Category لاھور نامہ

پنجاب کے تمام اسکولوں کو مرحلہ وار شمسی توانائی پر منتقل کرنے کا فیصلہ کیا گیا ہے۔

ایکسپریس نیوز کے مطابق وزیراعلیٰ پنجاب عثمان بزدار کی زیرصدارت کابینہ کا اجلاس ہوا، جس میں ماحولیاتی آلودگی کو کنٹرول کرنے لیے اہم فیصلے کئے گئے۔ جس کے تحت صوبے میں اب پرائیویٹ کاروں کو بھی انسپکشن سرٹیفکیٹ لینا ہوگا، 5 سال سے پرانی گاڑیوں کے لئے انسپکشن سرٹیفکٹ لازم ہو گا، پہلے صرف بڑی گاڑیوں اور ٹرکوں کے لئے یہ ضروری تھا۔

پنجاب کابینہ نے مرحلہ وار صوبے کے تمام اسکولوں کو شمسی توانائی پر منتقل کرنے کا فیصلہ کیا ہے، اسکولوں کو شمسی توانائی پر منتقل کرنے سے سالانہ اربوں روپے کی بچت ہوگی، جب کہ نیٹ میٹرنگ سے چھٹی کے بعد پیدا ہونے والی بجلی کی ترسیلی کمپنیوں کو فراہم کی جائے گی۔
ذرائع کے مطابق پنجاب کابینہ کے اجلاس میں محسن لغاری نے وزیراعلیٰ پنجاب عثمان بزدار پر اعتراض اٹھاتے ہوئے کہا کہ آپ سیکرٹریوں کو محکمانہ اقدامات کے حوالے سے براہ راست ملتے ہیں، اس حوالے سے وزرا کو علم نہیں ہوتا۔ جس پر وزیراعلیٰ کا کہنا تھا کہ میں جس کو مرضی ملوں میرا اختیار ہے۔

اجلاس میں وزیرقانون پنجاب راجا بشارت کا کہنا تھا کہ ترقیاتی کاموں اور بجٹ پر اعتماد میں نہیں لیا جا رہا، محکمانہ بجٹ سے بھی لاعلم ہیں، ابھی تک میٹنگ نہیں ہوئی۔

اجلاس کے بعد پریس کانفرنس کرتے ہوئے معاون خصوصی اطلاعات فردوس عاشق اعوان کا کہنا تھا کہ پنجاب کابینہ نے گریڈ ایک سے 19 تک کے ملازمین کو خصوصی الاؤنس دینے کی منظوری دی ہے، سرکاری ملازمین کو 21 سے 25 فیصد الاؤنس یکم جون سے دیا جا رہا ہے، اضافے کی مد میں صوبے کے خزانے پر 29 ارب کا بوجھ پڑے گا۔

معاون خصوصی کے مطابق صوبے کے 7 اضلاع میں مفت علاج کی سہولیات کی فراہمی کے لئے 7 اعشاریہ 1 ارب کی منظوری دی گئی ہے، دو لاکھ 90 ہزار خاندان ہیلتھ انشورنس سے فائدہ اٹھا سکیں گے، جب کہ دسمبر تک تمام پنجاب کے شہریوں کو ہیلتھ کارڈ فراہم کر دیا جائے گا۔

فردوس عاشق نے بتایا کہ کابینہ نے ریونیو ایکٹ میں ترمیم کی بھی منظوری دے دی ہے، حافظ آباد، ساہیوال اور پاکپتن میں حالیہ بارشوں سے جان و مال کا نقصان اٹھانے والوں کے کئے امداد کی بھی منظوری دی گئی ہے، اسلحہ لائسنس کی ٹرانسفر اور تصیح کا اختیار ڈپٹی کمشنرز کو دے دیا گیا ہے، 5 سال پرانی گاڑیوں کو بھی فٹنس سرٹیفیکٹ حاصل کرنا ہوگا، 3 ویلر رکشہ کو ٹریفک قوانین میں جرمانہ کا اختیار دے دیا ہے، جب کہ گاڑیوں کی رجسٹریشن اور ٹرانسفر کے لیے بائیو میٹرک کے ساتھ جوڑنے کی منظوری بھی دی گئی ہے۔

