Tag افغانستان

کابل (ویب ڈیسک) افغانستان اور امریکا کےدوروان ہونے والی 20 سال طویل جنگ کا خاتمہ ہو چکا ہے جس کے بعد افغانستان میں ہر طرف طالبان کا قبضہ ہے .طالبان افغانستان میں اپنی حکومت قائم کرنا چاہتے ہیں .ترجمان طالبان سہیل شاہین کے اس حوالے سے بیانات دنیا کے سامنے آ رہے ہیں .تفصیلات کے مطابق ترجمان طالبان کا ایک اور اہم بیان سامنے آیا ہے جس میں انہوں نے کشمیر کے متعلق بات کی ہے.ان کا کہنا ہے کہ مسلمانوں کے لیے کہیں‌بھی ہوں آواز بلند کرنے کا حق رکھتے ہیں‌جس میں‌ مقبوضہ کشمیر بھی شامل ہے.ان کا مزید کہنا تھا کہ مقبوضہ کشمیر کے مسلمانوں کے لیے آواز بلند کرنے کا حق رکھتے ہیں،مسلح آپریشن کے حوالے سے کسی بھی ملک میں کوئی پالیسی نہیں ہے ، مسلمان بھی برابری کے حقوق رکھتے ہیں ، حقانی کوئی گروپ نہیں ،اس کے خلاف پروپیگنڈا محض دعوے ہیں وہ اسلامی امارت کا حصہ ہیں۔
علاوہ ازیں ترجمان طالبان نے واضح کیا کہ 1999 میں بھارتی طیارے کے اغوا کے معاملے میں ہمارا کوئی کردار نہیں تھا جبکہ اس حوالے سے ہم نے بھارت کو مدد فراہم کی تھی جس کا اسے شکر گزار ہونا چاہیے۔ صرف بھارتی میڈیا طالبان کے خالف پروپیگنڈا کر رہا ہے، کوئی ہٹ لسٹ تیار نہیں کی.

اسلام آباد (ویب ڈیسک)20 دہائیوں کے بعد بالآخرطویل ترین جنگ کا خاتمہ ہو گیا.افغان طالبان نے امریکا اور اتحادی افواج سے ملک کو آزاد کرا لیا .کابل انخلا کے لیےطالبان کی جانب سے 31 اگست کی ڈیڈ لائن سے پہلے ہی تمام امریکی فوجی کو نکال لیا گیا.
کابل انخلا کے دوران امریکی فوجیوں کوافغانستان سے اسلام آباد لایا گیا تھا جنہیں اب امریکا پہنچا دیا گیا ہے اور حکومتی ذرائع کے مطابق42رکنی امریکی فوجیوں کا دستہ پاکستان سے اسلام آباد لایا گیا تھا جو اب پاکستان سے روانہ ہو چکے ہیں . اتحادی افواج کے طیاروں کےمرکز کے لیے اسلام آبادانٹرنیشنل ‏ایئرپورٹ استعمال میں لایا گیا جہاں ملٹری اور خصوصی کمرشل طیاروں کی آمدورفت رہی .ذرائع کے مطابق اسلام آبادایئرپورٹ پر450 پروازیں ‏لینڈنگ اور ٹیک آف کرتی رہیں ان پروازوں میں دیگر ایئرلائنزاور اتحادی افواج کی پروازیں شامل تھیں۔ ‏
کابل آپریشن میں پی آئی اے کے 7 طیاروں نے بھی حصہ لیا ۔ خصوصی آپریشن کے ذریعے 26 ہزارغیرملکیوں کو ‏اسلام آباد جبکہ 1460افغانی اورہم وطنوں کو ‏پاکستان پہنچایا۔وزیراطلاعات فواد چوہدری کا اس حوالے سے تفصیالت دیتے ہوئے کہنا تھا کہ نیٹو اور اس سے متعلقہ ‏‏10302 افراد پاکستان آئے جبکہ 9032 اپنے آبائی ممالک چلے گئے، 545 افغانی اور 684 دیگر ممالک کے شہری موجود ‏ہیں، طور خم سے 821 افغانیوں سمیت 2421 اور چمن بارڈر سے صرف 10 افغانی پاکستان آئے۔انہوں نے مزید کہا کہ پاکستان نے پہلے دن سے کمٹمنٹ کی تھی کہ ہم انخلا میں مدد کریں گے لہذٰاافغانستان سے بین الاقوامی مبصرین کو نکالنے میں ہمنے بھرپور مدد کی اسی لیے ‏پاکستانی وزارتوں کی تعریف پوری دنیا کرتی ہے.
دوسری طرف پی ٹی آئی رہنما و سینیٹر فیصل جاوید نے پناہ گاہ میں امریکی فوجیوں کی ‏ جعلی تصویر پر شدید ردعمل کا اظہار کرتے ہوئے اپیل کی اور کہا ‏کہ احساس پناہ گاہ کو متنازع نہ بنائیں۔‘

