Tag ایمرا نیوز

سری نگر(ویب ڈیسک) مقبوضہ کشمیر میں زور دار دھماکہ ہوا جس کے نتیجے میں ایک لڑکی ہلاک اور 6 افراد زخمی ہو گئے .تفصیلات کے مطابق ایک گھر میں موجود کباڑ خانے میں پرانے شیلز اور گرنیڈز اچانک زور دار دھماکوں سے پھٹ گئے.اوراس دھماکے کے نتیجے میں ایک لڑکی جاں بحق اور 6 زخمی ہوگئے۔
کشمیر پولیس کے مطابق غلام محمد وانی پرانی استعمال شدہ اور ناکارہ سامان کی خرید و فروخت کا کام کرتے ہیں اور ان کے گھر کے کباڑ خانے میں پرانے شیل اور گرنیڈ بھی تھے جو پھٹ نہیں سکے تھے۔
ہسپتال انتظامیہ کے مطابق دھماکے میں ہلاک اور زخمی ہونے والوں کا تعلق ایک ہی خاندان سے ہے۔ 2 زخمیوں کو انتہائی نگہداشت کے وارڈ میں داخل کیا گیا ہے۔

تاجکستان (ویب ڈیسک)وزیراعظم شنگھائی تعاون تنظیم کے اجلاس میں شرکت کیلئے تاجکستان گئے ہیں‌. بزنس فورم کے اجلاس کے دوران ایک تاجر نے تنقیدی نظم پڑھی. وزیراعظم عمران خان کی جانب سے شاعر کونظم پڑھنے سے روک دیا گیا۔ تفصیلات کے مطابق دوشنبے میں پاکستان تاجکستان مشترکہ بزنس فورم کا آغازہوا ، جس سے وزیراعظم عمران خان نے خطاب کیا۔ خطاب میں ایک بزنس مین نے شعر سناتے ہوئے کہا کہ یہ پاکستان کہہ رہا ہے کہ کچھ اپنے بھی دل پر زخم کھاؤ، میرے لہو کی بہار کب تک،مجھے سہارا بنانے والوں میں لڑکھڑایا تو کیا کروگے۔ مزید بات کرتے ہوئے ان شاعر کا کہنا تھا کہ آخر میں عمران خان صاحب آپ کے لیے ایک شعر ہے اتنے ظالم نہ بنو ،عمران بھائی آپ کے لیے ۔آپ تو اب ایک قیدی ہوگئے، جب کنٹینر پر تھے تو زبردست تھے ۔ اب تو پتہ نہیں کن کے چکروں میں آپ آگئے ہیں۔ وہ کہتا ہے کہ اتنے ظالم نہ بنو کچھ تو مروت ہی سیکھو ۔‘ بعد ازاں وزیراعظم عمران خان نے کہا کہ بزنس کی باتیں کریں یہ شعر و شاعری بعد میں ہوگی۔

اسلام آباد (ویب ڈیسک) اقوام متحدہ کے ہائی کمشنر برائے مہاجرین فلپپو گرانڈی سے آرمی چیف جنرل قمر جاوید کی ملاقات ہوئی . ملاقات کے دوران باہمی دلچسپی کے امور ، علاقائی سلامتی ، افغانستان کی موجودہ صورتحال اور انسانی امداد میں تعاون پرگفتگو کی گئی ۔آئی ایس پی ار کے مطابق آرمی چیف نے کہا کہ افغانستان میں انسانی ہمدردی اور پناہ گزینوں کے بحران سے بچنے کے لیے عالمی کوششوں کو یکجا کرنے کی ضرورت ہے ۔
آرمی چیف نے اقوام متحدہ کے بحرانوں کے دوران یو این ایچ سی آر کے کے کردار کی تعریف کی. علاوہ ازیں ہائی کمشنر نے بھی4 دہائیوں سے زائد عرصے تک چار لاکھ افغان مہاجرین کی میزبانی کے حوالے سے پاکستان کی کوششوں کا اعتراف کیا اور افغان صورتحال میں پاکستان کے کردار کو بھی سراہا۔
اقوام متحدہ کے ہائی کمشنر برائے مہاجرین فلپو گرانڈی نے ایوان صدر میں صدر عارف علوی سے بھی ملاقات کی.صدر مملکت نے اقوام متحدہ کے ہائی کمشنر برائے مہاجرین کا خیرمقدم کرتے ہوئے کہا کہ افغانستان میں طویل جنگ نے وام کی مشکلات میں اضافہ کیا ہے لہذٰا انہیں انسانی اور معاشی امداد کی اشد ضرورت ہے.

