Tag شوبز

ممبئی (ویب ڈیسک)فحش فلموں کے کیس میں ملوث راج کندرا کے حوالے سے نیا انکشاف سامنے آیا ہے.اگرچہ راج کندرا کو کیس میں ضمانت پر رہا کیا جا چکا ہے مگر ان کے بارے میں ممبئی کرائم برانچ نے بڑا انکشاف کرتے ہوئے کہا ہے کہ راج کندرا 119 فحش فلموں اور ویڈیوز کو 9 کروڑ روپے میں فروخت کرنے کی منصوبہ بندی کررہے تھے۔تفصیلات کےمطابق بھارتی ذرائع ابلاغ کا کہنا ہے کہ یہ فحش ویڈیو راج کندرا کے الیکٹرانک آلات جیسے موبائل، ٹیبلیٹ اور ہارڈ ڈرائیو ڈسک سے برآمد ہوئی ہیں جو وہ مبینہ طور پر 9 کروڑ روپے میں فروخت کرنے کی منصوبہ بندی کررہے تھے۔

کراچی (ویب ڈیسک)ایمن خان کے شوہراوراداکار منیب بٹ نے کہا ہے کہ اپنی سے بڑی اداکارائوں ساتھ کام نہیں کریں گے.ان کا کہنا ہے کہ ماہرہ خان اور صبا قمر دونوں عمر میں مجھ سے بڑی ہیں لہذا ان کے ساتھ ہیرو نہیں آسکتا.ان خیالات کا اظہار انہوں نے ندا یاسر کے شو میں کیا.تفصیلات کے مطابق منیب بٹ اپنے نئے ڈرامے ’’بددعا‘‘ کی تشہیر کے لیے ندا یاسر کے شو میں شریک تھے جہاں انہوں نے اپنی نجی زندگی سے متعلق دلچسپ باتیں بتائیں۔ شو کے دوران ندا یاسر نےمنیب بٹ سے پوچھا کہ آپ کس ہیروئن کے ساتھ رومینٹک فلم میں بطور ہیرو آنا پسند کریں گے؟منیب بٹ نے جواب میں کہا مجھے اداکارہ یمنیٰ زیدی بہت پسند ہے۔
ندا یاسر نے کہا میں فلمی ہیروئن کی بات کررہی ہوں جیسے ماہرہ خان یا صبا قمر۔ اس بات کے جواب میں فوراً منیب بٹ نےکہا نہیں یہ دونوں تو مجھ سے عمر میں بہت بڑی ہیں اگر میں ان دونوں کے ساتھ ہیرو آیا تو چھوٹا لگوں گا۔منیب بٹ نے کہا ماہرہ خان اور صباقمر میری سینئر اداکارائیں ہیں لہٰذا میں اپنی ایج گروپ کی کسی اداکارہ کے ساتھ ہی ہیرو آنا پسند کروں گا۔

ممبئی (ویب ڈیسک) بالی وڈ کے دو میگا سٹارز سلمان خان اور سنجے دت کے مابین سرد جنگ کافی عرصے سے جاری ہے جس کی وجہ سامنے آ گئی ہے۔بھارتی میڈیا رپورٹس کے مطابق مبینہ طور پر دونوں میں سرد جنگ کی بنیادی وجہ اداکارہ مادھوری ڈکشٹ تھیں۔سب جانتے ہیں کہ ماضی میں سنجے اور مادھوری کا آپس میں قریبی رشتہ رہا تھا جو کچھ وجوہات کی بنا پر ختم ہوگیا۔ مادھوری کو جب علم ہوا کہ سنجے دت کی زندگی پر فلم بنائی جارہی ہے تو انہوں نے اداکار سلمان خان سے رابطہ کیا کہ وہ سنجے دت کو اس بات کیلئے راضی کریں ان کی سوانح حیات نہ بنائی جائے کیونکہ ان کا نام بھی فلم میں سنجے کے ساتھ منسلک کیا جائے گا جو کہ وہ بالکل نہیں چاہتی.۔سلمان خان نے جب سنجے دت سے بات کی مگر انہوں نے صاف انکار کردیا جس کے بعد سلمان خان نے ان سے بات کرنا بند کر دیا.۔ یہ لڑائی اس وقت شدت اختیار کرگئی جب سنجے کی زندگی پر بنائی جانے والی فلم کیلئے اداکار رنبیر کپور کو کاسٹ کیا گیا .