واشنگٹن: ریپبلکن کے رکن پارلیمنٹ جم بینکس نے الزام عائد کیا ہے کہ جو بائیڈن انتظامیہ کی غفلت کے باعث 85 ارب ڈالر سے زائد مالیت کے امریکی فوج کا سازوسامان طالبان کے قبضے میں چلا گیا۔

عالمی خبر رساں ادارے کے مطابق ریپبلکن جماعت سے تعلق رکھنے والے رکن کانگریس جم بینکس نے دعویٰ کیا ہے کہ امریکی فوج کے بے ہنگم اور بے ترتیب انخلا کی وجہ سے طالبان کو 85 ​​ارب ڈالر سے زائد مالیت کے امریکی فوجی آلات تک رسائی حاصل ہوگئی۔

جم بینکس جو 20 سالہ افغان جنگ کو قریب دیکھ چکے ہیں اور اہم معلومات رکھتے ہیں نے ایک رپورٹ کا حوالہ دیتے ہوئے کہا کہ طالبان اپنے پیچھے چھوڑے گئے امریکی فوجی ساز و سامان پر قبضہ کرنے میں کامیاب ہو گئے ہیں جن میں 75 ہزار گاڑیاں، 200 ہوائی جہاز اور ہیلی کاپٹرز جب کہ 6 لاکھ چھوٹے ہتھیار شامل ہے
رکن پارلیمنٹ نے مزید کہا کہ افغان شدت پسند تنظیم کے پاس اب دنیا کے 85 فیصد ممالک سے زیادہ بلیک ہاک ہیلی کاپٹرز ہیں جب کہ سب سے حیران کن بات یہ ہے کہ طالبان کے پاس بائیو میٹرک ڈیوائسز بھی ہیں جن میں انگلیوں کے نشانات، آنکھوں کے اسکین اور امریکا کی مدد کرنے والے افغان شہریوں کی نجی معلومات رکھی گئی تھی.
ریپبلکن رکن پارلیمنٹ نے مزید کہا کہ ہم سب جانتے ہیں کہ یہ صدر جوبائیڈن کی غلط پالیسی اور ان کی انتظامیہ کی غفلت کی وجہ سے ہوا ہے۔ افغان فوج نے مقابلہ کرنے کے بجائے پوسٹیں چھوڑ دیں یا ہتھیار ڈال دیئے

طالبان کی سپریم کونسل کا اجلاس ختم ہوگیا جس میں حکومت سازی سے متعلق اہم فیصلے کرلیے گئے ہیں۔طالبان کے ترجمان ذبیح اللہ مجاہد نے ٹوئٹ کرتے ہوئے بتایا کہ سپریم کونسل کا 3 روزہ اجلاس طالبان کے امیر ملا ہیبت اللہ اخوندزادہ کی زیر صدارت قندھار میں ہوا جبکہ یہ اجلاس ہفتے کے روز سے پیر تک جاری رہا۔
انہوں نے بتایا کہ اجلاس میں ملک کی موجودہ سیاسی اور سکیورٹی صورتحال کے ساتھ ساتھ دیگر مسائل پر تفصیلی تبادلہ خیال کیا گیا۔ذبیح اللہ مجاہد کا کہنا تھاکہ اجلاس میں اشیائے ضروریہ کی حفاظت کے ساتھ ساتھ شہریوں کو بنیادی سہولیات کی فراہمی اور ان سے اچھے برتاؤ کا فیصلہ کیا گیا۔