پنجاب میں جان لیوا وائرس ڈینگی نے بھی خطرے کی گھنٹی بجادی۔

صوبے میں ڈینگی وائرس کے 44 مریض سامنے آنے پر محکمہ صحت نے ہنگامی اقدامات شروع کردیے ہیں۔

محکمہ صحت کے مطابق ڈینگی وائرس کے 44 مریضوں میں سے 13 لاہور جب کہ گجرات اور وہاڑی کے 3،3 مریض شامل ہیں، راولپنڈی، فیصل آباد اور قصور سے 2،2 مریض رپورٹ ہوئے ہیں، 7 مریضوں کی ٹریول ہسٹری دوسرے صوبوں اور ایک کی اسلام آباد سے ملتی ہے۔

محکمہ صحت نے صورتحال کی سنگینی کو دیکھتے ہوئے انسداد ڈینگی اقدامات شروع کر دیے جس کے تحت تمام اضلاع میں ڈینگی وارڈز اور ڈینگی آئی سی یو فعال کردیے گئے ہیں اور انسداد ڈینگی مہم کے لیے صوبے میں فوری طور پر 10929 ہیلتھ ورکرز کو عارضی بنیاد پر بھرتی کرنے کا فیصلہ کیا گیا ہے۔

اس کے علاوہ انسداد ڈینگی کے لیے کام کرنے والے ہیلتھ ورکرز اور افسران کی اتوار کی چھٹیاں بھی منسوخ کر دی گئی ہیں۔

محکمہ صحت کے مطابق ڈینگی کے اس سال 44 مریض سامنے آنا تشویشناک ہے جب کہ گزشتہ سال مئی کے آخر تک صوبے بھر میں 9 مریض رپورٹ ہوئے تھے۔

آل پاکستان انجمن تاجران نے بجٹ کے موقع پر وزارت خزانہ سے مطالبات کردئیے ۔

تفصیلات کے مطابق مرکزی سیکرٹری انجمن تاجران نعیم میر اور دیگر تاجر قائدین نے ہفتہ وار دو یوم کی تعطیل ختم کرنے اور پورے ملک میں کاروبار کرنے کے یکسان اوقات مقرر کرنے کا مطالبہ کردیا ۔

شہر سمیت ملک بھر کے انجمن تاجران کے قائدین نے ہفتہ کی تعطیل ختم کرنے کا مطالبہ کردیا ۔انجمن تاجران کے قائدین نعیم میر ،اشرف بھٹی ،خالد پرویز سمیت دیگر نے ملک بھر میں اوقات کاروبار رات دس بجے تک کرنے کا مطالبہ کردیا۔ نعیم میر نے کہا ہے کہ سکولز سمیت تمام بند کاروبار مکمل کھولے جائیں اوروزارت خزانہ وفاقی بجٹ میں چھوٹے تاجروں کو ریلیف دے۔ نعیم میر نے مزید کہا کہ معیشت کی بہتری کے اثرات متاثرہ تاجروں کو منتقل کئے جائیں اور چھوٹے تاجروں کے لئے بلا سود قرضہ سکیم کا اجرا کیا جائے۔

کمشنر لاہور کی ہدایات پر رہائشی علاقوں میں مویشیوں کی موجودگی کیخلاف آپریشن، واپڈا ٹاؤن میں دوران آپریشن 20 بھینسیں ضبط کرلی گئیں، آپریشن ڈی ایم او آر اقبال ٹاؤن کی سربراہی میں کیا گیا۔

تفصیلات کے مطابق رہائشی علاقوں میں مویشیوں کی موجودگی پر کمشنر لاہور کی ہدایات پر آپریشن کیا گیا، آپریشن ڈی ایم او آر اقبال ٹاؤن کی سربراہی میں کھمبا پنڈ واپڈا ٹاون میں زون انتظامیہ کیجانب سے کیا گیا۔ آپریشن کے دوران زون انتظامیہ کیجانب سے 20 بھینسیں ضبط کرلی گئیں۔

