Category سیاست

لاہور  زمان پارک میں عمران خان کی زیر صدارت اجلاس ہوا جس میں راولپنڈی تنظیم کے رہنماؤں اور عہدیداروں  سے مشاورت کی گئی۔

اجلاس میں فیصلہ کیا گیا کہ عمران خان منگل کے روز بینکنگ کورٹ میں پیش ہوں گے۔ ذرائع نے بتایا کہ چیئرمین تحریک انصاف کے ساتھ پارٹی کے سینیئر رہنما بھی عدالت جائیں گے۔

راولپنڈی ڈویژن کےعہدیداروں کو عمران خان کے استقبال کی ہدایت کی گئی ہے۔

خیال رہے کہ بینکنگ کورٹ اسلام آباد نے ممنوعہ فنڈنگ کیس میں چیئرمین پاکستان تحریک انصاف عمران خان کو 28 فروری کوپیش ہونےکا حکم دیا ہے۔

لاہور میں میڈیا سے گفتگو کرتے ہوئے یاسمین راشد نے کہا کہ عمران خان پر قاتلانہ حملےکی تحقیقات صحیح نہیں ہو رہیں کیونکہ شہباز شریف، رانا ثنا اللہ اور ڈرٹی ہیری تحقیقات نہیں ہونے دے رہے،قاتلانہ حملےکے شواہد کو ضائع کرنےکی کوشش کی گئی۔

یاسمین راشد نے الزام عائد کیا کہ عمران خان پر حملے میں وفاقی اور نگران حکومت ملوث ہے، پنجاب کی نگران حکومت مسلم لیگ (ن) کے گھر کی باندی ہے ، سب سے مقبول لیڈر کو قتل کرانےکی کوشش کی جارہی ہے اور رانا ثنااللہ عمران خان کو قتل کرانا چاہتے ہیں۔

انہوں نے مزید کہا کہ وفاقی حکومت کی نئی جے آئی ٹی پر ہمیں اعتراض ہے، صوبائی حکومت نے جےآئی ٹی بنائی تو وفاقی حکومت نے کیوں مداخلت کی؟ نئی جےآئی ٹی میں وہ چار افسر ہیں جنہوں نے ثبوت ضائع کرنےکی کوشش کی۔

پی ٹی آئی رہنما کا کہنا تھا کہ مریم نواز دوبارہ عدلیہ کے پیچھے پڑی ہوئی ہیں، اس بی بی کی تربیت ہی غلط ہوئی ہے۔

اسلام آباد : وزیراعظم محمد شہباز شریف نے کہا ہے کہ بلوچستان کی ترقی وفاقی حکومت کی اولین ترجیح ہے۔وزیراعظم سے وزیر مملکت پاور ڈویژن ہاشم نوتیزئی ،رکنِ قومی اسمبلی چوہدری احسان الحق باجوہ، سابق ارکانِ صوبائی اسمبلی صوفی اکرم اور زاہد اکرم، پاکستان مسلم لیگ ن بلوچستان کے صدر جعفر خان مندوخیل ، اور سابق وزیرِ اعلی گلگت بلتستان حافظ حفیظ الرحمن نے علیحدہ علحدہ ملاقاتیں کی، ملاقات میں متعلقہ حلقے کے مسائل اور سیاسی صورتحال پر گفتگو کی گئی ،،وزیرِ اعظم سے پاکستان مسلم لیگ ن بلوچستان کے صدر جعفر خان مندوخیل نے ملاقات میں صوبہ بلوچستان میں وزیرِ اعظم کی ہدایت پر شروع کئے گئے ترقیاتی کاموں پر پیش رفت اور اس کے حوالے مثبت عوامی ردعمل پر گفتگو گی گئی، سابق وزیرِ اعلی گلگت بلتستان حافظ حفیظ الرحمن نے بھی وزیراعظم شہباز شریف سے ملاقات کی جس میں گلگت بلتستان کی سیاسی صورتحال پر تفصیلی گفتگو ہوئی ،وزیراعظم سے وزیر مملکت پاور ڈویژن ہاشم نوتیزئی کی ہونیوالی ملاقا ت میں پاور ڈویژن کے امور پر بات چیت اور ملک کی مجموعی سیاسی صورتحال پر تبادلہ خیال کیا گیا۔اس موقع پر بلوچستان نیشنل پارٹی سے تعلق رکھنے والے ملک عبدالولی کاکڑ بھی موجود تھے۔ملاقات میں وزیراعظم نے کہا کہ بلوچستان کی ترقی وفاقی حکومت کی اولین ترجیح ہے، صوبے کی ترقی اور خوشحالی کیلئے ہم ممکن اقدامات اٹھائے جائیں گے۔

