Category سیاست

فیصل آباد: 14مئی کو الیکشن ہونگے یا نہیں پنجاب اسمبلی کے عام انتخابات میں11روز باقی رہ گئے مگر امیدواروں کی طرف سے انتخابی سرگرمیاں نہ ہونے کے برابر ہیں فیصل آباد ضلع کی 21صوبائی نشستوں پر 10سیاسی و مذہبی جماعتیں میدان ، ن لیگ کا الیکشن سے بائیکاٹ اور ق لیگ کو ایک بھی امیدوار نہ مل سکے، آزاد امیدواران کی بڑی تعداد جبکہ پاکستان تحریک انصاف کے بعد پاکستان مرکزی مسلم لیگ دوسری بڑی سیاسی جماعت کے طور پر سامنے آئی ہے آن لائن کے مطابق پاکستان کے دوسرے بڑے صنعتی شہر اور سیاسی سرگرمیوں کے محوو مرکز فیصل آباد میں انتخابی مہم بھی نہ ہونے کے برابر ہے۔ 14مئی کو ہونے والے پنجاب اسمبلی کے عام انتخابات کے لئے 671امیدواروں نے 21 حلقوں میں کاغذات نامزدگی جمع کروائے تھے۔ سکروٹنی کا عمل مکمل ہونے کے بعد ان میں سے 556امیدواروں کو انتخابی نشان الاٹ کردیئے گئے۔اگر دیکھا جائے تو 14مئی کے عام انتخابات میں پاکستان تحریک انصاف ہی وہ واحد بڑی سیاسی جماعت ہے جس کے امیدوار الیکشن کے لئے پرجوش ہیں ن لیگ نے تو الیکشن کا بائیکاٹ کر رکھا ہے جبکہ پاکستان مرکزی مسلم لیگ بھی وہ بڑی سیاسی جماعت ہے جس کے فیصل آباد ضلع کے 21حلقوں میں امیدوار موجود ہیں۔ پاکستان پیپلز پارٹی 21میں سے 16حلقوں اور جماعت اسلامی 21میں سے 13حلقوں میں الیکشن لڑ رہی ہے۔ پاکستان سنی تحریک کے امیدواروں نے بھی 7حلقوں میں کاغذات نامزدگی جمع کروائے اور وہ الیکشن لڑ رہے ہیں۔ حلقوں کا تقابلی جائزہ لیا جائے تو پی پی 97میں 18امیدوار مدمقابل ہیں جن میں پی ٹی آئی ‘ پیپلز پارٹی‘ عوامی تحریک‘ اسلامی تحریک پاکستان‘ مرکزی مسلم لیگ کے امیدوارالیکشن میں حصہ لے رہے ہیں۔ باقی 13آزاد امیدوار بھی انتخابی مہم چلا رہے ہیں۔ پی پی 98میں پاکستان تحریک انصاف ‘ پاکستان پیپلز پارٹی اور پاکستان مرکزی مسلم لیگ کے علاوہ 24آزاد امیدوار الیکشن میں حصہ لے رہے ہیں۔ پی پی 99میں مرکزی مسلم لیگ ‘ جماعت اسلامی‘ پاکستان تحریک انصاف نظریاتی ‘ پاکستان پیپلز پارٹی‘ پاکستان تحریک انصاف کے علاوہ 37امیدوار موجود ہیں۔ پی پی 100میں 34امیدواروں کے ساتھ ساتھ پاکستان تحریک انصاف ‘ مرکزی مسلم لیگ ‘ پاکستان پیپلز پارٹی اور پاکستان نظریاتی پارٹی کے امیدوار الیکشن لڑ رہے ہیں۔ پی پی 101میں تحریک انصاف‘ مرکزی مسلم لیگ اور پاکستان پیپلز پارٹی کے علاوہ 18آزاد امیدوار میدان میں موجود ہیں۔ پی پی 102میں 26آزاد امیدواروں کے ساتھ پیپلز پارٹی‘ تحریک انصاف اور مرکزی مسلم لیگ کے امیدوار الیکشن لڑ رہے ہیں۔ پی پی 103میں پاکستان سنی تحریک‘ جماعت اسلامی