کراچی (ویب ڈیسک)پاکستانی ڈرامہ انڈسٹری میں اپنا نام بنانے والے اداکار عدنان شاہ ٹیپو نے انکشاف کیا ہے کہ انہیں بالی وڈ کی مشہور اداکارہ مادھوری کے ساتھ فلم کی پیشکش ہوئی تھی جس کے لیے انہوں نے 9 آڈیسشن دیئے.ایک اینٹرویو میں بات کرتے ہوئے ان کا کہنا تھا کہ بھارتی فلم ساز ‘وِشال بھاردواج’ سے میری بات چیت جاری تھی،کاسٹنگ ڈائریکٹر ‘ہنی تھرن’ میرا آڈیشن لینا چاہتا تھا۔انہوں نے بتایا کہ 2014 کی فلم ‘ڈیڑھ عشقیہ’ میں انہیں نواب کے کردار کی پیشکش ہوئی جس کیلئے ان کے 9 کامیاب آڈیشنز لیے گئے .
عدنان شاہ ٹیپو کا مزید کہنا تھا کہ اس وقت بھارت کا ویزا لگنا بہت مشکل تھا مگر وشال بھاردواج خود دہلی گئے اورکوشش کی لیکن کامیاب نہ ہو سکے۔ عدنا ن شاہ کا مزید کہنا تھا کہ اس فلم میں ارشد وارثی سمیت نصیرالدین شاہ بھی موجود تھے ان کے درمیان کام کرنے سے صلاحیتیں مزید نکھر کے سامنے آتی ہیں۔

کراچی (ویب ڈیسک) نیوزی لینڈ کرکٹ ٹیم کے بورڈ کی جانب سے پاکستان میں ہونے والی سیریز کو اچانک سیکیورٹی کا بہانہ بنا کر منسوخ کر دیا گیا ہے جس کے بعد شائقین کی بڑی تعداد حیران اور پریشان ہے.اسی سلسلے میں فنکار بھی سوشل میڈیا پر برہمی کا اظہار کرتے نظر آ رہے ہیں .
شوبز اداکارہمایوں سعید نے میچ کی منسوخ کو نیوزی لینڈ کا عجیب اور پریشان کن اقدام قرار دیا۔ انہوں نے ٹویٹ میں لکھا کہ پوری دنیا جانتی ہے کہ پاکستان میں امن و امان کی صورتحال مکمل کنٹرول میں ہے۔ ہماری سیکیورٹی اور انٹیلی جنس ایجنسیاں اپنے کام میں شاندار ہیں۔ بغیر کسی ثبوت کے آخری منٹ میں میچ کی منسوخی کا کوئی جواز نہیں بنتا۔ لاکھوں شائقین کرکٹ کو مایوسی ہوئی ہے۔
گلوکار عاصم اظہر نے اس واقعے کو افسوسناک قراردیا اور لکھا کہ ہم ایک ایسی قوم ہیں جو پوری قوت سے واپسی کرنے پر رکھتی ہے۔ پاکستان محفوظ ہے اور ہمیشہ رہے گا۔ ہم اب بھی نیوزی لینڈ یا کسی دوسری قوم کو دل کھول کر خوش آمدید کہیں گے اور اب ٹی 20 ورلڈ کپ میں ملیں گے۔
اداکار فیصل قریشی نے بھی ٹویٹ میں لکھا کہ آخری لمحات میں نیوزی لینڈ کے کھیل سے باہر ہونے کے بارے میں سن کر بہت مایوسی ہوئی۔ لاکھوں کرکٹ شائقین آج بہت مایوس ہوئے ہیں۔علی ظفر نے لکھا’’کرکٹ تو ہوگی‘‘۔

