Category دلچسپ و عجیب

ویب ڈیسک :‌بھارت میں ایک خاتون کو کم عمر لڑکے سے شادی کرنے کے جرم میں گرفتار کر لیا گیا۔ پولیس کا کہنا ہے کہ پولاچی کے علاقے میں فیول اسٹیشن میں کام کرنے والی 19 سالہ خاتون کو نابالغ لڑکے سے شادی کرنے کے الزام میں گرفتار کیا گیا۔ عرب میڈیا کی رپورٹ کے مطابق خاتون کو 17 سالہ لڑکے کے ساتھ جنسی زیادتی اور زبردستی شادی کرنے کے الزام میں بچوں کے تحفظ کے قانون کی دفعہ 5 کے تحت گرفتار کیا گیا ہے۔ بچےسےشادی کرنیوالی خاتون کوآج خصوصی عدالت میں پیش کیا گیا جس نے اسے جوڈیشل ریمانڈ پر جیل بھیج دیا ہے۔پولیس کا کہنا ہے کہ خاتون دسویں جماعت فیل تھی جس کے بعد اس نے تعلیم ترک کر دی اور پولاچی کے پٹرول پمپ پر ملازمت اختیار کر لی تھی۔ پولیس کاکہناہےکہ خاتون کو 17 سالہ لڑکے جو روزانہ پیٹرول پمپ پر آتا تھا سے محبت ہو گئی تھی اور وہ بعد اس کے ساتھ ڈنڈیگل کے علاقے میں بھاگ گئی تھی۔
دونوں نے جمعرات کوڈنڈیگل میں شادی کی اوربعدازاں اپنےعلاقےمیں واپس آئےجہاں وہ کرائے کے مکان میں رہائش پذیر تھے۔ لڑکے کی والدہ نے ہفتے کے روز پولیس کو شکایت درج کرائی۔ مذکورہ خاتون کو جب شکایت کا پتہ چلا تو اس نے خواتین پولیس کو گرفتاری دے دی۔

طیبہ بٹ
گرمی کے موسم میں سورج پوری آب وتاب کے ساتھ چاروں طرف اپنی چمکیلی کرنیں بکھیرنے لگتا ہے آگ برساتے اس سورج سے آنکھوں کو بچانے کیلئے دھوپ کے چشموں کا بھی استعمال بڑھ جاتا ہے جھلساتی اس دھوپ دھوپ کی شدت سے آنکھیں بند ہونے لگتی ہیں ایسے میں گھر سے باہر جاتے وقت ایک عدد دھوپ کا چشمہ آنکھوں کیلئے کسی گھنے سایہ دار درخت سا محسوس ہوتا ہے جیسے جیسے انکی مانگ میں اضافہ ہوا انکا فیشن بھی آئے دن بدلنے لگا عموما کہا یہ جاتا ہے کہ خواتین کی چھوٹی سے چھوٹی چیز بھی فیشن اور اسٹائل سے خالی نہیں ہوتی مگر آجکل مرد حضرات بھی فیشن اور اسٹائل میں کسی سے کم نہیں سورج کے تیور گرماتے ہی انکے بھی تیور بدلنے لگتے ہیں کہتے ہیں چشمہ اگرلباس کی مناسبت سے لگایا جائے تو شخصیت مزید دلکش نظرآنے لگتی ہے
زرد اورنج تیزگلابی، ترمزی اور سبزرنگ کے سن گلاسز کی بہار اب ہرجانب دکھائی دیتی ہے دکانداروں کے مطابق ان دنوں cat eyes یعنی بلی کی آنکھوں جیسی سن گلاسزخاص طور سے فیشن میں ان ہیں جبکہ طبی ماہرین کا کہنا ہے کہ غیر معیاری چشمہ کے استعمال سے آنکھوں کے مختلف امراض کا سامنا ہوسکتا ہے پلاسٹک کے شیشوں والی عینکیں دھوپ میں جلدی گرم ہق جاتی ہیں اور آنکھوں کو شدید نقصان پہنچاتی ہیں تا ہم آنکھوں کو دھوپ سے بچانے کے لیے ایسے چشموں کا انتخاب کیا جائے جو آنکھوں کو الٹرا وائلٹ شعاعوں سے بچاسکیں
سورج کے تیور دیکھتے ہی سن گلاسز کا استعمال تو بڑھ جاتا ہے مگر غیر معیاری چشموں سے اختیاط بھی ضروری ہے

