Category سیاست

اسلام آبا د:تحریک انصاف کے جنرل سیکرٹری اسد عمر نے اسلام آباد انتظامیہ کی جانب سے دارالحکومت میں ریلی کی اجازت دینے سے انکار پر رد عمل میں کہا کہ اسلام آباد ہائی کورٹ نے کل واضح ہدایات دیں کہ ریلی نکالنا آئینی حق ہے،واضح حکم کے باوجود انتظامیہ نے ریلی کے انعقاد کی اجازت دینے سے انکار کر دیا،یہ پر امن ریلی آئین اور سپریم کورٹ کے ساتھ اظہار یکجہتی کے لئے نکالی جا رہی ہے، یعنی انتظامیہ اور پولیس کی طرف سے عدالتوں کو صاف پیغام کے ہم آپ کا حکم نہیں مانتے،یہ عدالتی احکامات کی کھلم کھلا خلاف ورزی ہے ،ان غیر آئینی اقدامات کے خلاف عدالتوں کا دروازہ کھٹکھٹائیں گے۔

فیصل آباد:اینٹی کرپشن نے تحریک انصاف کے فیصل آباد سے سابق صوبائی وزراء سمیت پانچ ممبران صوبائی اسمبلی کو آج( 5مئی ) طلب کرلیا، ان پر تعمیرراتی کاموں میں کروڑوں روپے کی کرپشن، من پسند افراد کو ٹھیکے دینے کا الزامات ہیں آن لائن کے مطابق ،اینٹی کرپشن پنجاب نے تحریک انصاف کے سابق صوبائی وزراء میں خیال احمد کاسترو، میاں وارث عزیز، شکیل شاہد ،ملک عمر فاروق ،چوہدری علی اختر کو بھی طلبی کا نوٹس جاری کر رکھا ہے ۔ تحریک انصاف کے،سابق ایم پی اے وارث عزیز نے فیصل آباد ڈویلپمنٹ اتھارٹی میں تعیناتی کے دوران 2043 کی بجائے منصوبے میں2500 کنال اراضی زرعی کو رہائشی میں تبدیل کرکے کروڑوں روپے کا گھپلہ جبکہ شکیل شاہد ،ملک عمر فاروق ،چوہدری علی اختر پر پر تعمیرراتی کاموں میں کروڑوں روپے کی کرپشن، من پسند افراد کو ٹھیکے دینے کا الزامات ہیں اس میں انکو آج بروز جمعہ 5مئی کو طلب کیا گیا ہے وہ آج اینٹی کرپشن پنجاب کے فیصل آباد دفتر میں اپنا جواب جمع کرواے گئے علاوہ ازیں سابق صوبائی وزیر خیال احمد کاسترو من پسند افراد کو ٹھیکے دینے کا الزام سمیت جنرل ہسپتال غلام محمد آباد اور دیگرمحکموں میں لاکھوں روپے وصول کرکے درجنوں افراد کو اختیارات کا ناجائز استعمال کرتے ہوئے بھرتیاں کروانا کابھی الزام ہے ۔

