Category جرم وانصاف

لاہور( ایم نائن ٹو)لاہور ہائیکورٹ نے رہائشی علاقے میں سی آئی اے سینٹر کی تعمیر کو روک دیا اور محکمہ ماحولیات کو از سر سروے کا حکم کرکے اس کی رپورٹ ایک میں عدالت میں پیش کرنے کا حکم دیا ہے. تفصیلات کے مطابق لاہور ہائیکورٹ کے جسٹس ساجد محمود سیٹھی نے انارکلی میں ربانی روڈ کے مکینوں کی درخواست پر فیصلہ سنایا   جس میں رہائشی علاقے میں سی آئی اے سینٹر کی تعمیر کو چیلنج کیا گیا تھا. لاہور ہائیکورٹ نے درخواست پر حکم دیا کہ محکمہ ماحولیات کو سی آئی اے سنٹر کا دوبارہ سروے کیا جائے اور علاقے کے مکینوں کا موقف سنا جائے اور رہائشیوں کے تحفظات کا قانون کے مطابق فیصلہ کیا جائے  . عدالت نے حکم دیا کہ سروے کے دوران اس بات کو یقینی بنایا کہ محمکہ ماحولیات کے قوانین کی کسی بھی خلاف ورزی نہ ہو. لاہور ہائیکورٹ نے ہدایت کی  کہ عدالتی احکامات پر  1 ماہ میں  عملدرآمد کر کے رپورٹ عدالت میں جمع کرائی جائے۔

لاہور(رپورٹ:شیخ مبشر حسین) پنجاب پولیس جرائم کنٹرول کرنے میں ناکام ہوچکی ہے اورجرائم کی شرح میں گزشتہ سال کی نسبت تقریباً83فیصد تک اضافہ دیکھنے میں آیا،95ارب روپے کا بجٹ دئیے جانے کے باوجود پولیس کارکردگی بہترنہ ہوسکی اور صوبے میں ریپ، اغوا، قتل کی وارداتوں میں ریکارڈ اضافہ دیکھنے میں آیا۔ محکمہ داخلہ پنجاب کی جانب سے صوبے میں جرائم سے متعلق ریکارڈ مرتب کیاجارہاہے۔ ذرائع کے مطابق رواں سال 3لاکھ71ہزار378کیسز درج ہوئے۔ صوبہ بھر میں قتل وغارت کے3498واقعات پیش آئے۔ 3814قتل کرنے کی کوشش،11816بچے وبڑے افراد اغوا ہوئے جبکہ ریپ کے2650سے زائد کیسز درج ہوچکے ہیں۔ اسی دوران گینگ ریپ کے161واقعات رونما ہوئے۔

لاہور(ایم نائن ٹو نیوزڈاٹ ٹی وی )سیشن کورٹ کے ریڈر کو 5ہزار روپے رشوت لیتے ہوئے اینٹی کرپشن لاہور نے قابو کر لیا ، رشوت ستانی ایکٹ کی دفعات کے تحت مقدمہ درج ،ڈائریکٹر اینٹی کرپشن لاہور عدنان اولکھ کو درخواست دیتے ہوئے شاہدرہ کے رہائشی محمد صغیر نے موقف اختیار کیا کہ سیشن کورٹ لاہور کے ریڈر غلام مرتضیٰ سہیل سندھو نے ہمارے ایک کیس کے فیصلے اور سماعت میں مدد فراہم کرنے کے لئے 95ہزار روپے رشوت طلب کی ہے بحالت مجبوری 90ہزار ادا کر دیئے گئے ہیں جبکہ مزید 5ہزار روپے رشوت طلب کر رہاہے ،سائل مذکورہ شخص کو رنگے ہاتھوں گرفتار کروانا چاہتا ہے اس لئے ریڈ ٹیم تشکیل کرکے سائل کی مدد فرمائی جائے ،درخواست کی وصولی کے بعد ڈائریکٹر اینٹی کرپشن لاہور ریجن نے سرکل آفیسر لاہور ذبیر اخلاق کی سربراہی میں سپیشل ریڈ ٹیم تشکیل دی جس نے گزشتہ روز اسلام پورہ بازار سے ملزم غلام مرتضیٰ سہیل سندھو کو 5ہزار روپے رشوت لیتے ہوئے رنگے ہاتھوں گرفتار کرلیا ہے ،انسداد رشوت ستانی ایکٹ کی دفعات کے تحت کے ملزم کے خلا ف مقدمہ نمبر 17/17 بھی درج کر لیا ہے۔