کراچی(ویب ڈیسک)اداکارہ فضا علی بیمار ہیں اور اسپتال میں داخل ہیں جہاں سے انہوں نے اپنے مداحوں سے ان کے لیے جلد صحت یابی کی دعا کرنے کی درخواست کی ہے۔

اداکارہ و گلوکارہ اور میزبان فضا علی نے گزشتہ روز اپنے انسٹاگرام اکاؤنٹ پر چند اسٹوریز پوسٹ کیں جن کے ذریعے انہوں نے مداحوں کو بتایا کہ وہ بیمار ہیں۔ تصاویر میں ان کے ہاتھ میں آئی وی بھی لگی ہوئی نظرآرہی ہے۔تصاویر میں دیکھا جاسکتا ہے کہ اداکارہ فضا علی اسپتال کے بیڈ پر بیٹھی ہوئی ہیں جب کہ ایک تصویر میں ان کی بیٹی بھی ان کی گود میں بیٹھی ہوئی ہے۔ فضا علی نے اسٹوریز میں لکھا کہ وہ بیمار ہیں اور مداحوں سے درخواست کی کہ ان کی جلد صحت یابی کے لیے دعا کری

ممبئی (ویب ڈیسک)شوبز انڈسٹری میں آنے والی اداکارائیں ہر ممکن کوشش کرتی ہیں کہ جلد از جلد وہ مشہور ہو جائیں.اس کے لیے اداکارائیں کسی بھی حد تک جاتی ہیں .کئی شوبز ستاروں کو رات و رات مشہوری مل جاتی ہے جبکہ کچھ انتظار اور کوشش میں ہی رہتی ہیں .ایسی ہی ایک بالی وڈ اداکارہ راکھی ساونت ہے جو اپنی عجیب و غریب بیانات اور حرکات کی وجہ سے جانی جاتی ہیں.اسی حوالے سے راکھی ساونت کی ایک ویڈیو سامنے آئی ہے جس میں انہیں حجاب پہنے دیکھا جا سکتا ہے.
وہ حجاب پہن کر جم میں آئیں اور ان کی ویڈیو وائرل ہو گئی .راکھی ساونت جب حجاب پہن کر جم پہنچیں تو وہاں موجود میڈیا سے گفتگو کی اوراپنے حجاب پہننے کی وجہ بتائی.ان کا اس بارے میں کہنا تھا کہ یہ حجاب ان کی دوست نے تحفے میں دیا ہے جسے پہن کر وہ جم آئی ہوں۔ انہوں نے مزید کہا کہ جم کے کپڑوں کے اوپرعبایا پہن کر گھر سے نکلی ہوں۔یاد رہے کہ پچھلے روزبھی راکھی ساونت کی ممبئی میں حجاب اورعبایا پہن کر گھومنے کی ویڈیو سامنے آئی تھی .

کراچی(ایمرا نیوزآن لائن)

گلوکار عاطف اسلم نے ہندوانتہا پسندوں کی ہٹ دھرمی اور بھارتی میوزک کمپنی ٹی سیریز کی جانب سے یوٹیوب سے اپنے گانے ہٹائے جانے پر بالآخر خاموشی توڑدی۔

پلوامہ واقعے کے بعد ہندو انتہا پسندوں نے ہٹ دھرمی کی انتہا کرتے ہوئے ٹی سیریز سمیت بھارت کی معروف میوزک کمپنیوں کو پاکستانی گلوکاروں عاطف اسلم اور راحت فتح علی خان کے گانے یوٹیوب سے ہٹانے کی دھمکی دی تھی، جب کہ مستقبل میں ان کمپنیوں پر پاکستانی فنکاروں کے ساتھ کام نہ کرنے کا دباؤ بھی ڈالا گیا تھا۔