اسلام آباد :چیئرمین تحریک انصاف عمران خان ، بشری بی بی کے نکاح کے گواہ اور وزیر اعظم کے مشیر عون چوہدری نے اپنا بیان قلمبند کروادیا ہے،عون چوہدری نے کہا کہ عمران خان اور بشری بی بی کا نکاح دوران عدت ہی ہوا تھاجس کی وجہ سے عمران خان کو دوبارہ نکاح کرنا پڑااس حوالے سے تقریب فراڈ اور جھوٹ پر مبنی تھی ،عدالت نے بیان قلمبند ہونے کے بعد کیس کی سماعت 10 مئی تک ملتوی کر دی ۔تفصیل کے مطابق درخواست گزار وکیل رضوان عباسی نے عون چوہدری کا بیان قلمبند کروایا ،بیان قلمبند ہونے سے قبل عون چوہدری سے حلف لیا گیا ،عون چوہدری نے کہا کہ میرا نام محمد عون ثقلین ہے، عمر 44 سال ہے،میں فی الوقت وزیراعظم کا مشیر ہوں،میں عمران خان کا زاتی اسسٹنٹ، سیاسی سیکرٹری اور نہایت قریبی ساتھی تھا،میں عمران خان کے تمام سیاسی اور ذاتی معاملات کو بھی دیکھتاتھا،عمران خان کی ریحام خان سے 2015 میں طلاق ہوئی،عمران خان کو بشریٰ بی بی نے کہا فی الفور ریحام خان کو طلاق دیدو کیونکہ ریحام خان کو طلاق دینا سے ہی تمہارے لیے بہتر ہے، ریحام خان ملک میں موجود نہیں تھیں لیکن بشریٰ بی بی کے کہنے پر عمران خان نے ریحام خان کو طلاق دیدی،ریحام خان کو ای میل پر عمران خان نے طلاق دی،عمران خان طلاق کے بعد ذہنی پریشانی کا شکار رہتے تھے،عمران خان مجھے اکثر اوقات کہتے کہ مجھے بشریٰ بی بی کے پاس لے جاؤ،بشریٰ بی بی کے ساتھ عمران خان کا ملاقاتوں کا سلسلہ جاری رہا،31 دسمبر 2017 کو عمران خان نے کہاکہ یکم جنوری کو بشریٰ بی بی سے نکاح کرنا ہے،عمران خان نے مجھے کہاکہ نکاح کے انتظامات کرو،عمران خان کی بات پر میں نے حیرانگی کا اظہار کیااور کہاکہ بشریٰ بی بی پہلے سے شادی شدہ ہیں،میرے سوال کرنے پر عمران خان نے مجھے بتایاکہ بشریٰ بی بی کی طلاق ہوگئی ہے،میں نے عمران خان کا یقین کیااور اگلے دن مفتی سعید اور زلفی بخاری کو لے کر لاہور روانہ ہوگیا،یکم جنوری 2018 کو عمران خان کا بشریٰ بی بی کے ساتھ نکاح لاہور میں ہوا،میں عمران خان اور بشریٰ بی بی کے نکاح کا گواہ ہوں،نکاح سے قبل مفتی سعید نے میرے سامنے بشریٰ بی بی کے طلاق نامے کا استفسار کیا،عمران خان اور بشریٰ بی بی نے مفتی سعید کو کہاکہ طلاق نامہ دیدیاجائیگا،عمران خان اور بشریٰ بی بی کے نکاح کے بعد معلوم ہواکہ پہلے نکاح کے وقت عدت کا دورانیہ مکمل نہیں ہواتھا،بشریٰ بی بی اور عمران خان کو عدت کا دورانیہ مکمل نہ ہونے کا علم تھا،بشریٰ بی بی کے عدت کے دوران نکاح کی بات میڈیا پر بھی آگئی تھی،عمران خان نے مجھے بلا کر بتایاکہ عدت کا دورانیہ 18فروری کو مکمل ہوگا،میرے دوبارہ بشریٰ بی بی کے ساتھ نکاح کرنے کے انتظامات کرو،عدت کا دورانیہ 18 اور 14 فروری 2018 کے درمیان مکمل ہوتاتھا،میں نے عمران خان سے دورانِ عدت نکاح کا استفسار کیا،مجھے عمران خان نے کہاکہ بشریٰ بی بی کو حکم ملاتھا کہ سال 2018 کے پہلے دن نکاح ہوگا،عمران خان کو بشریٰ بی بی نے کہاکہ ہم میاں بیوی رہیں گے تو میں وزیراعظم بن جاؤں گا،عمران خان کی شادی کی تقریب اور نکاح فراڈ پر مبنی تھا،عمران خان نے پیشگوئی کے زیر اثر پہلا نکاح کیا،جج نصرمِن اللہ بلوچ نے بیان قلمبند ہونے کے بعد عمران خان اور بشریٰ بی بی کے خلاف غیرشرعی کیس 10 مئی تک ملتوی کر دی۔

اسلام آباد:ڈسٹرکٹ اینڈ سیشن کورٹ توشہ خانہ فوجداری کارروائی کیس میں ایڈیشنل سیشن جج ہمایوں دلاور نے عمران خان کے وکیل خواجہ حارث کی عدم موجودگی کی بناء پر سماعت پانچ مئی تک ملتوی کر دی۔ کیس کی سماعت شروع ہوئی تو عمران کی لیگل ٹیم کے رکن بیرسٹر گوہر نے عدالت کو بتایا کہ گزشتہ سماعت پر کہا تھا کہ خواجہ حارث آج دستیاب نہیں ہوں گے ،عمران خان کی جانب سے عدالت سے ایک روز حاضری سے استثنی کی درخواست دائر کی گئی جسے عدالت نے منظور کر لیا ،اس موقع پر الیکشن کمیشن کے وکیل نے عدالت کو بتایا کہ اگر ان کی طرف سے انڈرٹیکنگ آجائے کہ آئندہ دلائل دیں گے ،عمران خان کی جانب سے وکلا بیرسٹر گوہر اور فیصل چوہدری پیش ہوئے ،عدالت نے فریقین کے وکلا سے یقینی دہانی کے لیے دستخط بھی لے لئے اس موقع پر عدالت نے ہدایات جاری کی کہ آئندہ سماعت پر درخواست قابل سماعت ہونے پر دلائل دیں کیس کی سماعت پانچ مئی تک ملتوی کردی گئی