https://youtu.be/FkDKyGD0dZQ

نمائندہ ایمرا نیوز بشری بٹ

شمالی میسیڈونیا میں عجیب الخلقت بچھڑے کی پیدائش ہوئی ہے.یہ نایاب گائے کا بچہ دو سروں کا حامل ہے.اس کی چار آنکھیں دو منہ اور ایک کانوں کا جوڑا ہے.اس کے مالک کا کہنا ہے کہ اس کو صبح معلوم ہوا کہ گاۓ بچے کو جنم دینے والی ہے ہے مگر جب وہ وہاں پہنچی تو انہوں نے دیکھا کہ وہ عام گائے کے بچے سے یکسر مختلف ہے اور اس کے دو سر ہیں.
اس نے فوری جانوروں کے ڈاکٹر کو کال کی اوکے میں بتایا کہ دو سروں کا یہ عمل گائے کا بچہ پولی سفیلی کا شکار ہے ایسے لوگوں میں اس بیماری کے شکار جانور دو سر کے حامل ہوتے ہیں.

پولی سفیلی نامی بیماری میں جانوروں کے دونوں سروں میں موجود دماغ الگ الگ اعضاء کو کنٹرول کرتے ہیں تاہم دونوں میں آپس میں رابطہ ہوتا ہے یہ بیماری جرم ہے جانوروں کے بننے کے عمل کے دوران ہی رک جانے سے ہوتی ہے ہے جس کی وجہ سے پیدائش کے بعد بھی جانوروں کے اعضاء ایک دوسرے سے جڑے ہوئے ہوتے ہیں

بچھڑے کا مالک فی الحال اسے دودھ پلانے کے لیے بوتل کا استعمال کرتا ہے.

ویتنامی اور اسرائیلی سائنسدانوں نے دریافت کیا ہے کہ جگنو خود کو چمگادڑوں سے بچانے کےلیے ایک مخصوص انداز میں آواز کی ایسی لہریں خارج کرتے ہیں جنہیں انسانی کان نہیں سن سکتے۔

آواز کی ان لہروں کی فریکوینسی (تعدد) اتنی زیادہ ہوتی ہے کہ وہ انسانی کان کےلیے ناقابلِ سماعت ہوتی ہیں۔ اسی بنا پر ہم انہیں ’’بالاصوتی‘‘ (الٹراسونک) لہریں بھی کہتے ہیں۔

جگنوؤں سے خارج ہونے والی یہ الٹراسونک لہریں اتنی منظم ہوتی ہیں کہ سائنسدان انہیں ’’الٹرسونک موسیقی کی ڈھال‘‘ قرار دینے پر مجبور ہوگئے ہیں، جو انہیں چمگادڑوں کا شکار بننے سے بچاتی ہے۔
اس اتفاقیہ دریافت میں سائنسدانوں کو معلوم ہوا کہ جگنو اپنے پروں کو تیزی سے پھڑپھڑا کر یہ الٹراسونک لہریں پیدا کرتے ہیں لیکن خود انہیں سن نہیں سکتے۔
البتہ یہ آوازیں نابینا چمگادڑوں کے تیز کانوں تک پہنچ کر انہیں قریب ہی کسی ’’خطرناک چیز‘‘ کے موجود ہونے کا احساس دلاتی ہیں اور وہ جگنوؤں کی طرف نہیں بڑھتیں۔

تل ابیب یونیورسٹی، اسرائیل اور ویتنام اکیڈمی آف سائنس اینڈ ٹیکنالوجی کے ماہرین نے یہ دریافت ویتنامی جنگلات میں ایک مشترکہ تحقیق کے دوران اتفاقیہ کی تھی۔