کمالیہ: کمالیہ شہر میں آج الیکشن کراؤ ملک بچاؤ ریلی نکالی جائے گی۔ ریلی کی قیادت رہنما تحریک انصاف عاطف مرزا کریں گے۔ پی ٹی آئی کے کارکنان، سول سوسائٹی، وکلاء اور عوام کی کثیر تعداد شرکت کر ے گی۔ تفصیل کے مطابق چیئرمین پی ٹی آئی عمران خان کی ہدایات کے مطابق کمالیہ شہر میں آج الیکشن کراؤ ملک بچاؤ ریلی نکالی جائے گی۔ ریلی کی قیادت رہنما پاکستان تحریک انصاف و امیدوار برائے صوبائی اسمبلی پی پی 122 تحصیل کمالیہ عاطف مرزا کریں گے۔ ریلی کا مقصد امپورٹڈ حکومت کی جانب سے مسلط شدہ آسمان کو چھوتی ہوئی قیمتوں، پٹرول اور معاشی استحصال کے خلاف پر امن احتجاج ہے۔ ریلی دوپہر 1 بجے ذیشان کالونی کمالیہ سے نکالی جائے گی جو کہ کلمہ چوک پہنچ کر اختتام پذیر ہو گی۔ ریلی میں تحریک انصاف کے کارکنان، سول سوسائٹی، تاجربرادری، وکلاء برداری اور معززین علاقہ سمیت عوام کی کثیر تعداد شرکت کرے گی۔

اسلام آباد : وزیراعظم کے مشیر انجینئر امیر مقام نے کہا ہے کہ عمران نیازی صرف جیب بھر سکتا ہے، جیل نہیں، جیل بھرو تحریک، جیل سے بھاگو تحریک بن گئی ، جیل بھرو تحریک ختم اور ضمانت کراؤ تحریک شروع ہوچکی ہے۔جیل بھرو تحریک پر اپنے رد عمل میں امیر مقام کا کہنا تھا کہ عمران نیازی صرف جیب بھر سکتا ہے، جیل نہیں، جیل بھرنے کی بڑھکیں رونے، “رہا کرو” اور “بیمار ہوں” کی منتوں میں بدل گئی ہیں، پولیس ہر روز زمان پارک کے باہر جیل بھرو تحریک کا اعلان کرے۔امیر مقام نے کہا کہ سوات میں محمود خان کے گھر کے باہر جیل بھرو کی دعوت دی جاتی رہی لیکن وہ گھر سے باہر نہ نکلے ، عمران کے لئے جان حاضر ہونے کے دعویدارجیل جانے کے خوف سے بھاگ چکے، پی ٹی آئی کے دیگر رہنما “پلستر نیازی” کی طرح بیماریوں کے پیچھے چھپ گئے ہیں۔