اسلام آباد :وزیر اطلاعات مریم اورنگزیب کا عمران خان کے بیان پر ردعمل دیتے ہوئے کہا کہ ‘ملک میں مارشل لگا دیں ‘‘کا بیان فارن فنڈد فتنے کی اصل نیت اور مقاصد کا ثبوت ہے ، انہوں نے کہا کہ باجوا نے امریکہ کو تمہارے خلاف کیا اور تم نے کہا کہ تمہاری حکومت کے خلاف سازش امریکہ نے کی ،اگر باجواہ نے امریکہ کو تمہارے خلاف کیا تو پھر سائیفر کیا تھا ؟اگر باجواہ نے امریکہ کو تمہارے خلاف کیا تو پھر امپورٹڈ حکومت اور عالمی سازش کیا تھی،اگر باجواہ اور آئی ایس آئی نے بتیس تھا تمہارے مخالفین چور ہیں تو پھر تمہارے الزام کیا تھے ؟جنرل باجوہ نے تمہیں اور تم نے 22 کروڑ عوام کو ٹرک کی بتی کے پیچھے لگایا ہوا تھا ،تم نے چار سال اپنے دماغ سے صرف ملک کو لوٹا باقی سب دوسروں کے کہنے پہ کیا ؟تمہیں کبھی آئی ایس آئی نے دوسروں کی کرپشن کا بتایا، کبھی باجوہ نے بتایا تمہارے ثبوت کہاں ہیں؟باجوہ اپنی توسیع کے لئے امریکہ سے لابنگ کر رہا تھا اور تم بند کمرے میں اسے تاحیات ایکسٹنشن کی آفر کر رہے تھے؟ باجوہ نے ہزار بار کہا ہو تم نے اسمبلیاں کسی کے کہنے پر کیوں توڑیں؟ قوم کو چار سال سمجھ نہیں آیا ملک اور عوام کو تم نے کس طرح ، کیسے اور کہاں کہاں سے لوٹا ؟انہوں نے مزید کہا کہ عوام اور ملک کے ساتھ جو ہوا تاریخ میں کہیں کسی ملک کے ساتھ یہ ظلم نہیں ہوا ،چار سال صرف اپنی بیگم اور اْن کی سہیلی فرح گوگی کو نوازا ،چار سال صرف آٹا ، چینی ، بجلی گیس مافیا کو نوازا ‘‘ملک میں مارشل لگا دیں ‘‘کا بیان فارن فنڈد فتنے کی اصل نیت اور مقاصد کا ثبوت ہے ،تم نے سازش کر کے پنجاب اور خیبر پختونخواہ کے نمائندوں کی توہین کی۔

اسلام آباد:سپیکر قومی اسمبلی راجہ پرویز اشرف نے سابق چیف جسٹس ثاقب نثار کے بیٹے نجم ثاقب کی آڈیو لیک کی تحقیقات کے لیے خصوصی کمیٹی قائم کر دی۔قومی اسمبلی سیکرٹریٹ نے کمیٹی کی تشکیل کا باضابطہ نوٹیفکیشن جاری کر دیا۔محمد اسلم بھوتانی کمیٹی کے چیئرمین مقرر کر دیئے گئے جبکہ دیگر ارکان میں شاہدہ اختر علی، محمد ابوبکر، چوہدری محمد برجیس طاہر، شیخ روحیل اصغر شامل ہیں جبکہ سید حسین طارق، ناز بلوچ، خالد حسین مگسی، وجیہا قمر اور ڈاکٹر محمد افضل خان ڈھانڈلہ بھی کمیٹی کے ارکان میں شامل ہیں۔نوٹیفکیشن کے مطابق کمیٹی اپنی تحقیقات اور انکوائری کے سلسلے میں کسی بھی تحقیقاتی ادارے کی مدد کر سکے گی اور کمیٹی اپنی جامع تحقیقات کرکے رپورٹ قومی اسمبلی میں پیش کرے گی ۔

اسلام آباد:سپیکر قومی اسمبلی راجہ پرویز اشرف اور ڈپٹی سپیکر زاہد اکرم درانی نے آزاد ذرائع ابلاغ کی جدوجہد میں صحافیوں کے ساتھ کھڑا رہنے کے اپنے عزم کا اعادہ کیا ہے۔ذرائع ابلاغ کی آزادی کے عالمی دن کے موقع پر ایک مشترکہ بیان میں سپیکر و ڈپٹی سپیکر نے کہا کہ پارلیمنٹ اور حکومت اس امر کو یقینی بنانے کی بھر پور سہی کر رہی ہے کہ صحافی کسی خوف ، دبائو کے بغیر آزادانہ کام کر سکیں تاکہ عوام کو قابل اعتماد اطلاعات تک رسائی حاصل ہو۔قومی اسمبلی کے دونوںرہنمائوں نے مشکل صورتحال اور اْن کے تحفظ کو درپیش خطر ات میں صحافیوں اور میڈیا ورکرز کیلئے اپنی بھرپور حمایت کا بھی اظہار کیا۔