قندھار(ویب ڈیسک) امیر طالبان ہبت اللہ اخوند زادہ کی تازہ تصویر منظر عام پر آئی ہے یہ تصویر قندھار کی ایک لائبریری میں لی گئی ہے۔ عالمی نشریاتی ادارے الجزیرہ کے افغانستان میں نامہ نگار حمید محمد شاہ نے اپنے ٹوئٹر اکاؤنٹ سے ایک تصویر شیئر کرتے ہوئے دعویٰ کیا کہ یہ تصویر قندھار کی ایک لائبریری میں بیٹھے امیر ہبت اللہ اخوند زادہ کی ہے۔
الجزیرہ کے نمائندہ خصوصی کے مطابق یہ تصویر ایک ہفتے قبل قندھار میں لی گئی تھی جہاں امیر طالبان حکومت سازی کے سلسلے میں مشاورت میں مصروف ہیں۔
تصویر میں امیر طالبان ہبت اللہ اخوند زادہ نہایت خوشگوار موڈ میں دکھائی دے رہے ہیں اور قریب ہی قہوہ کی پیالی بھی رکھی ہے۔ تصویر سے گمان ہوتا ہے کہ امیر طالبان اپنے رفقا کے ساتھ گفتگو کر رہے ہیں۔

طالبان کی جانب سے سوشل میڈیا پر وائرل ہونے والی اس تصویر کے بارے میں کسی قسم کا ردعمل سامنے نہیں آیا ہے۔قبل ازیں ترجمان طالبان ذبیح اللہ مجاہد نے بھی تصدیق کی تھی کہ امیر طالبان ہبت اللہ اخوند زادہ شروع سے ہی قندھار میں موجود ہیں اور افغانستان میں طالبان کی پیش قدمی سے کابل کا کنٹرول حاصل کرنے تک کی نگرانی و سربراہی کرتے رہے ہیں اور اس وقت حکومت سازی پر مشاورت بھی کر رہے ہیں۔ترجمان طالبان نے یہ بھی دعویٰ کیا تھا کہ امیر طالبان ہبت اللہ اخوند زادہ جلد منظر عام پر بھی آئیں گے۔