اسلام آباد:امیر جماعتِ اسلامی سراج الحق کی جانب سے مرکزی سیکرٹری جنرل تحریک انصاف اسد عمر پر بیرونِ ملک دولت رکھنے کا الزام لگانے پر مرکزی سیکرٹری جنرل اسد عمر نے سراج الحق کو قانونی نوٹس بھجوا دیا ۔قانونی نوٹس میں اسد عمر نے سراج الحق سے الزام پر فوری معافی مانگنے کا مطالبہ کرتے ہوئے کہا ہے کہ میرے وکلاء نے بے بنیاد الزام تراشی پر سراج الحق کو نوٹس بھجوا دیا ہے، سراج الحق اپنے الزام پر کھلے عام معافی مانگیں گے یا انہیں قانونی کارروائی کا سامنا کرنا ہوگا، سراج الحق قوم کو یہ بھی بتائیں کہ انہیں یہ غلط معلومات کس نے فراہم کیں

اسلام آباد:سپریم کورٹ آف پاکستان نے سپریم کورٹ پریکٹس اینڈ پروسیجر ایکٹ 2023 سے متعلق کیس کی سماعت کے موقع پر ایکٹ کی تیاری سے متعلق تمام پارلیمانی کارروائی، قائمہ کمیٹی میں ہونے والی بحث کے ریکارڈ سمیت فریقین سے تحریری دلائل طلب کرتے ہوئے معاملہ کی سماعت سوموار آٹھ مئی تک کیلئے ملتوی کر دی ہے۔ عدالت عظمی نے اس موقع پر پاکستان بار کونسل کی معاملہ کی سماعت کیلئے فل کورٹ بنانے اور جسٹس مظاہر علی نقوی کو بنچ سے ہٹانے کی استدعا مسترد قرار دے دی ہے۔ منگل کو عدالت عظمی میں معاملہ کی سماعت چیف جسٹس آف پاکستان کی سربراہی میں آٹھ رکنی لارجر بنچ نے کی۔ دوران سماعت چیف جسٹس آف پاکستان نے ریمارکس دیئے کہ جمہوریت آئین کے اہم خدوخال میں سے ہے،آزاد عدلیہ اور وفاق بھی آئین کے اہم خدوخال میں سے ہے،دیکھنا ہے کہ کیا عدلیہ کا جزو تبدیل ہوسکتا ہے؟عدلیہ کہ آزادی بنیادی حق ہے،عدلیہ کی آزادی کے حوالے سے یہ مقدمہ منفرد نوعیت کا ہے،مقدمے پر فریقین کے سنجیدہ بحث کی توقع ہے،لارجر بنج کو بہترین معاونت فراہم کرنی ہو گی ، پاکستان میں اپنی نوعیت کا یہ پہلا قانون ہے ،ریاست کے تیسرے ستون کے بارے میں یہ قانون ہے، قانون سازی کے اختیار سے متعلق وفاقی قانونی سازی فہرست کی کچھ حدود و قیود بھی ہیں،فیڈرل لیجسلیٹو لسٹ کے سیکشن 55 بھی جائزہ لینا ہو گا،یہ حقیقت تبدیل نہیں ہوسکتی کہ آذاد عدلیہ آئین کا بنیادی جزو ہے،الزام ہے کہ ملکی تاریخ میں پہلی مرتبہ آئین کے بنیادی جزو کی قانون سازی کے ذریعے خلاف ورزی کی گئی۔مسلم لیگ ن کی جانب سے بیرسٹر صلاح الدین، پیپلز پارٹی کی طرف سے فاروق ایچ نائیک جبکہ پاکستان بار کونسل کی جانب سے حسن رضا پاشا عدالت میں پیش ہوئے۔کارروائی کے آغاز میں ایڈووکیٹ طارق رحیم نے عدالت کو بتایا کہ عدالتی اصلاحات بل قانون کا حصہ بن چکا ہے، پاکستان بار کونسل کے وکیل حسن رضا پاشا نے عدالت کے روبرو موقف اپنایا کہ پاکستان بار نے ہمیشہ ٓائین اور عدلیہ کیلئے لڑائی لڑی ہے،مناسب ہوگا اگر اس مقدمے میں فل کورٹ تشکیل دیا جائے،بینچ میں سات سینیئر ترین ججز شامل ہوں تو کوئی اعتراض نہیں کرسکے گا،بینچ کے ایک رکن کے خلاف چھ ریفرنس دائر کیے ہوئے ہیں۔انہوں نے اس موقع پر جسٹس مظاہر علی نقوی کو بنچ سے الگ کرنے کی بھی استدعا کی۔