شیخوپورہ:پاکستان تحریک انصاف کے ایڈیشنل جنرل سیکرٹری چوہدری فیض الرسول گجرنے کہا ہے کہ حکمرانوں نے مہنگائی کا طوفان برپا کر کے غریب عوام کاجینا دوبھر کردیا ہے، خدارا آئی ایم ایف اور اپنے غیر ملکی آقاؤں کو خوش کرنے کیلئے عوام کو مسائل کی
دلدل میں نہ دھکیلیں،ملک دیوالیہ کرنے والے محب وطن ہوتے تو یہ کبھی بھی رجیم چینج کاحصہ نہ بنتے ،اقتدار کے بھوکوں سے ایک ایماندار محب وطن لیڈر برداشت نہیں ہورہا ،قوم جان چکے ہیں کہ عمران خان کا پونے چار سالہ دوراقتدار مفاد پرستوں کے11گیارہ مہینوں کے اقتدار برانہیں تھا،چیئرمین تحریک انصاف کے دور حکومت میں انڈسٹری کا جام پہیہ رواں ہوگیا تھا،انڈسٹریز کے دروازے کھلے اورمزدوروں کی قلت ہوتی جارہی تھی،تعمیراتی کاموں میں تیزی سے کام شروع ہوچکے تھے مہنگائی سابق حکمرانوں کے لیے قرضوں کی اقساط دینے اور عالمی وبا کرونا کی وجہ سے تھی عمران خان نے نہ ہی ملکی دولت کو سابقہ حکمرانوں کی طرح لوٹ کر بیرون ممالک دولت بھیجی اورنہ ہی ذاتی مفادات لیے بلکہ عام آدمی کی جنگ مافیا کے ساتھ لڑنا شروع کی ،قومی وسائل لوٹ کر بیرون ممالک میں 11سواارب بھیجنے والوں نے لوگوں کی آنکھوں میں دھول جھونکنے کے لیے توشہ خانہ ریفرنس کو ھوا دی جس سے کچھ نہیں نکلا،انتخابات سے راہ فرار اختیار کرنے ہرگز نہیں دیاجائے گا ۔

اسلام آباد : قومی اسمبلی کے اجلاس میں انٹر بورڈ کوآرڈینیشن کمیشن بل متفقہ طور پر منظور جبکہ زکوٰتہ عشر ترمیمی بل 2023 اور گیس چوری روک تھام اور بازیابی ترمیمی بل 2023 پیش کر دیئے گئے ہیں قومی اسمبلی کا اجلاس جمعہ کے روز ڈپٹی سپیکر زاہد اکرم دورانی کی سربراہی میں منعقد ہوا اجلاس میں زکوتہ و عشر ترمیمی بل 2023 اور گیس (چوری روک تھام اور بازیابی ترمیمی بل 2023 پیش کردیئے گئے اجلاس میں وفاقی وزیر رانا تنویر حسین نے انٹر بورڈ کوارڈینیشن کمیشن بل پیش کیا اور قومی اسمبلی نے بل اتفاق رائے سے منظور کرلیا۔قومی اسمبلی کا اجلاس پیر کو شام پانچ بجے تک ملتوی کردیا گیا۔