واشنگٹن(ویب ڈیسک)اس سے قبل افیون کی کاشت پر پابندی نہیں تھی اور لوگ اسے کاشت کررہے ہیں‌مگر حالیہ تبدیلی کے بعداس کے بارے میں اہم فیصلہ کیاگیاہے..خبرکی تفصیلات کچھ یوں‌ہیں‌کہ طالبان نے افغانستان میں پوست کی کاشت پر پابندی عائد کردی جس کی وجہ سے افیون کی قیمت آسمان پر پہنچ گئی۔امریکی اخبار وال اسٹریٹ جرنل کے مطابق طالبان کی جانب سے پوست کی کاشت پر پابندی کی وجہ سے ہیروئن کی تیاری میں استعمال ہونے والے اس اہم خام مال کی قیمتیں آسمان پر پہنچنے کی توقع ہے۔
اگست کے وسط میں طالبان ترجمان ذبیح اللہ مجاہد نے کابل میں ہونے والی پریس کانفرنس میں بھی کہا تھا کہ ملک کے نئے قوانین کے تحت ہم منشیات کی تجارت کی اجازت نہیں دیں گے تاہم اس وقت انہوں نے اس پابندی کی تفصیلات نہیں بتائیں تھیں۔
بین الاقوامی برادی کی جانب سے تسلیم کیے جانے کی توقع رکھنے والے طالبان سربراہان نے کسانوں کو پوست کی فصل کاشت کرنے سے روک دیا ہے، جس کی وجہ سے ملک بھر میں افیون کی قیمتیں بلند ترین سطح پر پہنچ گئیں ہیں۔
رپورٹ میں بتایا گیا ہے کہ طالبان نمائندوں نے حال ہی میں پوست کی سب سے زیادہ کاشت کرنے والے جنوبی صوبے قندھار کے کسانوں کو کہا ہے کہ وہ اس صوبے کی مقامی معیشت میں اہم کردار ادا کرنے والی پوست کی فصل اگانا بند کردیں۔طالبان کی جانب سے پوست کی کاشت پر پابندی کے اعلان کے بعد قندھار، ارزگان اور ہلمند کے مقامی کاشت کاروں کا کہنا ہے کہ غیریقینی صورتحال کی وجہ سے افیون کی قیمت تین گنا بڑھ چکی ہے اور اب 70 ڈالر فی کلو ملنے والی افیون 200 ڈالر فی کلو تک پہنچ گئی ہے جب کہ شما لی صوبے مزار شریف میں افیون کی قیمت دگنی ہوچکی ہے۔

رپورٹ میں بتایا گیا ہے کہ ملک میں 20 سال سے جاری بغاوت کے دوران طالبان منشیات کے کاروبار پر ٹیکس نافذ کرکے اس کی آمدن سے مستفید ہوتے رہے ہیں۔ جب کہ مغربی حکومتوں کے مطابق دنیا بھر میں ہونے والی افیون کی غیر قانونی برآمدات میں افغانستان کا حصہ تقریباً 80 فیصد ہے۔

اسلام آباد(ویب ڈیسک ) وفاقی وزیراطلاعات ونشریات فواد چودھری نے افغانستان کی موجودہ صورتحال پر بات کرتے ہوئے کہا ہے کہ ہمارے ملک کی معیشت اتنی مستحکم نہیں کہ افغان مہاجرین کا وزن اٹھا سکیں .۔تفصیلات کے مطابق فواد چوہدری نے ایک ترک ٹی وی چینل کوافغانستان کی صورترحال کے حوالے سے انٹرویو دیا ہے.جس میں ان کہ کہنا تھا کہ افغانستان کی صورتحال کی کہانی بہت پرانی ہے،جسے ہم کئی دہائیوں سے دیکھ رہے ہیں، سنہ 1988 میں سویوت یوین افغانستان میں جومشکلات چھوڑ آئی تھیں ہمیں ان کا سامنا ہے.
اب ایک بار پھرہم اسی دوراہے پرآ کھڑے ہوئے ہیں ۔ان کا مزید کہنا تھا کہ اگر افغانستان کی صورتھال درست نہ ہوئی تو افغانی پاکستان کا رخ کریں گے اور ہم ان کا بوجھ اٹھانے کے قابل نہیں ہیں.فواد چوہدری کا مزید کہنا تھا کہ افغانستان میں ایک منظم حکومت کے قیام کے لیے ہم علاقائی اوربین الاقوامی طاقتوں کے ساتھ مل کرکام کر رہے ہیں ۔ مسئلہ افغانستان کے حوالے سے پاکستان کے مشورے کو نظر انداز کرنے سے دنیا میں مسائل پیدا ہوں گے .

