذرائع کے مطابق مطابق مذکورہ سوسائٹی میںگزشتہ سال بھی بڑے پیمانے پر بجلی چوری پکڑی گئی تھی۔

رائیونڈ روڈ پر رائیاں پنڈ کے قریب کھیتوں سے میاں بیوی کی لاشیں ملی ہیں۔
تفصیلات کے مطابق پولیس کا کہنا ہے کہ مقتولین نے کچھ عرصہ قبل پسند کی شادی کی تھی جنہیں فائرنگ کرکے قتل کیا گیا ہے۔پولیس کا کہنا ہے کہ لاشوں کو قبضے میں لے کر کارروائی کا آغاز کردیا گیا ہے۔

سیدو شریف کے علاقے میں پولیس کی جانب سے چوری کے الزام میں گرفتار 3 خواتین کو تشدد کا نشانہ بنانے کی ویڈیو سوشل میڈیا پر وائرل ہو گئی ہے ، ویڈیو وسامنے آنے کے بعد ایس ایچ او اور دیگر اہلکاروں کو معطل کر دیا گیاہے ۔
تفصیلات کے مطابق پولیس کے مطابق گرفتار خواتین کا تعلق بنوں سے ہے اور وہ سوات میں مبینہ طور پر چوری کی وارداتوں میں مطلوب تھیں، گرفتار خواتین سے 19 تولہ سونا اور ایک لاکھ روپے بھی برآمد کیے گئے۔خواتین کو مقدمے کے اندراج کے بعد جوڈیشل ریمانڈ پر جیل بھیج دیا گیا ہے۔تاہم گرفتاری کے وقت پولیس کی خواتین پر تشدد کرنے اور ان کو گالیاں دینے کی ویڈیو منظر عام پر آئی ہے۔
ویڈیو میں دیکھا جاسکتا ہے کہ سادہ اور وردی میں ملبوس پولیس اہلکار گرفتار خواتین کو تشدد کا نشانہ بناتے ہیں اور انہیں تھپڑاور لاتیں بھی مارتے ہیں۔ واقعہ کی ویڈیو سامنے آنے کے بعد ڈی پی او دلاور خان بنگش نے ایس ایچ او سیدو شریف پولیس سٹیشن رفیع اللہ ، ایڈیشنل ایس ایچ او کوکرائی پولیس سٹیشن سب انسپکٹر ایاز ، کانسٹیبل فضل خالق ، محمد عالم ، اسحاق کو معطل کرتے ہوئے فوری طور پر انہیں گرفتار کر نے کا حکم جاری کر دیا ۔تمام اہلکاروں کے خلاف دفعہ 63 کے تحت مقدمہ درج کر لیا گیاہے اور ایس پی انوسیٹی گیشن نظیر خان کو انکوائری کی ذمہ داری سونپ دی گئی ہے ، ایس پی سے چوبیس گھنٹوں میں رپورٹ بھی طلب کر لی گئی ہے ۔

انکل سریا ہسپتال کے سامنے نامعلوم افراد کی کارپرفائرنگ سے 4 معروف ٹک ٹاکرجاں بحق ہوگئے ہیں ۔نجی ٹی وی کے مطابق کراچی کے علاقے انکل سریا اسپتال کے سامنے نامعلوم افراد نے ہنڈا سٹی کار (نمبر AEN-548) پرفائرنگ کرکے لڑکی سمیت 4 معروف ٹک ٹاکرکو قتل کردیا۔مقتولہ خاتون کی شناخت معروف ٹک ٹاکر32 سالہ مسکان شیخ کے نام سے کی گئی۔ مقتولہ لانڈھی کی رہائشی تھی۔ زخمیوں کی شناخت ان کے پاس سے ملنے والے شناختی کارڈ سے 29 سالہ صدام حسین ولد عبد اللہ جان غمگین ، 24 سالہ سید ریحان شاہ ولد سید نصیر حسین شاہ اور 25 سالہ عامر خان ولد آصف خان کے نام سے کی گئی۔ زخمی ہونے والے دیگر3 افراد صدام حسین، عامرخان اورسید ریحان شاہ بھی وقفے وقفے سے سول ہسپتال میں دوران علاج زخموں کی تاب نہ لاتے ہوئے دم توڑگئے۔ مقتول صدام حسین مکان نمبر KE-9516 بلاک ڈی محلہ گلشن غازی بلدیہ ٹاون کا رہائشی اور مشہور ٹک ٹاکرز تھا۔
مقتول عامرخان مکان نمبر 45-1 محلہ بوری بنگلہ پٹیل پاڑہ کا رہائشی تھا جبکہ مقتول سید ریحان شاہ محلہ توحید نگر گلشن غازی کالونی بلدیہ ٹاو?ن کا رہائشی تھا۔ مقتول صدام اور ریحان پولیس قومی رضا کار تھے۔عینی شاہدین کے مطابق مزکورہ چاروں افراد کار میں جا رہے تھے کہ تعاقب میں آنے والے رکشے میں سوار افراد نے انکل سریا ہسپتال کے قریب ہنڈا سٹی کارپرعقب سے فائرنگ کی جس کے نتیجے میں خاتون کو گولی لگی اور کار کے ہسپتال کے گیٹ کے سامنے رکتے ہی مسلحہ ملزمان نے رکشا سے اترکرکارکو گھیرے میں لے کر اس میں سوار افراد کو نیچے اتار کر گولیاں مار دیں اوررکشا سمیت فرارہونے میں کامیاب ہوگئے۔ پولیس نے جائے وقوعہ سے نائن ایم ایم پستول کے 9 خول حاصل کرکے فارنزک لیبارٹری بھیج دیے، پولیس واقعے کی تحقیقات کر رہی ہے۔