اسلام آباد:وزیراعظم شہباز شریف نے سوڈان میں پھنسے ہوئے ایک ہزار پاکستانیوں کی کامیابی سے اور محفوظ واپسی پر دفتر خارجہ کی ٹیم اور دیگر اداروں کی تعریف کی ہے۔ ایک ٹویٹ میں وزیراعظم نے کہا کہ سوڈان کے حالات کے پیش نظر شہریوں کی واپسی ایک مشکل کام تھا جسے بروقت اور مربوط کوششوں کے ساتھ ممکن بنایا گیا۔وزیراعظم نے واپسی کی کوشش میں پاک فضائیہ کے کردار کو بھی سراہا۔شہباز شریف نے شہریوں کی واپسی کا مشن مکمل کرنے میں مدد دینے پر دوست ممالک سعودی عرب اور چین کے تعاون کا بھی شکریہ ادا کیا۔

اسلام آباد :وفاقی وزیر برائے ماحولیاتی تبدیلی سینیٹر شیری رحمان سے جرمن کی وفاقی وزیر برائے اقتصادی تعاون اور ترقی، سوینجا شولز نے ملاقا ت کی ہے اور دوطرفہ تعلقات پر تبادلہ خیال کیا ہے ،یہ ملاقات جرمنی کے دارالحکومت برلن میں پیٹرزبرگ کلائمیٹ ڈائیلاگ کے موقع پر ہوئی ،ملاقات کا مقصد دونوں ممالک کے بیچ کلائمیٹ ایڈاپٹیشن اور مٹیگیشن کے حوالے سے دوطرفہ تعاون کو بڑھانا اور نئے مواقع تلاش کرنا تھا،وفاقی وزیر شیری رحمان نے جرمن وفد کو گزشتہ سال کی بارشوں اور سیلاب کے بعد بحالی کے عمل کے حوالے سے آگاہ کیااور ملک بھر میں جاری غیر معمولی بارشوں اور نقصانات پرتفصیل سے آگاہ کیا ،شیری رحمان نے کلائمیٹ انرجی اقدام کے ذریعے پاکستان کی مدد کرنے پر جرمنی کا شکریہ ادا کیااور کہا کہ ان اقدامات میں کلائمیٹ رسک اسیسمنٹس، سب نیشنل کلائمیٹ رسک پروفائلنگ، ماحولیاتی تعلیم کو اعلیٰ تعلیم میں مرکزی دھارے میں لانے اور فنانس موبلائزیشن شامل ہیں۔اس موقع پرجرمن وزیر سوینجا شولز نے شیری رحمان کو حفاظتی اور اصلاحی اقدامات کے حوالے سے وسائل کو متحرک کرنے کے ساتھ ساتھ پاکستان کی ایڈاپٹیںشن اور مٹیگیشن کی صلاحیت کو بہتر بنانے کی یقین دہانی کرائی ،ملاقات میں پاکستان کے لیے گرین ہائیڈروجن سمیت دیگر شعباجات میں ممکنہ تعاون پر تفصیلی تبادلہ خیال کیا گیا۔

اسلام آباد: وزیراعظم میاں محمد شہباز شریف نے کہا ہے کہ پاکستان اور برطانیہ کے تعلقات کی جڑیں مشترکہ تاریخ، کثیر الجہتی رشتوں میں پیوست ہیں جو کئی دہائیاں گزرنے کے دوران مزید مضبوط ہوئے ہیں۔ٹویٹر پر جاری اپنے ایک بیان میں وزیراعظم نے کہا کہ برطانوی بادشاہ اور شاہی خاندان پاکستان کے عظیم دوست رہے ہیں اور دونوں ملکوں کے تعلقات وقت گزرنے کے ساتھ مزید پائیدار اور مضبوط ہونگے۔ وزیراعظم کا مزید کہنا تھا کہ میں شاہ چارلس سوئم کی تاجپوشی کی تقریب میں شرکت کے علاوہ دولت مشترکہ کی کانفرنس میں بھی شرکت کے ساتھ ساتھ دیگر عالمی رہنمائوں کے ساتھ دوطرفہ تعلقات مضبوط بنانے کے حوالے سے ملاقاتیں کروں گا۔