نیو یارک (ویب ڈیسک)دنیا میں کئی پرندے ہر سال ایک جگہ سے دوسری جگہ ہجرت کرتے ہیں .ہجرت کے دوران انہیں کئی مشکلات کا سامنا بھی کرنا پڑتا ہے جس میں بعض اوقات پرندوں کی موت ہو جاتی ہے.اس حوالے سے ایک ویڈیو وائرل ہوئی ہے جس میں 300 پرندے ہجرت کے دوران ٹاورز سے ٹکرا کر موت کا شکار نظر آئے. تفصیلات کے مطابق نیو یارک سٹی میں سیکڑوں ہجرت کرنے والے پرندے بڑے بڑے گلاس ٹاورز سے ٹکرانے کے بعد موت کا شکار ہو گئے۔نیویارک میں پرندوں کے تحفظ کے لیے کام کرنے والے فلاحی ادارے کے رضاکار نے ایسے پرندوں کی ایک ویڈیو شئیر کی ہے جس میں ورلڈ ٹریڈ سینٹر کے باہر تقریبا 300 مردہ پرندے پڑے نظر آئے.۔یں پرندوں کے تحفظ کے لیے کام کرنے والے اس فلاحی ادارے کا کہنا ہے کہ موسم بہار اور خزاں میں سب سے زیادہ مہاجر پرندوں کی اموات ہوتی ہیں۔انہوں نے موت کی وجہ بیان کرتے ہوئے بتایا کہ پرندوں پر رات کی روشنی کے اثرات کافی مضبوط ہوتے ہیں۔لہذٰا ورلڈ ٹریڈ سینٹر اور دیگر عمارتوں کے مالکان رات کے وقت لائٹس کو مدھم رکھیں اور اور نان ریفلیکٹنگ گلاس(non reflecting glasses) لگائیں تاکہ پرندوں کی زندگی کو پچایا جا سکے۔

چین (ویب ڈیسک)چین میں شدید زلزلہ آ گیا.تفصیلات کے مطابق چین کے ایک صوبے سچوان میں 6.0 شدت کا زلزلہ آ گیا جس کے نتیجے میں جانی و مالی نقصان ہوا ہے۔ رپورٹ کے مطابق سچوان میں جمعرات کی شام 4 بج کر 33 منٹ پر شدید زلزلہ آیا.زلزلے کے بعد جس کی دل دہلا دینے والی ویڈیوز منظر عام پر آئی ہیں‌. کوہ پیما مرکز کے مطابق زلزلے کی شدت 6.0 ریکارڈ کی گئی۔
مقامی حکام کے مطابق زلزلے سے 24 ہزار سے زائد گھر متاثر ہوئے جبکہ 76 ہزار شہریوں کو ریسکیو کرلیا گیا ہے۔ اب تک ملبے تلے دبنے سے 3 افراد ہلاک جبکہ 80 سے زائد زخمی ہیں جن میں سے بیشتر کی حالت تشویشناک بتائی جاری ہے۔

لاہور (ویب ڈیسک)بجلی کی قیمتوں میں اضافے کے بعد اب لیسکو کی جانب سے ایک اور جھٹکا عوام کو دینے کا فیصلہ کیا گیا ہے .تفصیلات کے مطابق
لاہورالیکٹرک سپلائی کمپنی (لیسکو) نے ریکوری کو بڑھانے کے لیے بلوں کی اقساط کرنے پر مکمل پابندی عائدکردی ہے۔لیسکو کی جانب سے یہ پابندی گھریلو ،کمرشل اور تجارتی صارفین کے لیے ہو گی. علاوہ ازیں 30 ستمبر تک تمام بقایا جات والے کنکشنزکوبھی منقطع کرنے کا حکم دیا گیا ہے.۔
لیسکو حکام کا اس حوالے سے کہنا ہےکہ بجلی کے بلوں کی ریکوری اس وقت 94 فیصد ہے جوکہ کم ترین سطح پر ہے لہذٰا اسے ہر صورت 100 فیصد تک لایا جائے گا۔ان کا مزید کہنا تھا کہ 2 ماہ سے زائد کے بقایا جات والوں کو اقساط کی سہولت نہیں دی جائے گی. 4 ماہ پہلے بھی اس حوالے سے پابندی لگائی گئی تھی لیکن اس پر عمل درآمد نہیں ہوسکا تھا۔