بعد ازاں جگنوؤں کی چار اقسام (انواع) پر تجربہ گاہ میں محتاط مشاہدات سے بھی اس دریافت کی تصدیق ہوئی، جس کی تفصیلات انہوں نے ’’آئی سائنس‘‘ نامی آن لائن ریسرچ جرنل میں شائع کروائی ہیں۔

الاسکا: کوّے اپنی چالاکی اور مکاری کےلیے مشہور ہیں لیکن الاسکا کے کووّں نے خریداری کرنے والے گاہکوں کا سامان چوری کرکے ایک نئی مثال قائم کردی ہے۔
خبروں کے مطابق، امریکی ریاست الاسکا کے کچھ سپر اسٹورز سے خریداری کرنے والے بعض صارفین کا کہنا ہے کہ کووں نے ان کے سامان میں سے کھانے پینے کی چیزیں اتنی پھرتی اور مہارت سے چوری کی ہیں کہ وہ حیران رہ گئے ہیں۔

امریکا بھر میں غریبوں کےلیے انتہائی کم قیمت پر کپڑے اور اشیائے ضرورت فراہم کرنے والے اسٹور ہوتے ہیں جہاں اکثر سامان عطیے کی صورت میں موصول ہوتا ہے۔ لیکن گڈوِل اسٹور کی ایک ملازمہ نے جب عطیہ کردہ کپڑے کھولے تو ان میں 100 ڈالر کے بہت سارے نوٹ تھے جو مجموعی طور پر 42 ہزار ڈالر کے لگ بھگ تھے۔
ملازمہ اینڈریا لیسنگ نے دیکھا کہ دو سویٹرز کے درمیان کچھ لپیٹا گیا ہے۔ پہلے اس نے سوچا کہ شاید اس میں کتابیں ہوں گی لیکن اس میں سے ہزاروں ڈالر کی رقم برآمد ہوئی۔ پھر اسے خیال آیا کہ شاید یہ جعلی نوٹ ہوں گے لیکن وہ اصل رقم تھی۔ اس نے شمار کیا تو وہ 42 ہزار ڈالر یعنی 60 لاکھ روپے تھے۔اینڈریا اپنی بیٹی کے ساتھ رہتی ہیں اور وہ اسے اپنے پاس چھپا کر بھی رکھ سکتی تھیں لیکن انہوں نے اپنے اسٹور کے مالک سے سارا احوال کہا۔ حیرت انگیز طور پر رقم کے ساتھ عطیہ کرنے والے کا نام اور پتا بھی موجود تھا جو ایک عجیب واقعہ کہا جاسکتا ہے۔
اینڈریا نے بتایا کہ وہ اچھے عمل کے اچھے بدلے پر یقین رکھتی ہیں۔ انہوں نے کہا کہ اس طرح انہوں نے گڈوِل کے نائب صدر فرینک ہولینڈ سے رابطہ کیا۔ فرینک کے اصل مالک سے رابطہ کیا تو اس نے نام نہ بتانے کی شرط پر رقم عطیہ کرنے کو کہا۔اس کے بعد گڈول انتظامیہ نے اپنی فطری جبلت کے خلاف یہ رقم نہ لی اور اسے انتظامیہ نے بہت سراہا ہے۔ اس کے بعد رقم کے اصل مالک کی اجازت سے اینڈریا کو اس میں ایک ہزار ڈالر دیئے گئے اور وہ اس دوران آبدیدہ ہوگئی۔
اس وقت بھی انہیں اپنی چھ سالہ بچی کا خیال تھا اور اینڈریا نے بتایا کہ جولائی میں وہ اپنی بیٹی کی سالگرہ بہت دھوم دھام سے منائیں گی۔