اسلام آباد: وفاقی وزیر برائے دفاع خواجہ آصف نے کہا ہے کہ جب ججز ہماری حدود میں داخل ہونگے تو ہم بھی سوال اٹھائیں گے، نواز شریف کے ساتھ زیادتی ہوئی فل کورٹ تشکیل دیکر پانامہ کیس سے لیکر تمام کیسز پر نظر ثانی کی جائے، جیل بھرو تحریک ناکام ہو گئی ہے اب ڈوب مرو تحریک شروع کریں، شاہ محمود قریشی کل گرفتار ہوا ہے آج رورہا ہے ۔جمعہ کے روزقومی اسمبلی کا اجلاس ڈپٹی سپیکر زاہد اکرم درانی کی سربراہی میں منعقد ہوا،اجلاس میں اظہار خیال کرتے ہوئے خواجہ آصف نے کہا کہ ایک شکایت رہتی ہے کہ پارلیمنٹیرینز ججز کا نام لیکر تنقید کرتے رہتے ہیں پوچھنا چاہتا ہوں کہ کچھ ججز پر تنقید کی جاتی ہے تو کچھ ججز پر کیوں نہیں تنقید ہوتی؟جب ججز ہماری حدود میں داخل ہونگے تو ہم بھی سوال اٹھائیں گے ثاقب نثار اور کھوسہ پر تنقید ہوتی ہے تو ناصرالمک پر کیوں نہیں ہوتی؟یہ سوال عدلیہ کے لئے ہے کہ آخر ایسا کیوں ہے؟ایک سوال یہ بھی اٹھایا گیا ہے کہ دو صوبائی اسمبلیوں کی تحلیل درست ہوئی ہے یا نہیں؟آئین کو ری رائیٹ کرنا عدلیہ کا کام نہیں ہے جس طرح آرٹیکل 63 کو ری رائیٹ کیا گیا ہے یہ اس کے اثرات ہیں نواز شریف کی حکومت ختم کر کے زیادتی کی گئی ۔انہوں نے کہا کہ نواز شریف کو تاحیات نااہل کیا گیاججز کے ریمارکس موجود ہیں کہ نواز شریف کے کیس میں تجاوز کیا گیاشاہ محمود قریشی کہہ چکے ہیں کہ نواز شریف کے ساتھ زیادتی کی گئی فل کورٹ تشکیل دیکر پانامہ کیس سے لیکر تمام کیسز پر نظر ثانی کی جائے جس طرح ن لیگ کی پنجاب میں حکومت ختم کی گئی وہ بھی رکارڈ پر موجود ہے ن لیگ کی حکومت کے خاتمے پر بھی سپریم کورٹ میں سوال اٹھایا گیا ہے عدالت اور ججز پر بہت بڑا سوالیہ نشان لگ چکا ہے کسی ملک کی تاریخ میں ایسا نہیں ہوا کہ ایک شخص کو عدالت چلارہی ہے اور وہ نہیں آتاعدالت لاڈ پیار سے کہتی ہے کہ آجائو،اور پھر بھی نہیں آتا ہمارے معاملے میں تو ایسا نہیں ہوتا بلکہ وارنٹ جاری کر دیئے جاتے ہیں۔خواجہ آصف نے کہا کہ ہماری تنخواہ ایک لاکھ 68 ہزار ہے، کروڑوں روپے نہیں لیتے بہت سارے ایم این ایز پارلیمنٹ لاجز سے پیدل پارلیمنٹ آتے ہیں بھٹو کی شہادت اور نواز شریف کی آئینی شہادت عدلیہ نے کی سیاستدانوں میں آج بھی ایسی شخصیات موجود ہیں جن کا نام تاریخ میں احترام سے لیا جائے گا۔75 سال میں کس طبقے کا احتساب ہوا ہے؟نورعالم خان پی اے سی کاچیئرمین ہے، ابھی تک کس کس کو اندر کیا ہے؟شاہ محمود قریشی کل گرفتارہواہے آج رورہا ہے۔ہمارا تو نوے نوے دن کا ریمانڈ لیا جاتا تھا،مریم بیٹی نے جیل کاٹی ہے ہماری بنیادوں میں سیاسی ورکرز والا خون ہے پاکستان بنانے والے عمران خان کی طرح اسپانسرڈ لوگ نہیں تھے اس وقت ساری نظریں سپریم کورٹ پر لگی ہوئی ہیں اس شخص نے اپنے تمام محسنوں کو گالیاں دی ہیں کہتا ہے کہ امریکا نے سازش کی، اب کہتا ہے کہ امریکا نہیں جنرل باجوہ نے سازش کی جنرل باجوہ نے تو نواز شریف کو جیل میں ڈالا تھا اس کو جو ہاتھ کھلاتا ہے اسی ہاتھ کو کاٹتا ہے اس شخص کی صورت میں قوم پر عذاب لیکر آئے کیا عمران خان کی ابھی تک کوئی میڈیکل رپورٹ آئی ہے؟اپنے ہی ہسپتال میں گیا، ایک مہینے میں تو چھت کا لینٹر بھی اتر جاتا ہے، اس کی ٹانگ کا پلاسٹر چھ مہینے میں بھی نہیں اترا۔خواجہ آصف نے کہا کہ نور عالم خان اسلام آباد کلب کا آڈٹ کرنا چاہتا تھا، نہیں کرنے دیا گیاپرویز الہی نے ایک بیوروکریٹ کا قصہ سنایا کہ اس نے بیٹی کی شادی میں ایک ارب سے زائد پیسے کمائے ہیں۔ انہوں نے کہا پچھلے آٹھ ماہ میں عدلیہ نے جو حالات پیدا کئے ہیں اس کا ازالہ کریں وکلاء نے بھی بیشمار قربانیاں دی ہیں ماضی میں عدلیہ بحالی کے لئے ہمیں اتحادی حکومت چھوڑنی پڑی میرے گھر پر مذاکرات ہوئے تھے جس میں ایک جج بھی شامل تھاعدلیہ آرٹیکل 63 کو ری رائیٹ نہ کرے یہ حالات رہے تو خدا خواستہ ریاست کو نہ نقصان ہوجائے ایک شخص آئی ایم ایف کے ساتھ معاہدہ کرتا ہے اور مکر جاتا ہے ہم عوام پر بوجھ نہیں ڈالنا چاہتے لیکن جو چار سال حکمران رہے ان کا خمیازہ بھگت رہے ہیں ہم ماضی کی حکومت کا گند صاف کر رہے ہیں ہم نے دھشتگردی میں 86 ہزار جانیں گنوائی ہیں کیا ہم خود احتسابی کریں گے کہ کن لوگوں نے ان کو دوبارہ بسایا؟عوام، پولیس، افواج کی جانیں خطرے میں ہیں، کسی کو احساس ہے؟