اسلام آباد (ویب ڈیسک)شوبز انڈسٹری کے ایک اور فنکار عوام کی دعائوں‌ کے انتظارمیں ہیں‌.تفصیلات کے مطابق ماضی کے سینئر فنکار طلعت اقبال شدید بیماری کی حالت میں ٹیکساس کے ہسپتال میں زیرِ علاج ہیں۔ان کے اہلخانہ کے مطابق طلعت اقبال وینٹی لیٹر پر ہیں۔طلعت اقبال کافی عرصے سے ٹیکساس میں رہائش پزیر ہیں.کچھ ہفتے پہلے ان کی بیٹی کا انتقال ہوا تھا جس کے بعد ان کی طبیعت زیادہ خراب ہو گئی ہے.
طلعت اقبال کی بیٹی صومی حسین کا کہنا ہے کہ ان کے والد کو کورونا نہیں ہوا بلکہ وہ دوائیاں‌ لیتے تھے .دوا لینے کے دوران ایک گولی اچانک سانس کی نالی میں‌ پھنس گئی جس کی وجہ سے وہ بے ہوش ہو گئے. اس وقت وہ بے ہوشی کی حالت میں ہیں اور ان کے لیے 36 گھنٹے بہت اہم ہیں اس لیے عوام سے اپیل ہے کہ دعا کریں. طلعت اقبال نے 70 اور 80 کی دہائی میں کئی ڈراموں اور فلموں میں اہم کردار ادا کیے۔

ایمسٹر ڈیم (ویب ڈیسک)افغانستان میں طالبان کے قبضے سے بعد وہاں‌ موجود غیرملکیوں کے انخلا کا عمل جلداز جلد مکمل کیا گیا.اسی سلسلے میں نیدرلینڈ کی وزیر خارجہ سگریڈ کاگ نے استعفیٰ دے دیا .تفصیلات کے مطابق افغانستان سے انخلا کے دوران بدنظمی کے باعث نیدرلینڈ حکومت نے اپنی وزیر کارجہ پر تنقید کی جس کے بعد انہوں نے استعفیٰ دے دیا.
غیر ملکی خبر رساں ادارے کے مطابق افغانستان سے انخلا کے دوران پیداہونے والے بحران پر نیدرلینڈ کی وزیر خارجہ سگریڈ کاگ کو ذمہ دار ٹھرایا گیا. نیدرلینڈ کی پارلیمنٹ نے ایک اجلاس کے دوران وزیر خارجہ کے خلاف تحریک پیش کی جس میں ان پر الزام عائد کیا گیا کہ وزیر خارجہ نے غیر ذمے دارانہ رویہ اپنایا جس کی وجہ سے افغان مہاجرین کا انخلا مکمل نہیں ہوسکا۔
وزیر خارجہ سگریڈ کاگ نے اپنے خالف تحریک کے بعد مستعفی ہونے کا اعلان کر دیا.انہوں نے کہا کہ اس بحران کا ذمہ دار یہ ایوان حکومت کو سمجھتا ہے البتہ میں نےاپنی ذمہ داریاں مکمل طور پر ادا کیں تاہم پارلیمنٹ کے فیصلے کے بعد میں بحثیت وزیر نتائج کی ذمہ داری قبول کرتی ہوں اور مستعفیٰ ہونے کا فیصلہ کرتی ہوں۔

اسلام آباد(ویب ڈیسک) ملک میں بڑھتے کورونا کیسز کے باعث ہلاکتوں کی تعداد میں مزید اضافہ ہو گیا ہے.تفصیلات کے مطابق پچھلے 24 گھنٹوں کے دوران کورونا وبا سے مزید 68 افراد وفات پا گئے۔این سی او سی کی طرف سے جاری کردہ اعدادو شمار کے مطابق پچھلے 24 گھنٹوں کے دوران کورونا کے 56 ہزار 626 ٹیسٹ کیے گئے جس میں سے 2928 افراد میں عالمی وبا کی تصدیق ہوئی ہے.جبکہ مثبت کیسز کا تناسب 5.08 فیصد ریکارڈ کیا گیا۔
این سی او سی کے مطابق اموات کی کل تعداد 27 ہزار 72 تک پہنچ چکی ہے جب کہ 4960 مریضوں کی حالت اب بھی تشویشناک ہے۔