اٹارنی جنرل آف پاکستان نے بھی اس موقع پر عدالت عظمی سے حکم امنتاع دینے کی استدعا کرتے ہوئے عدالت سے بنچ بڑھانے پر غور کرنے کی درخواست کی۔چیف جسٹس آف پاکستان نے اس موقع پر پاکستان بار کونسل کے کونسل کو مخاطب کرتے ہوئے ریمارکس دیئے کہ پاشا صاحب آپ نفیس آدمی ہیں،اپنے راد گرد سے معلوم کرائیں آپ کے لوگ کس کو فل کورٹ کہتے ہیں،سپریم کورٹ بار نے ادارے کا تحفظ کرنا ہے،ججز نے آنا ہے اور چلے جانا ہے،پہلے سمجھا تو دیں کہ قانون کیا ہے اور کیوں بنا؟پنچ کی تعداد کم بھی کی جا سکتی ہے،ججز اور عدلیہ کو احترام نہ دیا گیا تو انصاف کا مطالبہ نہیں ہوگا،اگر سپریم کورٹ کے ججز کا احترام نہ کیا گیا تو پھر یہ انصاف کا مطالبہ نہیں ہوگا،سیاسی جماعتیں من پسند فیصلوں کیلئے پک اینڈ چوز چاہتی ہیں۔پاکستان بار کونسل کے وکیل حسن رضا پاشا نے اس موقع پر موقف اپنایا کہ انہوں نے وکلا کے تحفظات سے عدالت کو آگاہ کیا ہے،عدالت کو کوئی بات ناگوار گزری ہے تو وہ معذرت خواہ ہیں۔عدالت عظمی نے اس موقع پر ایکٹ سے متعلق پارلیمانی کارروائی اور قائمہ کمیٹی میں ہونے والی بحث کو ریکارڈ طلب کرتے ہوئے معاملہ کی سماعت آٹھ مئی تک کیلئے ملتوی کر دی ہے۔ عدالت عظمی نے سیاسی جماعتوں اور وکلاء تنظیموں سے معاملہ پر تحریری دلائل بھی طلب کئے ہیں۔

اسلام آباد : پاکستان تحریک انصاف کے سیکرٹری جنرل اسد عمر نے کہا ہے کہ مذاکراتی اجلاس کے بعد اسمبلیاں توڑنے کا آخری موقع ہے، عمران خان نے موقع دیا کہ ایک دن میں پورے ملک میں انتخابات کروا لیں،ریلی کے اعلان پر کنٹینرز لگ گئے اور کارکنوں کے گھروں پر چھاپے مارے گئے، سپریم کورٹ نے تحمل کا مظاہرہ کیا، بار بار مواقع فراہم کیے، سپریم کورٹ اور لاہور ہائی کورٹ کے فیصلے آ چکے ہیں لیکن عدالتوں کے خلاف تقریریں کی جا رہی ہیں، گزشتہ ایک سال سے حکومت نے غلطیوں پر غلطیاں کی ہیں۔ان خیالات کا اظہار انہوں نے اسلام آباد انسداد دہشت گردی کی عدالت میں پیشی کے موقع پر میڈیا سے گفتگو کرتے ہوئے کیا ،اسدعمر نے کہا ہے کہ حکومت خوفزدہ ہے ریلی کے اعلان پر کنٹینرز لگ گئے اور ورکرز کے گھروں پر چھاپے مارے گئے آئین ٹوٹ چکاہے ،آئین کے نہ ہونے سے تمام قانون اور جمہوریت ختم ہو گئی، انھوں نے یہ بھی کہا کہ سپریم کورٹ نے تحمل کا مظاہرہ کیا،بار بار موقع دیاسپریم کورٹ اور لاہور ہائیکورٹ کے فیصلے بار بار آچکے ہیں عدالتوں کے خلاف تقریریں کی جارہی ہیں عمران خان نے موقع دیاکہ ایک دن میں پورے ملک میں انتخابات کروا لیں مذاکراتی اجلاس کے بعد اسمبلیاں تحلیل کرنے کا آخری موقع ہے ،بارہ ماہ حکومت نے غلطیوں پر غلطیاں کی ہیں اس موقع پر سابق وزیر مملکت فرح حیب نے کہاگزشتہ ایک سال سے پاکستان میں