کابل(مانیٹرنگ ڈیسک)افغانستان کے دارالحکومت کابل کے حامدکرزئی انٹرنیشنل ائیرپورٹ کے قریب ایک بار پھر دھماکا سنا گیا۔

میڈیارپورٹس کے مطابق دھماکاکابل ائیرپورٹ کے قریب سنا گیا، اس حوالے سے ابھی تک مزید تفصیلات سامنے نہیں آئیں۔افغان میڈیا کے مطابق دھماکے کےمقام سے دھواں اٹھتادکھائی دیا۔

اس علاوہ 2 روز قبل بھی کابل ائیرپورٹ دھماکوں سے گونج اٹھا تھا جس میں 13 امریکی فوجیوں اور 2 برطانوی شہریوں سمیت 170 سے زائد افراد ہلاک ہوگئے تھے، ان دھماکوں سے دو روز قبل امریکی صدر جوبائیڈن نے حملے کا الرٹ جاری کیا تھا۔گذشتہ روز بھی امریکا کے صدر جوبائیڈن نے ایک بار پھر کابل ائیرپورٹ پر حملے کا خدشہ ظاہر کیا تھا۔غیرملکی خبررساں ایجنسی کے مطابق امریکی صدر کا کہنا تھاکہ کابل ائیرپورٹ پر 24 سے 36 گھنٹوں کے دوران نئے حملے کا خدشہ ہے۔مختلف حلقوں‌میں‌اس حوالے سے خاصی تشویش بھی پائی جارہی ہے کہ یکے بعد دیگریہ کیا سلسلہ چل نکلاہے اور لوگ خوف وہراس میں مبتلا ہیں.

کابل (میڈیا 92 نیوز آن لائن ) افغانستان کے دارالحکومت کابل میں ہونے والے خود کش کار بم دھماکے اور فائرنگ میں جاں بحق ہونے والوں کی تعداد 20 ہوگئی ہے۔ دہشت گردانہ کارروائی کے نتیجے میں کم از کم 50 افراد زخمی ہوئے ہیں جنہیں طبی امداد کے لیے اسپتال منتقل کردیا گیا ہے۔

افغان نشریاتی ادارے ’طلوع نیوز‘ کے مطابق خود کش حملہ آور نے بارود سے بھری کار اس کمپلیکس سے ٹکرائی جس میں افغان خفیہ ایجنسی کے سابق سربراہ امراللہ صالح کا دفتر ہے۔ امراللہ صالح موجودہ صدارتی انتخابات میں نائب صدارت کے امیدوار بھی ہیں۔

افغان نشرتی ادارے کے مطابق دھماکہ ہونے کے بعد چار حملہ آوروں نے متاثرہ عمارت پر دھاوا بول دیا اور اندھا دھند فائرنگ کرتے ہوئے داخل ہو گئے جس کے بعد تقریباً چھ گھنٹے تک افغان سیکیورٹی فورسز سے حملہ آوروں کا مقابلہ ہوا۔

امر صالح کے دفتر پر ہونے والے حملے کے کچھ دیر بعد افغان صدر اشرف غنی نے سماجی رابطے کی ویب سائٹ ’ٹوئٹر‘ پر جاری کردہ ایک پیغام میں کہا کہ امر اللہ صالح اس حملے میں محفوظ رہے ہیں۔

My brother, true son of the Afghan soil and first VP candidate of my electoral team, @AmrullahSaleh2 has survived a complex attack by enemies of the state. We are relieved and thank the almighty that attack has failed.

— Ashraf Ghani (@ashrafghani) July 28, 2019

دہشت گردی کا یہ واقعہ صدر اشرف غنی اور امراللہ صالح کی کابل میں منعقدہ ایک انتخابی ریلی میں شرکت کے کچھ گھنٹے بعد پیش آیا تھا۔ افغانستان میں صدارتی انتخاب کے سلسلے میں انتخابی مہم کا گزشتہ روز سے باقاعدہ آغاز ہوا ہے۔

عالمی خبررساں ایجنسی نے افغان حکام اور عینی شاہدین کے حوالے سے کہا ہے کہ حملہ آوروں کا نشانہ افغان خفیہ ایجنسی (این ڈ ی ایس) کے سابق سربراہ امراللہ صالح کی سیاسی جماعت ’افغانستا ن گرین ٹرینڈ‘ (اے جی ٹی) کا دفتر پر تھا۔