اگرچہ آکٹوپس بہت ذہین جانور ہے لیکن ایک بہت انوکھے واقعہ میں آکٹوپس نے ایک شخص پر حملہ کیا ہے۔
آسٹریلیا کے نوجوان ماہرِ ارضیات لانس کارلسن کو 18 مارچ کے روز یہ واقعہ پیش آیا۔ وہ آسٹریلیا کے جیوگراف بے کے ساحل پر اسنارکلنگ کررہے تھے کہ انہوں نے پہلے ایک جانور دیکھا جس پر اسٹنگ رے کا گمان ہوا جو پانی سے چھلانگ لگا کر ان کی جانب بڑھی۔
بعد ازاں انہوں نے اس کی ویڈیو بنانا شروع کی اور وہ ان کی جانب بڑھی لیکن فوراً ہی پانی میں غائب ہوگئی۔ اس واقعے کے بعد وہ اپنے کام میں مصروف ہوگئے اور قریب ہی کیکڑوں کے خول کے ڈھیر کو دیکھنے لگے۔ اچانک انہیں اپنے الٹے بازو پر سرسراہٹ محسوس ہوئی اور ساتھ ہی ان کی گردن اور کمر پر کوڑے کی طرح کوئی شے لگی۔انہون نے سوچا کہ شاید یہ کوئی آکٹوپس ہے جس کے گھر پر انہوں نے بے دھیانی پر پاؤں رکھ دیا تھا۔ تیرتے دوران ان کی آبی عینک دھندلاگئی اور شاید آکٹوپس سے خارج ہونے والی سیاہی سے پورا منظر دھندلاگیا تھا ۔ اب خوفزدہ ہوکر انہوں نے ساحل کا رخ کیا۔اس پورے عمل میں وہ بہت خوفزدہ تھے کیونکہ آکٹوپس خطرے کی صورت میں پانی میں سیاہی خارج کرتی ہیں لیکن اس واقعے میں آکٹوپس نے ان پر حملہ بھی کیا تھا۔ چند منٹوں بعد ان کی گردن پراور پیٹھ پر سرخ نشان نمایاں تھے۔ تاہم کارلسن نے اس سارے عمل کو بہت تکلیف دہ قرار دیا۔ اس سے 20 منٹ قبل کی ویڈیو میں بھی آکٹوپس کو غصے میں دیکھا جاسکتا ہے۔

کروشیا: عام انسان صرف دو منٹ بھی سانس نہیں روک سکتا لیکن کروشیا کے 54 سالہ غوطہ خور، بودیمیر بودا شوبات نے پورے 24 منٹ 33 سیکنڈ تک سانس روک کر ایک نیا عالمی ریکارڈ قائم کردیا ہے۔
شوبات پچھلے چند سال سے اپنے جسم کو انتہائی نوعیت کے مختلف حالات میں آزمانے کی کوششوں میں مصروف ہیں۔ ان کا حالیہ ریکارڈ بھی اسی سلسلے کی ایک کڑی ہے۔
یہ ریکارڈ قائم کرنے سے پہلے شوبات نے اپنے پھیپھڑوں میں وافر آکسیجن جمع کرنے کےلیے پانچ منٹ تک خالص آکسیجن میں گہرے گہرے سانس لیے۔
اس کے بعد انہوں نے تالاب میں اتر کر پانی کے اندر اپنا سر کر لیا تاکہ وہ چاہیں بھی تو سانس نہ لے سکیں۔ کروشیا کے قصبے سیساک میں انجام دی گئی اس تمام کارروائی کی ویڈیو ریکارڈ کرکے یوٹیوب پر بھی رکھ دی گئی ہے، جو تقریباً سوا گھنٹے جتنی طویل ہے:
بتاتے چلیں کہ اس سے پہلے بھی وہ زیرِ آب 24 منٹ 11 سیکنڈ تک سانس روک کر ریکارڈ قائم کرچکے ہیں۔
تازہ کوشش میں انہوں نے پانی کے نیچے رہتے ہوئے، 24 منٹ 33 سیکنڈ تک سانس روک کر اپنا ہی بنایا ہوا ریکارڈ توڑا ہے۔
ذرائع ابلاغ کی مختلف ویب سائٹس نے بھی اس ریکارڈ کی تصدیق کردی ہے لیکن فی الحال گنیز ورلڈ ریکارڈ نے اسے عالمی ریکارڈز کی فہرست میں شامل نہیں کیا ہے۔

کمپالا: یوگنڈا کے معروف الزبتھ نیشنل پارک میں 6 شیر پُراسرار طور پر مردہ پائے گئے، عام شیروں کے برعکس یہ شیر درختوں پر چڑھنے کے ماہر تھے اور زیادہ تر وقت درخت پر ہی گزارتے تھے۔