فاشسٹ حکمران مسلط ہیں چوہدری پرویز الٰہی کے گھر کی چار دیواری کا تقدس پامال کیاگیا حکومت کو سپریم کورٹ نہیں بلکہ شریف کورٹ آف پاکستان چاہیے ،ان کو فیصلے لکھوانے کی عادتیں پڑی ہوئی ہیں ملک میں غیر یقینی کی صورتحال حکومت کی مرہون منت ہیملک کے مشکلات کا واحد راستہ یک وقت انتخابات ہیں حکومت کا بس چلے تو ملک بھر میں دفعہ144 نافذ کردیں حکومت شکست کے خوف سے بھاگ رہیپانامہ رانی ووٹ کو عزت دینے کی بات کرتی تھیں اب مریم نواز اور ن لیگ کہتی ہے ووٹ کا نام ہی نہ لووڈیو لیکس کی فیکٹری رائونڈ میں لگی ہوئی

اسلام آباد:اسلام آباد ہائی کورٹ چیف جسٹس عامر فاروق کی عدالت نے صحافی عماد یوسف کی ڈسٹرکٹ کورٹ کے حکم نامے کے خلاف کیس پر سماعت کی عماد یوسف کے وکیل لطیف کھوسہ نے اپنے دلائل مکمل کر لئے ۔آئندہ پر اسپیشل پراسیکیوٹر راجہ رضوان عباسی دلائل جاری رکھیں گے دوران سماعت عدالت نے استفسار کیا کہ ایف آئی آر میں کون سی دفعات عائد ہیں 196 دفعہ میں کون سی اجازت لینی تھی جس پر عماد یوسف کے وکیل نے عدالت کو بتایا کہ چیپٹر 6 میں ساری کور ہیں اور ماتحت عدالت کے جج صاحب کی نظر نہیں پڑی ہے،اجازت صرف ایک شخص کے خلاف لی گئی تھی لطیف کھوسہ نے چینل میں نشر کئے گئے، شہباز گل کے بیان کا کیا گیا ٹرانسکریٹ میں پڑھ کر سنایاجو شکایت کے طور پر تحریری کارروائی کے لیے لکھا گیا،ایک ہی دن میں تمام کارروائی عمل میں لائی گئی برق رفتاری سے شکایت اور پر اسی تاریخ میں ایف آئی آر درج ہونا عمل میں لایا گیا عماد یوسف نا پروڈیوسر ہیں نا اینکر ہیں عماد یوسف چینل کے صدر ہیں ،عماد یوسف کو اس پورے واقعہ میں کسی بھی طرح شامل نہیں ہے ایک دن میں شکایت 4 اتھارٹی سے ہوتی ہوئی ایس ایچ او کے پاس کارروائی کے لئے پہنچی، عدالت نے استفسار کیا کہ کیا وفاقی حکومت نے ڈیلیگیٹ کا الفاظ لکھا ہوا ہے اس موقع پر عدالت نے اسپیشل پراسیکیوٹر سے استفسار کیا کہ اگر ڈیلیگیٹ کا الفاظ موجود ہے تو ٹھیک ہے یا نہیں ہے پھر غلط ہوا ہے جس پر اسپیشل پراسیکیوٹر نے عدالت کو بتایا کہ اس صورت حال میں سی آر پی سی کے 190 کے تحت ایف آئی آر میں جس پر شک ہو اس کا نام شامل کیا جا سکتا ہے آئندہ پر اسپیشل پراسیکیوٹر راجہ رضوان عباسی دلائل جاری رکھیں گے عدالت نے سماعت آئندہ ہفتے تک کے لئے ملتوی کر دی۔

اسلام آباد:مسلم لیگ (ن) کے رہنما اور سابق وزیراعظم شاہد خاقان عباسی نے ایک بار پھر نیب کو تنقید کا نشانہ بناتے ہوئے کہا ہے کہ نیب کے تماشوں نے ملک کو تباہ کردیا ہے، اس ادارے کو جڑ سے اکھاڑ کر پھینکیں ورنہ یہ ملک کو جڑ سے اکھاڑ دے گا۔ ایک آمر نے نیب قانون بنایا ، جب ھی ہم کوئی تبدیل کرتے ہیںتو سپریم کورٹ نوٹس لے لیتا ہے۔