آپریشن میں نشتر، گلبرگ اور اقبال زون انتظامیہ نے حصہ لیا۔ انتظامیہ کیمطابق رہائشی علاقوں میں مویشیوں کی موجودگی کیخلاف کارروائیاں جاری رکھیں گے ۔

حکومت کا بنایا گیا اینٹی قبضہ سیل خود ہی ناکارہ ہو کر رہ گیا، عام شہریوں کی درخواستیں ردی کی ٹوکریوں کی نذر ہو کر رہ گئیں۔

اینٹی قبضہ سیل میں ایکسائز ،ایل ڈی اے اور ضلعی انتظامیہ کے ساتھ پولیس اور اوورسیز کمیشن کے افسروں کو بھی شامل کیا گیا تھا، جس کا مقصد ایک ہی چھت کے نیچے شہریوں کی درخواستوں کا نمٹانا تھا تاہم زمینی حقائق اس کے برعکس نکلے۔

5 ماہ کے دوران اینٹی قبضہ سیل کو276 درخواستیں قبضے کے حوالے سے موصول ہوئیں، جس میں صرف 20 ایسی درخواستوں پر عملدرآمد کروا کر قبضے واگزار کروائے گئے ۔جو سرکاری زمینوں پر کیے گئے تھے جبکہ عام شہریوں کی 256 درخواستوں پر تاحال کوئی عملدرآمد نہیں کروایا جا سکا۔

ریکارڈ کے مطابق اینٹی قبضہ سیل نے 67 کینال سے زائد صرف سرکاری اراضی کو واگزار کروایا۔

اینٹی قبضہ سیل کے نمائندوں کا کہنا تھا کہ عام شہریوں کی درخواستوں میں قانونی پیچیدگیاں ہونے کی وجہ سے کیسز کو نمٹایا نہیں جا سکا تاہم انہیں جلد نمٹانے کی کوشش کی جائے گی۔

ٹریفک قوانین کی خلاف ورزی کرنے والےشہری ہوجائیں ہوشیار،ٹریفک وارڈنز نے دوران ڈیوٹی کمائی کا نیا طریقہ ڈھونڈ لیا،وارڈنز جاز کیش ڈیوائسز رکھ کر خود ہی چالان اور وصولیاں کر کے خود ہی آن لائن جمع کروانے لگے۔

تفصیلات کے مطابق ٹریفک پولیس نے اپنی جیبیں بھر نےکا نیا طریقہ ڈھونڈ لیا،ٹریفک قوانین کی خلاف ورزی کرنے والے ہوجائیں ہوشیار، کیوں کہ اب ٹریفک چالان بروقت ہوگا اور ادائیگی بھی اوقت،، ،وارڈنز ٹریفک کنٹرول کرنے کی بجائے آن لائن چالان کی وصولیاں موقع پر کرنے لگے،وارڈنز نے چالان جمع کرنے کے لئے پوائنٹس پر جاز کیش ڈیوائسز رکھ لیں۔

ذرائع ابلاغ کے مطابق وارڈنز خود چالان کر کے خود ہی آن لائن جرمانے جمع کرواتے ہیں،سی ٹی او کے خفیہ دورے نے وارڈنز کے آن لائن بزنس کا بھانڈا پھوڑ دیا،سی ٹی او نے ڈی ایس پیز سے بیان حلفی مانگ لئے۔