عالمی خبر رساں ادارے کے مطابق یوگنڈا کے کوئن الزبتھ نیشنل پارک میں شیروں کی ہلاکت کا اس وقت پتہ چلا جب پارک میں گِدھوں کی بڑی تعداد جمع ہوگئی جو مرے ہوئے شیروں کو نوچ رہے تھے۔ یہ شیر درختوں پر چڑھنے کی صلاحیت رکھنے کے باعث دنیا بھر میں مشہور تھے۔

الزبتھ نیشنل پارک کے اہلکاروں کا کہنا ہے کہ شیروں کے سر اور پنجوں کو کاٹ دیا گیا تھا اور ابتدائی طور پر لگتا ہے کہ شیروں کو زہر دیکر مارا گیا جب کہ اس معاملے میں جنگلی حیات کی غیر قانونی اسمگلنگ کو مسترد نہیں کیا جا سکتا۔
مقامی پولیس نے پارک میں شیروں کی پُراسرار موت کی تحقیقات کا آغاز کر دیا ہے تاہم اس پارک میں 2018 میں بھی 11 شیروں اور 2010 میں 5 شیروں کو مبینہ طور پر زہر دیکر ہلاک کردیا گیا تھا اور ان کی وجوہات بھی سامنے نہیں آسکی تھیں اور نہ ہی پولیس ملزمان کا سراغ لگا پائی تھی۔

سوشل میڈیا پر جہیز کی لعنت کے خلاف پاکستانی فیشن ڈیزائنر کی پُراثر آگاہی مہم نے سوشل میڈیا صارفین کے دل موم کردیے جس پر کسی نے داد دی توکسی نے جہیز نہ لینے کا عہد کیا۔
برائیڈل کوٹیور ریک میں جہیز سے لدی ایک گاڑی کو کرب میں گھسیٹتی ایک دلہن نے سوشل میڈیا صارفین اور دیکھنے والوں کے دل پگھلادیے۔
’نمائش نہ لگاؤ، جہیزخوری بند کرو‘ کے عنوان سے پاکستانی ڈیزائنر علی ذیشان نے ایک فیشن شوٹ کو جہیز کی لعنت کے خلاف عوام میں شعور جگانے کا ذریعہ بنایاجسے سماجی تنظیموں اور عوام کی جانب سے بڑی پزیرائی ملی۔
سوشل میڈیا صارفین نے ڈیزائنر کے اس اقدام کو کہیں ایک طاقتور پیغام قرار دیا تو کسی نے جہیز نہ لینے کا عہد کیا۔
ایک صارف نے تبصرہ کیا کہ یہ تصاویر جہیز کے بوجھ تلے دبی ایک دلہن اور اس کے والدین کے درد کی حقیقی ترجمانی کرتی ہیں۔
ایک صارف کا کہنا تھا کہ تعجب ہے کہ تعلیم یافتہ ہونے کے باوجود آج تک لوگ جہیز لے رہے ہیں۔
سوشل میڈیا پر ایک اور صارف کا کہنا تھا کہ لالچ سے شروع ہونےوالی شادیوں کا انجام بھی برا ہوتا ہے۔
دوسری جانب کچھ سوشل میڈیا صارفین ایسے بھی تھے جنہوں نے الٹا ڈیزائنر ہی کو آئینہ دکھا دیا اور توپوں کا رخ ڈیزائنر کی جانب موڑ تے ہوئے صارفین نے خود ان کے مہنگے ترین ملبوسات کی ہوش رُبا قیمتوں پر سوال اٹھادیے۔
ایک صارف کا کہنا تھا کہ خود آپ کا ایک عروسی جوڑا 10 لاکھ سے کم کا نہیں، اس پر آپ سادگی کی باتیں کررہے ہیں۔
ایک اور صارف نے ان ہی کے فیشن شوٹ سے قیمتی ملبوسات میں تصویر شیئر کرتے ہوئے سوال کیا کہ،کیا یہ نمود نمائش میں نہیں آتا؟