لاہور(ایم نائن ٹو) چیف جسٹس لاہور ہائیکورٹ سید منصور علی شاہ نے سائلین کو گھر کے قریب انصاف فراہم کرنے کیلئے لاہور کی عدالتوں کو تین حصوں میں تقسیم کرنے کا حتمی فیصلہ کرلیا۔ ماڈل ٹائون کچہری ،ضلع کچہری اور کینٹ کچہری میں ایڈیشنل ڈسٹرکٹ اینڈ سیشن ججز سمیت فیملی اور سول ججز بھی کیسز کی سماعت کریں گے۔ تفصیلات کے مطابق لاہور کے دور دراز سے آنے والے سائلین کو سیشن کورٹ اور ایوان عدل میں فوجداری ، سول اور فیملی کیسز کی سماعت کے لئے آنا پڑتا تھا جس کے باعث نہ صرف سائلین کا کرایوں پر خرچہ ہوتا تھا بلکہ قیمتی وقت کا بھی ضیاع ہوتا تھا جبکہ ایک ایک جج کے پاس100سے زائد کیسز کا زلسٹ سے بہت سے مقدمات کی سماعت بغیر کارروائی ملتوی کردی جاتی تھی۔سائلین کی ان تمام مشکلات کو مدنظر رکھتے ہوئے چیف جسٹس ہائیکورٹ منصور علیشاہ نے لاہور کی عدالتوں کو تین حصوں میں تقیسم کرنے کا فیصلہ کیا ہے۔ کینٹ کچہری کی حدود میں آنے والے تھانوں کے مقدمے کینٹ کچہری میں ہی سنے جائیں گے۔ اسی طرح ماڈل ٹائون اور ضلع کچہری کے کیسز کی بھی انہی عدالتوں میں سماعت ہوگی۔ تینوں کچہریوں میں ایڈیشنل سیشن ججز ، سول ججز اور فیملی ججز کو تعینات کیاجائے گاجبکہ فیملی اورسول کیسز کی بھی سماعت ان تینوں کچہریوں میں ہوسکے گی۔ اب کاہنہ کے سائل کوسیشن کورٹ اور ایوان عدل نہیں جانا پڑے گا کیونکہ اس کے کیس کی سماعت ماڈل ٹائون کچہری میں ہوسکے گی۔چیف جسٹس منصورعلی شاہ جلد ہی اس معاملہ پر اعلی سطح اجلاس بلاکر عملدرآمد کرائیں گے جبکہ ان عدالتوں کی تقسیم سے متعلق پیپر ورک بھی مکمل ہونے کے ساتھ ساتھ وکلاء برادری کو بھی اعتماد میں لیاجاچکا ہے۔اس وقت لاہورکی سول عدالتوں میں ایک لاکھ40ہزار مقدمات زیر سماعت ہیں۔

لاہور(میڈیا نائن ٹو ڈاٹ ٹی وی )فیملی سول جج کی عدالت میں تکذیب نکاح کے دعوے میں قانونی نکتہ اٹھایا گیا ہے کہ سرپرست اگر بچپن میں بچی کا نکاح لڑکے سے کرتا ہے اس کی رخصتی نہ ہوئی ہو توکیا ایسی صورت میں لڑکی بالغ ہو کر اس نکاح کی منسوخی کے لئے عدالت سے رجوع کرسکتی ہے یا نہیں؟فیملی سول جج کی عدالت میں مسلم ٹاؤن کی ایک لڑکی دلشاد بیگم نے بچپن کے نکاح کو چیلنج کردیاہے۔لڑکی کا کہنا ہے کہ بچپن نے اس کے سرپرست (یعنی ولی )نے اس کی ناسمجھی میں اس کا نکاح کزن پرویز کے ساتھ کردیا ،اس کی ابھی رخصتی نہیں ہوئی لیکن والدہ اس کی رخصتی اگلے سال کرنے والے ہیں وہ لڑکے پرویز جو اس کا کزن ہے اس کو پسند نہیں کرتی اور نہ بچپن میں اس کو سمجھ تھی کہ وہ ہاں کرے یا نہ کرے ،اب وہ بالغ ہو چکی ہے اس کو اپنے اچھے برے کا علم ہے جہاں اس کی رخصتی کی جا رہی ہے نہ لڑکا کماتا ہے اور نہ اس کے گھر والے ٹھیک ہیں ،اس کے نکاح کو خارج کیا جائے۔عدالت میں مذکورہ بالاقانونی نکتہ اٹھائے جانے پرفریقین کے وکلا ءکو بحث کے لئے 26دسمبر کو طلب کرلیا ہے۔