انتہا پسندوں کی دھمکیوں کے بعد ٹی سیریز سمیت دیگر میوزک کمپنیوں نے بھی اپنے یوٹیوب چینل سے پاکستانی گلوکاروں کے گانے ہٹادئیے تھے جس کی انہیں بہت بھاری قیمت چکانی پڑی تھی لوگوں نے میوزک کمپنیوں کے اس اقدام کو سخت ناپسند کرتے ہوئے چینل کو ان سبسکرائب کردیاتھا۔

ممبئی(M92) نامور بالی ووڈ اداکار رنویر سنگھ کی جانب سے کی جانے والی ٹوئٹ کہ وہ اپنا مذہب کھورہے ہیں نے سوشل میڈیا پر نئی بحث چھیڑ دی ہے اور مداح پریشانی کا شکار ہیں کہ رنویر نے آخر یہ ٹوئٹ کیوں کی ہے۔بالی ووڈ میں ان دنوں چاروں طرف صرف ’’پدماوتی‘‘کی گونج جاری ہے، فلم کے گانے گھومر میں دپیکا کا ڈانس ہو، فلم کی کہانی کو لے کر بھارتی وزرا کے تحفظات ہوں یا فلم کے ہدایت کار سنجے لیلا بھنسالی پر تشدد کرنےکا معاملہ ہو، بھارتی میڈیا پر صرف ’’پدماوتی‘‘ہی چھائی ہوئی ہے۔
فلم پہلے ہی متعدد تنازعات کا شکار ہے اور اب اداکار رنویر سنگھ کی ٹوئٹ نے ایک نئے تنازعے کو جنم دیدیا ہے۔ اداکار رنویر سنگھ فلم میں مسلمان بادشاہ علاؤالدین خلجی کاکردار نبھارہے ہیں جو دہلی پر حکومت کرنے والے دوسرے طاقتور ترین سلطان تھے۔ رنویر سنگھ نے خود کو اس کےکردار میں ڈھالنے کے لیے بہت محنت کی اور کردار میں حقیقت کا رنگ بھرنے کے لیے خود کو مکمل طور پر علاؤالدین کے کردار میں ڈھال لیا یہاں تک کہ شوٹنگ ختم ہونے کے بعد انہوں نے اس کردار سے نکلنے کے لئے نفسیاتی ڈاکٹر سے اپنا علاج بھی کرایا لیکن لگتا ہے رنویر علاؤالدین خلجی کے کردار میں ہی موجود ہیں اور ابھی تک خود کو اس کردار سے آزاد نہیں کراسکے ہیں۔
اس خبرکوبھی پڑھیں: ’’پدماوتی‘‘ کی راہ میں ایک اور مشکل کھڑی ہوگئی
گزشتہ روز رنویر سنگھ نے اپنی تصویر کے ساتھ ایک ٹوئٹ کی ہے’’میں اپنا مذہب کھورہاہوں‘‘لیکن انہوں نے اپنی ٹوئٹ کی وضاحت نہیں کی ہے کہ آخر وہ کہنا کیا چاہ رہے ہیں۔ تاہم رنویر کی اس مختصر سی ٹویٹ نے سوشل میڈیا پر ہنگامہ مچادیا ہے۔ کچھ لوگوں کا کہنا ہے کہ رنویر نے فلم میں ایک مسلم سلطان کا کردار نبھایا ہے اوراس کے اثرات شاید اب بھی موجود ہیں اسی لیے انہوں نے یہ ٹوئٹ کی ہے۔ جب کہ کچھ لوگوں کا خیال ہے کہ فلم مختلف تنازعات کا شکار ہے اس وقت رنویر کو یہ ٹوئٹ نہیں کرنی چاہئے تھی اس سے فلم کی ریلیز پر مزید منفی اثر پڑے گا۔