واضح رہے کہ ٹریفک پولیس نے جاز کیش اور ٹیلی نار ایزی پیسہ کے ذریعے چالان جمع کرانے کی سہولت متعارف کروا دی ہے،چیف ٹریفک آفیسر (سی ٹی او) لاہورکیپٹن (ر) حماد عابد کے مطابق شہری اب ایزی پیسہ اور جازکیش کے ذریعے بھی چالان جمع کروا سکیں گے،اس سے پہلے شہریوں کو آن لائن بینکنگ اور اے ٹی ایم سے جرمانہ جمع کروانے کی سہولت دی گئی تھی،سٹی ٹریفک پولیس اور پنجاب انفارمیشن ٹیکنالوجی بورڈ کے اشتراک سے الیکٹرانک پیمنٹ سسٹم جاری کیا گیا ہے۔

اس کے استعمال سے 10روزکے دوران 12 سو سے زائد چالان ٹکٹس پر جرمانے وصول کئے جاچکے ہیں۔ سید حمادعابد کا کہناہے کہ جدید ٹیکنالوجی کی مدد سے شہریوں کی سہولت کو یقینی بنایا جا رہا ہے، چالان کی صورت میں شہری موقع پر ہی جرمانہ جمع کروا کر کاغذات واپس حاصل کر سکتے ہیں۔

چیف ٹریفک آفیسر (سی ٹی او ) لاہورکیپٹن (ر) حماد عابد کا کہنا تھا کہ مینول ورک کو کمپیوٹرائزڈ کیا جا رہا ہے, ہمارا مقصد شہریوں کےلئے آسانیاں پیدا کرنا ہے۔

لاہور: پولیس اور مخالفین سے بچنے کے لیے نوجوان برقع پہن کر عدالت پہنچ گیا۔

تفصیلات کے مطابق لاہور کی ایک عدالت میں پولیس نے کارروائی کرتے ہوئے برقع پوش نوجوان کو گرفتار کرلیا، ملزم کا کہنا ہے کہ پولیس کی گرفتاری اور مخالفین سے بچنے کے لیے برقعے کا استعمال کیا۔

ترجمان لاہور پولیس کے مطابق فراز نامی نوجوان نے مصری شاہ میں پسند کی شادی کر رکھی تھی، اور لڑکی کے والدین نے ملزم پر اغوا کا مقدمہ درج کروا رکھا تھا، فراز اپنی عبوری ضمانت کروانے کے لیے عدالت برقع پہن کر آگیا تھا، اور پولیس نے مشکوک جان کر روکا تو برقعے میں لڑکا نکلا۔ جب کہ ملزم فراز کا کہنا ہے کہ پولیس کی گرفتاری اور لڑکی کے ورثا سے بچنے کے لیے برقع استعمال کیا۔

ترجمان کے مطابق پولیس نے فراز کو گرفتار کر کے کاروائی کا آغاز کر دیا ہے، اور سی سی پی او لاہور غلام محمود ڈوگر کی سیکیورٹی انچارج انسپکٹر مبشر اعوان کو شاباش دیتے ہوئے انسپکٹر مبشر اعوان کے لئے تعریفی سند کا بھی اعلان کیا ہے۔

تعلیمی ادارے کھول جانے اور امتحانات کی تواریخ کا اعلان ہونے کے بعد طلبا نےاس کو مسترد کردیا،گورنر ہاؤس کے باہر احتجاج کیا، طلبا کاکہناتھا کہ پیپر کینسل کیے جائیں۔

تفصیلات کے مطابق طلبا نے گورنر ہاوس کے باہر پیپر لینے پر پر امن احتجاج کیا، طلبا نےمطالبہ کیا کہ پیپر کینسل کیے جائیں،طلبا کا کہنا تھا کہ ہم نے آن لائن پڑھا ہے لہذا ہم سے آن لائن پیپر لیں، کورونا کی وجہ سے تعلیمی ادارے بند کیے گئے تھے، کورونا کی تیسری لہر کی وجہ سے ہمیں پیپر کے لیے ہال نہ بلایا جائے ہماری صحت کو خطرہ ہوگا.