اسلام آباد میں احتساب عدالت کے باہر میڈیا سے گفتگو کرتے ہوئے شاہد خاقان عباسی کا کہنا تھا کہ قومی احتساب بیورو (نیب) گزشتہ سالوں میں ایک بھی سیاستدان کو نہیں پکڑ سکا، نیب کیسز دیکھ کر ملک میں کوئی سرمایہ کاری نہیں کرتا نیب قانون میں جعلی کیسز کو ختم کرنے کی گنجائش موجود ہے، نیب عدالتوں میں کیمرے لگا کر عوام کو سماعت دکھانی چاہیے۔ نیب کے تماشوں نے ملک کو تباہ کردیا ہے، غریب لوگ پندرہ، پندرہ سال سے جیلوں اور عدالتوں میں پھر رہیں ہیں، سب کی زندگیاں مفلوج ہیں مگر نیب اپنی جگہ قائم ہے، اس ادارے کو جڑ سے اکھاڑ کر پھینکیں ورنہ یہ ملک کو جڑ سے اکھاڑ دے گا۔ سابق وزیراعظم کا کہنا تھا کہ ایک آمر نے نیب قانون بنایا جس کو ہم تبدیل نہیں کر پاتے، ہم جب قانون تبدیل کرتے ہیں تو سپریم کورٹ نوٹس لے لیتا ہے، سیاست دان گزشتہ 24 سال سے اس قانون سے متاثر ہو رہے ہیں، نیب وہ ادارہ ہے جس نے ملک کے نظام کر تباہ کر دیا ہے، عمران خان ان اداروں کو کیسز بنانے کیلئے استعمال کر رہے تھے۔ ملک میں سابق وزیراعظم کو انصاف نہیں ملے گا تو غریب کو کیسے ملے گا۔ایک سوال کے جواب میںشاہد خاقان عباسی کا کہنا تھا کہ انتخابات کرانا ن لیگ کا کام نہیں الیکشن کمیشن نے انتخابات کروانے ہیں جس جماعت نے حصہ لینا ہے لے جس نے نہیں لینا نہ لے، ہے، پی ٹی آئی نے دونوں بار بدنیتی پر مذاکرات کیے۔ دوسروں کو چور کہنے والا خود چور ہوتا ہے، آج بات ملک کی ہے، عمران خان کے پاس پونے 4 سال تھے، پنجاب کی کرپٹ ترین حکومت بزدار کی حکومت تھی۔

لاہور: سابق وزیر قانون بیرسٹر اعتزاز احسن نے کہا کہ کہ ن لیگ سمجھتی ہے کہ وہ ایک نوٹیفکیشن کے ذریعے چیف جسٹس آف پاکستان کو ہٹا دیں گے ایسا نہیں ہو سکتا۔ نجی ٹی وی کے مطابق بیرسٹر اعتزا ز احسن نے کہا کہ اگر اگر ایسا ہوا ملک بھر کے وکلاء باہر نکل آئیں گے ۔ سمجھ سے باہر کہ ن لیگ ایسے شوشے کہاں سے نکال رہی ہے کسی چیف جسٹس کو ایک نوٹیفیکشن کے زریعے نہیں ہٹایا جا سکتا ۔ لاہور ہائیکورٹ اور سپریم کورٹ میں بہت خامیاں ہیں ، سپریم کورٹ کے ججز کے درمیان اگر کوئی جھگڑا چل رہا ہے تو وہ سپریم کورٹ کا اندورنی معاملہ ہے، ججوں ،سیاستدانوں کے فون ٹیپ ہو رہے ہیں ۔

اسلام آباد :وزیر اطلاعات و نشریات مریم اورنگزیب نے کہا ہے کہ قانون سازی سے شفاف اور منصفانہ نظام بنا دیا گیا ،پارلیمنٹ اپنے آئینی اختیار ات کے تحفظ کے لئے آخری حد تک جائے گی پارلیمنٹ اپنے آئینی حقوق کا بھرپور تحفظ اور دفاع کرنے کا حق رکھتی ہے ۔منگل کے روز جاری ایک بیان میں وزیر اطلاعات و نشریات کا کہنا تھا کہ پارلیمنٹ کا قانون سازی کا آئینی اختیارکوئی نہیں چھین سکتا عدلیہ کااختیار آئین وقانون کی تشریح کرنا ہے،آئین ’ری۔ رائیٹ‘ کرنا یا قانون سازی کے اختیار پر پابندی لگانا عدلیہ کا اختیار نہیں ،پارلیمان نے وکلاء￿ برادری، بار کونسلز اور ایسوسی ایشنز کے دیرینہ مطالبے پر قانون سازی کی ،انہوں نے کہا کہ آرٹیکل 184 تین سے متعلق قانون سازی سے عدلیہ کے اختیار ،آزادی وخودمختاری میں کوئی کمی نہیں کی گئی ،اس قانون سازی سے ’وَن۔مین۔شو‘ اور ’ امپیریل۔ کورٹ‘ جیسے اعتراضات ختم کئے گئے ،سپریم کورٹ کے تین سینئر موسٹ ججز مشاورت سے یہ اختیار استعمال کریں گے

اسلام آباد :سینئر قانون دان فاروق ایچ نائیک نے کہا ہے کہ سپریم کورٹ میں زیر سماعت بل کو پارلیمنٹ نے منظور کیا،آئین نے پارلیمنٹ کو ایسی قانون سازی کی اجازت دی ہے،پہلی بار ہوا کہ آئین ابھی بنا نہیں اور حکم امتناع جاری کر دیا گیا،منگل کے روز سپریم کورٹ کے باہر میڈیا سے گفتگو کرتے ہوئے انہوں نے کہا کہ پارلیمنٹ نے آرٹیکل 199 کا استعمال کرتے ہوئے سپریم کورٹ پریکٹس اینڈ پروسیجر بل پاس کیا ،آئین نے پارلیمنٹ کو اجازت دی ہے کہ وہ قانون سازی کرسکتی ہے ،یہ پہلی مرتبہ ہوا ہے کہ ابھی بل بنا نہیں اس پر عملدرآمد روک دیا گیا ،دیکھنا ہوگا کہ یہ بل جو اب قانون بن چکا ہے عوامی مفاد کو متاثر کررہا ہے؟ انہوں نے کہا کہ اگر کوئی اس بل کو چیلنج کرتا ہے تو اسے بتانا پڑے گا کہ کیسے یہ بل عوامی مفاد کے خلاف ہے ،اس بل کو پہلے ہائیکورٹ میں چیلنج کیا جاتا پھر یہ سپریم کورٹ میں آیا۔

اسلام آباد:سابق وزیراعظم عمران خان نے اسلام آباد ہائیکورٹ میں ایک اور درخواست دائر کر دی درخواست میں عدالت سے استدعا کی گئی کہ اسلام آباد میں درج تمام مقدمات اور طلبی کی نوٹسز کی کارروائی کو معطل کیا جائے، اسلام آباد اور ملک کے دیگر حصوں میں درج مقدمات کی تفصیلات طلب کی جائیں ،درخواست میں موقف اختیار کیا گیا کہ جبر کے اس طرح کے ہتھکنڈے عوام کی مقبولیت اور عزم کو کم کرنے میں ناکام رہے تو موجودہ حکومت نے عمران خان کو نااہل قرار دینے، گرفتار کرنے یا مجرم قرار دینے کے لیے بے جا مقدمات بنائے تاکہ اسے سیاسی میدان سے کسی بھی طرح سے ختم کر دیں ملک بھر میں عمران خان کے خلاف 121ایف آئی آر درج کی گئی ہیں ان ایف آئی آرز میں ایسے جرائم کا الزام لگایا گیا ہے جن میں مجرمانہ جرائم کی تقریباً پوری رینج شامل ہے جن کا ارتکاب ملک میں دہشت گردی،بغاوت سے لے کر توہین مذہب اور قتل تک کی دفعات لگائی گئی ہیں ان کی ایف آئی آرز کوئٹہ، کراچی،اسلام آباد سے لے کر پاکستان کے مختلف حصوں میں درج ہیں ایک ہی نوعیت کے الزام میں متعدد مقدمات کا انداراج کیا گیا کریمنل لاء کو سیاسی مقاصد کیلئے استعمال کرکے بنیادی حقوق کیخلاف ورزی کی جارہی ہے انسداد دہشت گردی کی دفعات کے تحت بھی متعدد مقدمات درج کئے گئے انسدادِ دہشت گردی کے قانون کو غلط استعمال کرکے بنیادی حقوق کی خلاف ورزی کی جارہی ہے۔