اسلام آباد:سابق چیئرمین قومی احتساب بیورو (نیب) آفتاب سلطان کا استعفیٰ منظور ہونے کا نوٹیفکیشن جاری کردیا گیا۔وزارت قانون نے وفاقی حکومت کی منظوری کے بعد نوٹیفکیشن جاری کیا۔نوٹیفکیشن کے مطابق آفتاب سلطان کا استعفیٰ 15فروری سے منظور کیا گیا ہے۔واضح رہے کہ آفتاب سلطان نے نیب ہیڈکوارٹر میں اپنے الوداعی خطاب میں کہا تھا کہ میں کسی کے خلاف جھوٹا مقدمہ نہیں چلا سکتا، نہ کسی کے خلاف قائم ریفرنس محض اس بنیاد پر ختم کر سکتا ہوں کہ ملزم کسی بڑی شخصیت کا رشتہ دار ہے

لاہور:لاہور ہائیکورٹ نے پی ٹی آئی کی جیل بھرو تحریک میں گرفتار رہنماؤں کی بازیابی کے لیے دائر درخواست پر سماعت کے دوران جج کے ریمارکس سے کمرہ عدالت میں خوب قہقہے لگے۔لاہور ہائیکورٹ میں پی ٹی آئی کی جیل بھرو تحریک کے دوران گرفتار رہنماؤں کی بازیابی اور رہائی کے لیے دائر درخواستوں کی سماعت ہوئی جس دوران عدالت نے درخواست گزار کے وکیل سے استفسار کیا کہ آپ کے لوگ کیوں پکڑے ہیں؟ اس پر وکیل درخواست گزار نے کہا کہ ہم نے جیل بھرو تحریک شروع کی تھی۔ جسٹس شہرام نے وکیل سے مکالمہ کیا کہ آپ عدالتوں کے ساتھ کیوں کھیل رہے ہیں، اس پر وکیل نے کہا کہ یہ علامتی گرفتاریاں تھیں، ہم ضمانت نہیں مانگ رہے، ان کے حقوق کے تحفظ کے لیے عدالت آئے ہیں۔درخواست گزار کے وکیل کے مؤقف پر عدالت میں قہقہے لگے جس پر عدالت نے کہا کہ آپ تو خودکہہ رہے تھیکہ گرفتارکرو، اب گرفتار کر لیا تو کیا ارجنسی ہے۔سماعت کے موقع پر شاہ محمود قریشی کے بیٹے زین قریشی بھی عدالت میں پیش ہوئے اور اپنے بیان میں کہا کہ مجھے گرفتارنہیں کیا لیکن میرے والد کو گرفتار کرلیا گیا، مجھے ان سے ملاقات نہیں کرنے دے رہے۔شاہ محمود کے بیٹے کے مؤقف پر جسٹس شہرام نے کہا کہ جہاں دفعہ 144 ہے وہاں چلے جائیں، آپ کو پکڑ کر لے جائیں گے اور ملاقات بھی ہوجائے گی۔جسٹس شہرام کے ریمارکس پر کمرہ عدالت پر قہقہوں سے گونج گیا…