احتجاج میں نویں، دسویں، گیارویں اور بارویں کے طلبا نے شرکت کی جن کا کہناتھا کہ ہم نے آن لائن پڑھا ہے، ہم سے پیپر نہ لیے جائیں بعد ازاں پولیس افسران نے موقع پر پہنچ کر احتجاج ختم کرایا۔

واضح رہے کہ قبل ازیں گزشتہ ماہ بھی میٹرک اور انٹرمیڈیٹ کے طلبا کی جانب سےفزیکل امتحانات کا شیڈول مسترد کردیاگیا تھا،طلباسڑکوں پر نکل آئےتھے،گورنر ہاوس کے باہر مظاہرہ کیا اور مال روڈ کو ٹریفک کے لئے بند کر دیا گیاتھا،مال روڈ پر سراپا احتجاج طلبا نے مطالبہ کیاتھا کہ میٹرک اور انٹرمیڈیٹ کے امتحانات ملتوی کیے جائیں۔

مظاہرین نے سڑک کو دونوں اطراف ٹریفک کے لئےبند کیا اور شدید نعرے بازی کی،طلبا کا کہنا تھا کہ آن لائن کلاسز سے امتحانات کی تیاری نہیں ہو سکتی، حکومت مزید وقت دے اور امتحانات ملتوی کیے جائیں۔

اے سی سٹی فیاض احمد نے طلباء سے مذاکرات کیے اور صوبائی وزیر ہائر ایجوکیشن راجہ یاسر ہمایوں سے ملاقات کی یقین دہانی کروائی جس پر طلبا نے احتجاج ختم کیا،ان کا کہناتھا کہ مطالبات تسلیم نہ کیے گئے تو دوبارہ احتجاج کریں گے،طلبا کے احتجاج کے باعث مال روڈ پر ٹریفک کی روانی تعطل کا شکار رہی۔

اورنج،گرین لائن،فیڈر روٹس یکےبعددیگرےاستعمال پرکرائےمیں ریلیف دینےکافیصلہ،پنجاب ماس ٹرانزٹ اتھارٹی کی جانب سے ہدف پورا کرنے کے لیے تجاویز تیار۔

تفصیلات کےمطابق اورنج،گرین لائن،فیڈر روٹس یکےبعددیگرےاستعمال پرکرائےمیں ریلیف دینےکافیصلہ کیا گیا ہے،پنجاب ماس ٹرانزٹ اتھارٹی کی جانب سے ہدف پورا کرنے کے لیے تجاویز تیار کرلی گئیں جبکہ تین منٹ کے وقفے سے سفر کرنیوالوں کے لیے نیا کرایہ نامہ تجویز کر دیا گیا،کابینہ کمیٹی برائے خزانہ نے محکمہ ٹرانسپورٹ کو احکامات جاری کیے،پی ایم اے کی تجاویز کا تفصیلی جائزہ لےکراحکامات پرعملدرآمدکراجائےگا جبکہ نیاحتمی کرایہ نامہ مرتب کرنے اور منظور کروانے کے احکامات جاری کردیئےگئے