خبررساں ادارے کے مطابق جس وقت دہشت گردانہ کارروائی کی گئی اس وقت امراللہ صالح دفتر میں موجود تھے۔ دھماکے کی آوا زسنتے ہی کم ازکم 100 افراد فوری طور پر عمارت سے محفوظ مقام کی طرف بھاگتے ہوئے منتقل ہوئے۔

افغان وزارت داخلہ کے ترجمان نصرت رحیمی کے مطابق جاں بحق ہونے والے 20 افراد میں سے 16 عام شہری ہیں۔جس عمارت کو نشانہ بنایا گیا اس کے اطراف شہری آبادی مقیم ہے اور ساتھ میں یونیورسٹی قائم ہے۔

خبررساں ایجنسی کے مطابق دہشت گردانہ حملے کی اطلاع ملتے ہی افغان کمانڈو یونٹ فوراً جائے وقوع پر پہنچا اور اس نے عمارت کو گھیرے میں لے کر حملہ آوروں کے خلاف کارروائی کی۔

افغان نشریاتی ادارے کے مطابق تصاویر سے معلوم ہوتا ہے کہ نائب صدارتی امیدوار امر اللہ صالح کو بھی زخم آئے ہیں کیونکہ سماجی رابطے کی ویب سائٹس پر شیئر ہونے والی تصاویر میں ان کے دائیں بازو پر خون لگا ہوا دکھائی دے رہا ہے۔

دہشت گردانہ حملے کے بعد افغان صدارتی انتخابات میں اشرف غنی کے قریبی مدمقابل قرار دیے جانے والے امیدوار اور چیف ایگزیکٹو عبداللہ عبداللہ نے امراللہ صالح کی رہائش گاہ جا کر ان کی خیریت دریافت کی اور جلد صحتیابی کی دعا کی۔

کابل میں ہونےوالے دہشت گردانہ حملے کی پاکستان کی وزارت خارجہ نے شدید مذمت کی ہے اور ساتھ ہی واضح کیا ہے کہ پاکستان ہر قسم کی دہشت گردی کی مذمت کرتا ہے۔

دہشت گردانہ حملے کے بعد اقوام متحدہ، افغان حکومت، سابق صدر حامد کرزئی اور بھارت نے بھی حملے کی مذمت کی ہے۔

نئی دہلی (میڈیا 92 نیوز آن لائن ) سفارتی محاذ پر ایک اور بڑی کامیابی ، اربوں ڈالرز کی سرمایہ کاری کے باوجود بھارت افغان امن عمل سے مکمل طور پر باہر ہوگیا، وزیر اعظم کے دورہ امریکا سے بھارت میں تشویش کی لہر دوڑ گئی۔

تفصیلات کے مطابق بھارتی اخبار ٹائمز آف انڈیا نے افغان امن عمل سے بھارت کے مکمل طور پر باہر ہونے کو پاکستان کی سفارتی کامیابی تسلیم کرتے ہوئے وزیراعظم عمران خان کے دورہ امریکہ کو بھارت کے لئے پریشان کن قرار دے دیا

بھارتی اخبار نے تسلیم کیا کہ افغان امن عمل کے نتیجے میں پاکستان ، امریکہ اور روس اور چین کے ساتھ مل کر طالبان کے ساتھ امن معاہدے کو حتمی شکل دینے جا رہا ہے۔ دوسری جانب اربوں ڈالر کی سرمایہ کاری اور گہرے مفادات وابستہ ہونے کے باوجود بھارت کے وجود کو مکمل طور پر نظر انداز کردیا گیا ہے۔

ٹائمز آف انڈیا نے یہ بھی لکھا ہے کہ پورے افغان امن عمل میں ہندوستان دکھائی دیتا ہے نہ ہی اس کے تحفظات کا کوئی نشان ملتا ہے، تازہ صورت حال سے واضح ہے کہ پاکستان خطے میں مرکزی حیثیت اختیار کر گیا ہے اور بھارت کو افغانستان کے مستقبل سے متعلق فیصلہ سازی کے عمل سے باہر کر دیا گیا ہے ۔