لاہور (عدنان بٹ سے) لاہور ہائیکورٹ بار ایسوسی ایشن کی آل پاکستان پارٹیز بد نظمی کا شکار. صدر ہائی کورٹ بار اور سیکرٹری کی مداخلت پر معاملہ رفع کرا دیا گیا۔تفصیلات کے مطابق لاہور ہائی کورٹ بار کے زیر اہتمام آل پارٹیز کانفرنس ہائی کورٹ کے جاوید اقبال آڈیٹوریم میں ہوئی. آل پارٹیز کانفرنس میں ملک کی تمام سیاسی پارٹیوں کو مدعو کیا گیا تھا. تاہم آل پارٹیز کانفرنس شروع ہوتے ہی بد نظمی کا شکار ہوگئی جب دو وکلا گروپ انتظامی اختیارات کے باعث ایک دوسرے کے سامنے آ گئے. ممنوعہ راستے  سے داخل ہونے پر وکیل نے اپنے ساتھی وکیل کو روکنے کی کوشش کی تو معاملہ توں توں میں میں تک نہ رکا اور دھکم پیل شروع ہو گئی. آل پارٹیز کانفرنس میں شریک مصطفی کمال، شیخ رشید، شاہ محمود قریشی خواجہ سعد رفیق اور دیگر مہمان اس کھینچا تانی کو دیکھتے رہے. ہائی کورٹ بار کے صدر  چوہدری ذوالفقار اور سیکرٹری عامر سعید راں نے فوری موقع پر پہنچ کر معاملہ رفع دفع کرایا اور آل پارٹیز کانفرنس کا آغاز کرایا.

لاہور (ایم نائن ٹو ڈاٹ ٹی وی)سیشن عدالت نے پسند کی شادی کرنے والی لڑکی کو شوہر کے ساتھ جانے کی اجازت دے دی۔تفصیلات کے مطابق ایڈیشنل سیشن جج عرفان بسرا نے جملیہ بی بی کی درخواست پر سماعت کی درخواست گزار خاتون نے موقف اختیار کیا کہ اسکی بیٹی کو سرجیل نامی شخص نے ایک ماہ سے  اغوا کررکھا ہے ۔بیٹی بتول کو ورغرا کر ملزم نے اغوا کیا۔درخواست گزار نے عدالت سے استدعا کی کہ بیٹی کو بازیاب کروا جائے عدالتی احکامات  پر پولیس نے لڑکی کو بازیاب کروا کہ عدالت میں  پیش کیا تو کمرہ عدالت میں لڑکی نے بیان دیا کہ اسے کسی نے اغوا نہیں کیا بلکہ اپنی مرضی سے شرجیل سے شادی کی  جس پر عدالت نے لڑکی کے بیان کے بعد لڑکی کو شوہر کے ساتھ جانے کی اجازت دے دی۔عدالت نے سکیورٹی اہلکاروں نے جوڑے کو احاطہ عدالت سے روانہ کردیا۔