،پنجاب ماس ٹرانزٹ اتھارٹی کی جانب سے پیش کی گئی تجاویز کےمطابق اورنج لائن ٹرین کےبعدمیٹرو بس پر سفرکونیوالا کرایہ نہیں دےگا،اورنج لائن ٹرین کےبعدفیڈرروٹ استعمال کرنیوالےکرایہ نہیں دینگے جبکہ میٹروبس کا30روپےکرایہ دینےوالےاورنج ٹرین پر10روپے کرایہ دینگے،فیڈرروٹ میں 15 روپے اداکرنیوالےاورنج ٹرین میں 25 روپے اورمیٹروبس میں 30روپے ادا کرنیوالے فیڈر روٹ پرکوئی کرایہ ادانہیں کریں گے،فیڈر روٹ میں15 روپے ادا کرنیوالے میٹرو پر 15 روپے ادا کریں گے،فیڈر روٹ میں15 روپے ادا کرنیوالے نئے فیڈر روٹ پر 5 روپے ادا کرینگے،اورنج لائن کےبعدگرین لائن،فیڈرروٹ پرکوئی کرایہ ادانہیں کریں گے،اورنج لائن میں چالیس روپے ادا کرنے والے مسافر فیڈر روٹ اور پھر میٹرو میں سوار ہوتے ہوئے مزید کوئی کرایہ ادا نہیں کریں گے،اورنج لائن میں چالیس روپے ادا کرنے والے دو فیڈر روٹس میں سوار ہوتے ہوئے مزید کوئی کرایہ ادا نہیں کریں گے،میٹرو میں 30 روپے ادا کرنے والے اورنج لائن میں منتقل ہوتے ہوئے مزید دس روپے ادا کرنے گے اور پھر فیڈر روٹ میں منتقل ہونے پر کچھ ادا نہیں کرنا ہوگا،میٹرو بس میں 30 روپے ادا کرنے والے فیڈر روٹ میں منتقل ہونے پر کوئی کرایہ نہیں دیں گے اور پھر اورنج لائن میں منتقل ہونے پر صرف دس روپے ادا کریں گے،فیڈر روٹ میں 15 روپے ادا کرنے والے اورنج لائن میں منتقل ہونے پر مزید 25 روپے جبکہ پھر میٹرو میں منتقل ہونے پر کوئی کرایہ ادا نہیں کریں گے،فیڈر روٹ میں 15 روپے ادا کرنے والے اورنج ٹرین میں منتقل ہونے پر 25 روپے جبکہ پھر فیڈر روٹ میں منتقل ہونے پر کوئی کرایہ ادا نہیں کریں گے ،فیڈر روٹ میں 15 روپے ادا کرنے والے گرین لائن میں منتقل ہونے پر مزید 15 اور پھر اورنج لائن میں منتقل ہونے پر مزید 10 روپے ادا کریں گے،میٹر وبس میں 30روپےاداکرنیوالےایک کےبعددوسرےفیڈر روٹ پر5روپےدینگے،کرایہ نامہ 30 منٹ دورانیے میں منتقل ہونیوالے مسافروں کیلئےہوگا۔

محبت کی شادی کی سزا،سسرالیوں نے داماد کو سر منڈوا دیا، گلے میں جوتوں کے ہار پہنا دیئے .

تفصیلات کے مطابق گزشتہ رات لاہور کے علاقہ نشتر کالونی میں افسوس ناک واقعہ پیش آیا جہاں جاوید نامی شخص نے نشتر کالونی کی رہائشی زینب سے چند سال قبل پسند کی شادی کی تھی اور شادی کے بعد گھر سے بھاگ کر کراچی منتقل ہوگئے تھے،دنوں میں اپنی مرضی سے عدالت میں شادی کی،شادی کے بعد ساس کی طرف سےمسلسل رابطہ کیاگیا کہ اگر وہ واپس آجاتے ہیں تو ان کو کچھ نہیں کہا جائے گا۔

ساس کی باتوں میں آکر جوڑا چند روز قبل لاہور پہنچا اور گزشتہ رات اپنی ساس سے ملنے جاوید ان کےسسرالیوں کے گھر گیا تو پہلے ہی سے یہ پلان کیاگیا تھا کہ داماد کے ساتھ کیا سلوک کرنا ہے،گھر میں آنے پر ورثاء نے بیٹی کو گھر میں قید کرلیا جبکہ داماد پر بدترین تشدد کیا، سر منڈوادیا،جاوید کے گلے میں جوتوں کاہار پہنا دیا،

تشدد کا نشانہ بننے والے جاوید کے بھائی کو جب اس بات کا علن ہوا تو پولیس کو اطلاع کی اور ملزموں کے خلاف مقدمہ درج کروایا،پولیس نے کارروائی کرتے4 ملزمان کو حراست میں لے لیا،گرفتار ملزمان میں ندیم، اسلم اور ساس سمیت 5 ملزمان شامل ہیں،پولیس کا کہناتھا کہ جاوید کی ساس اور دیگر ملزمان کو تاحال گرفتار نہیں کیاجاسکا، گرفتاری کے لئے چھاپے مارے جارہے ہیں۔