اخبار نے مزید دعویٰ کیا کہ پاکستان اس خطے کی جیوپولیٹکس میں سینٹر سٹیج کی حیثیت اختیار کر چکا ہے اور اس حوالے سے بھارتی تشویش پر کسی بھی سطح پر سنجیدگی کا اظہار نہیں کیا جا رہا ہے۔

بھارتی سرکار نے امریکا کے نمائندہ خصوصی برائے افغان مذاکراتی عمل زلمے خلیل زاد اور روسی حکام کے سامنے بھی اپنا نکتہ نظر رکھا ، تاہم دال گلتی دکھائی نہ دی۔ امریکی وزیرخارجہ مائیک پومپیو کی نئی دہلی آمد کے موقع پر بھی بھارت نے اپنے تحفظات کا اظہار کیا تھا ۔ بھارت کا موقف ہے کہ گزشتہ 18 برس کے دوران بھارت نے افغانستان میں بھاری سرمایہ کاری کی ہے جو افغان امن معاہدے کے بعد خطرے کی زد میں ہوگی۔

ٹائمز آف انڈیا کا کہنا ہے کہ پاکستان صورتحال سے مکمل مطمئن اور پوری طرح خوش دکھائی دے رہا ہے، امریکہ اور اس کے اتحادی سعودی عرب، امارات اور قطر پاکستان کی بھرپور امداد کررہے ہیں، آئی ایم ایف نے بھی پاکستان کے لیے امدادی پیکج جاری کردیا ہے۔چین اور پاکستان بھی ایک دوسرے کی جانب دیکھ رہے ہیں مگر بھارت منظر سے غائب ہے۔ پاکستان نے اپنے آپ کو خطے کے لئے اہم اور ناگزیر ملک ثابت کیا ہے۔

بھارتی اخبار نے یہ بھی لکھا کہ امریکی صدر دونلڈ ٹرمپ کے پاکستان کے خلاف متعدد ٹویٹس کے باوجود وہ واشنگٹن میں پاکستانی وزیر اعظم عمران خان کے استقبال کے لئے تیار ہیں۔ یہ تمام صورتحال بھارت کے لیے انتہائی پریشان کن ہے اور پاکستان کی کامیاب سفارت کاری کی گواہی دیتی ہے۔

بھارت کیوں ناکام رہا

بھارت میں تعینا ت پاکستان کے سابق سفیر عبد الباسط کا کہنا ہے کہ افغانستان میں بھارت کی موجودگی کا مقصد انویسٹمنٹ سے زیادہ پاکستان کے صوبے بلوچستان اور سی پیک منصوبے کو ڈی اسٹیبلائز کیا جائے ، ان اہداف کو حاصل کرنے میں بھارت بری طرح ناکام رہا ہے۔

ان کا کہنا تھا کہ اس کامیابی کے باوجود ہمیں احتیاط کرنی چاہیے کہ ابھی بھی افغانستان کی بھاری انویسٹمنٹ ہے اور افغان انٹیلی جنس نیٹ ورک میں اسکا بے پناہ اثر و رسوخ ہے جس کے ذریعے وہ مستقبل میں ہمیں پریشان کرنے کی کوشش کرسکتا ہے۔

ان کا یہ کہنا تھا کہ بھارت نے شروع سے اینٹی طالبان بیانیہ اپنایا جس کی بنا پر وہ اس معاہدے سے باہر ہے جبکہ پاکستان نے افغان حکومت اور افغان طالبان سمیت سب وہاں کے تمام گروہوں سے متوازن تعلقات رکھے جس کے سبب آج پاکستان سینٹر اسٹیج پر ہے اور امریکا سمجھتا ہے کہ مذاکرات میں بھارت کی موجودگی افغان امن عمل کے لیے نقصان دہ ہوسکتا ہے۔