بوٹ بیسن کے علاقے میں گاڑی پر نا معلوم افراد کی فائرنگ سے نوجوان لڑکا اور لڑکی جاں بحق ہوگئے۔جیو نیوز کے مطابق واقعے کے بعد پولیس اوررینجرز نے کی جگہ کوگھیرے میں لے لیااوردونوں لاشوں کو جناح ہسپتال منتقل کردیا گیا ۔پولیس کے مطابق مرنے والے دونوں نوجوان تھے، واقعے کی جگہ سے30 بور پستول کے 5 خول ملے ہیں۔پولیس کا کہنا ہے کہ ایسے لگتا ہے کہ لڑکا،لڑکی کو ٹارگٹ کرکے قتل کیا گیا، مقتول لڑکا گمبٹ سندھ کا رہنے والا تھا اور کراچی میں ہجرت کالونی کا رہائشی تھا جب کہ مقتول لڑکی کی شناخت نہیں ہوسکی ہے۔پولیس حکام کے مطابق اطراف کی سی سی ٹی وی ویڈیو چیک کر رہے ہیں ،جیسے ہی فائرنگ ہوئی ایک 4 وہیل گاڑی تیزی سے بھاگی ہے۔

نیو اسلام آباد انٹرنیشنل ائیرپورٹ میں داخل ہونے والے افراد کی گاڑی سےبھاری مقدار میں خود کار اسلحہ برآمد ہونے پر گاڑی میں سوار دو ملزموں کا تحویل میں لے لیا گیا۔
ایکسپریس نیوز کے مطابق نیو اسلام آباد انٹرنیشنل ائیرپورٹ میں داخل ہونے والی گاڑیوں کی کار پارکنگ چیک پوسٹ پر معمول کے مطابق چیک پوسٹ پر کی جارہی تھی کہ ایک گاڑی سے بھاری مقدار میں اسلحہ برآمد ہوا۔ اے ایس ایف نے گاڑی میں سوار دو افراد کو حراست میں لے کر اسلحہ اپنی تحویل میں لے لیا۔
اے ایس ایف حکام کا کہنا ہے کہ گاڑی میں برآمد ہونے والے اسلحے میں ایس ایم جی اور اس کی 57 گولیاں، پانچ میگزین ،ایک شارٹ گن اور چھ کارتوس شامل ہیں، حراست میں لیے گئے افراد کی شناخت حمزہ افتخار اور شفقت علی کے نام سے ہوئی ہے، ملزمان کا موقف ہے کہ گاڑی سے ملنے والے اسلحہ لائسنس یافتہ ہے تاہم ملزمان ابتدائی تحقیقات میں لائسنس پیش نہیں کرسکے۔

جہلم میں بیرون ملک سے آئے پاکستانی نژاد شہریوں کو لوٹ لیا گیا۔ شہریوں کی مدد کرنے کے بجائے اہل کاروں نے تھانہ منگلا کی حدود تبدیل کردی۔
جہلم میں تھانہ منگلا کی حدود میں ڈکیتی کی واردات میں ملزمان غیر ملکی کرنسی اور سونا لوٹ کر فرار ہوئے۔ شہریوں نے الزام لگایا کہ پولیس نے مدد کرنے کے بجائے تھانہ منگلا کی حدود ہی تبدیل کردی اور بورڈ اکھاڑ کر پیچھے لگا دیا۔
بورڈ اکھاڑنے اور ڈکیتی کی سی سی ٹی وی ویڈیو سامنے آگئی، غفلت برتنے پر ڈی پی او نے ایس ایچ او منگلا کو معطل کردیا۔