لاہور (ایم نائن ٹو ڈاٹ ٹی وی)لاہور ہائیکورٹ نے ریلوے اراضی واگزار کروانے کے لیے آپریشن کے خلاف دائر درخواستوں پر عدالت نے پاکستان ریلوے کو آپریشن سے روکتے ہوئے آئی جی ریلوے سے جواب طلب کر لیا تفصیلات کے مطابق جسٹس شمس محمود مرزا نے محمد شبیر نقشبندی سمیت 32 علاقہ مکینوں کی درخواست پر سماعت کی جس میں قصور کے علاقے باگڑ کوٹ میں پاکستان ریلوے کی جانب سے آپریشن کے اقدام کو چیلنج کیا گیا تھا درخواستگزار وکیل نے عدالت کے روبرو موقف اختیار کیا کہ پاکستان ریلوے نے قصور کے علاقے باگڑ کوٹ میں اراضی واہگزار کروانے کے لیے آپریشن شروع کر دیا ہے عدالت کو آگاہ کیا گیا کہ باگڑ کوٹ کے علاقے میں شہری مالکانہ حقوق رکھتے ہیں اس کے باوجود کارروائی کرنا غیر آئینی اور غیر قانونی ہے  درخواستگزار وکیل نے عدالت سے استدعا کی کہ عدالت پاکستان ریلوے کو آپریشن کرنے سے روکے عدالت نے پاکستان ریلوے کو آپریشن سے روکنے سے متعلق حکم امتناعی جاری کر دیا اور آئی جی ریلوے سے جواب طلب کر لیا۔

لاہور (ایم نائن ٹو ڈاٹ ٹی وی) ہائیکورٹ ،نواز شریف،شہباز شریف،پرویز الٰہی سمیت 64سیاست دانوں اور معروف شخصیات کے بیرون ملک اثاثے واپس لانے کے لئے دائر درخواست پر سماعت ، جسٹس مامون رشید شیخ نے جاوید اقبال جعفری کی درخواست پر سماعت کی۔ عدالت نے ڈپٹی اٹارنی جنرل کو فوری عدالت میں طلب کر لیااور پنجاب حکومت کے وکیل کو جواب جمع کروانے کا حکم دے دیا۔ درخواستگزار کے مطابق نواز شریف،شہباز شریف،پرویز الٰہی ،چوہدری شجاعت حسین،عمران خان، سردار ایاز صادق،اسحاق ڈار،جاوید ہاشمی،فاروق ستار کے اثاثے بیرون ممالک میں ہیں،نجم سیٹھی،میاں منشاء،عاصمہ جہانگیر،خواجہ شریف ،حمزہ شہباز شریف ،شاہد خاقان عباسی،رانا تنویر اور شیخ رشید کے اثاثے بھی بیرون ممالک ہیں،درخواستگزار کا مزید کہنا تھا کہ سیاسی اور بزنس مین شخصیات نے چار سو ارب ڈالر غیر قانونی طور پر بیرون ملک منتقل کئے اور قومی خزانے کو ناقابل تلافی نقصان پہنچایا گیا،سابق وزیر اعظم نواز شریف کے صاحبزادوں نے برطانیہ میں ایک سو انچاس جائیدادیں خریدیں ،درخواست میں فریق بنائے گئے تمام سیاستدانوں نے بیرون ملک اثاثے بنا کر ملک کو کنگال کیا،درخواستگزار نے عدالت سے استدعا کی کہ سیاستدانوں کی طرف سے بیرون ملک بینکوں میں رکھے گئے پیسے وطن واپس لائے جائیں،اسی طرح ملک کی حالت تبدیل کی جا سکتی ہے اور حقیقی انقلاب برپا کیا جا سکتا ہے۔

لاہور (ایم نائن ٹو ڈاٹ ٹی وی) لاہور ہائیکورٹ نے عدالت عالیہ کے ریٹائرڈ ججز کو پنشن اور بقایا جات کی عدم ادائیگی کے خلاف دائر درخواست پر اکائونٹنٹ جنرل سے 11 دسمبر کو جواب طلب کر لیا ہے۔ درخواستگزار سابق ججز کی جانب سے عدالت کو بتایا گیا کہ اکاونٹنٹ جنرل آفس نے کسی قانونی تقاضے کے بغیر ان کی پنشن اور مراعات روک دی ہیں۔ ریٹائرڈ جخز 1998 سے 2015 تک لاہور ہائیکورٹ میں بطور جج فرائض سر انجام دیتے رہے اکائونٹنٹ جنرل آفس نے 7 ججز کو ملنے والی پنشن روک دی ہے جبکہ 1 ریٹائرڈ جج کو پنشن دینے سے انکار کر دیا ہے۔