(ویب ڈیسک)آج کل ہمارے ارد گرد تقر یباً ہر شخص وزن بڑھ جانے کی وجہ سے پریشان دکھائی دیتا ہے۔ وزن بڑھتا تو بہت جلدی ہے لیکن اسے کم کرنے میں کافی وقت درکار ہوتا ہے، وزن بڑھنے کی وجوہات میں دیگر عناصر کے ساتھ ساتھ کورونا وبا کے دوران نافذ کیے گئے لاک ڈاؤن کے باعث سماجی سرگرمیوں میں کمی، ہر وقت گھر میں رہنا اور ورزش نہ کرنا بھی شامل ہیں۔ماہرین کے مطابق وزن کم کرنے میں ورزش کے ساتھ ساتھ ہماری خوراک کا بھی اہم کردار ہوتا ہے، تو آج ہم آپ کو 5 ایسے خشک میوہ جات کا استعمال بتائیں گے جنہیں اگر آپ اپنی خوراک میں شامل کر لیں تو یہ آپ کا وزن کم کرنے میں مددگار ثابت ہو سکتے ہیں۔

1: بادام

بادام وزن کم کرنے میں سب سے زیادہ مددگار ہے، ماہرین کا کہنا ہے کہ بادام کے استعمال سے غلط اوقات میں اچانک کچھ کھانے (craving) کی طلب کو ختم کیا جا سکتا ہے، مٹھی بھر بادام کھانے سے انسان کی بھوک بھی مٹ جاتی ہے۔اس کے علاوہ بادام میں کیلوریز بہت کم ہوتی ہیں اور وہ غذائی اجزا سے بھرپور ہوتے ہیں جو وزن کم کرنے میں مدد دیتے ہیں۔ بادام پیٹ کی چربی اور مجموعی طور پر باڈی ماس انڈیکس کو کم کرنے میں بھی معاون ہوتے ہیں۔

2: کشمش

جب آپ بھوکے ہوں تو آپ کشمش بھی کھا سکتے ہیں،کشمش میں کیلوریز بہت کم ہوتی ہیں اور ان کو کھانے سے آپ کو زیادہ بھوک بھی نہیں لگتی،کشمش میں بھوک کو کم کرنے والی خصوصیات ہوتی ہیں اور اسی وجہ سے وہ بھوک کو بڑھانے والے ہارمونز (ghrelin) کو دور رکھتے ہیں۔اس کے علاوہ کشمش پیٹ کی چربی کو کم کرنے میں بھی مدد فراہم کرتی ہے۔ اگر آپ وزن کم کرنا چاہتے ہیں تو کشمش کو اپنی روزمرہ کی خوراک میں شامل کر لیں۔

3:کاجو

آپ یہ جان کر حیران ہوں گے کہ وزن کم کرنے کے لیے آپ کاجو کو اپنی روز مرہ کی خوراک میں شامل کر سکتے ہیں بشرطیکہ آپ انہیں صرف محدود مقدار میں کھائیں۔کاجو میں بہت زیادہ میگنیشیم ہوتا ہے جو میٹابولزم کی شرح کو بہتر بناتا ہے، میٹابولزم کی شرح وزن کم کرنے کی منصوبہ بندی کرتے وقت ایک اہم نکتہ ہے۔ اس کے علاوہ کاجو میں موجود پروٹین وزن کم کرنے میں اہم کردار اداکرتا ہے۔

4: مونگ پھلی

مونگ پھلی میں مختلف قسم کے ایسڈز ہوتے ہیں جو جسم میں سوجن کو کم کرتے ہیں جبکہ مونگ پھلی کھانے سے وزن میں کمی اور جسم کو طاقت بھی ملتی ہے۔

5: اخروٹ
اخروٹ بھی وزن کم کرنے میں مدد دیتے ہیں کیونکہ یہ پروٹین، معدنیات اور وٹامن سے بھرپور ہوتے ہیں۔ اگر آپ کو بھوک لگی ہو اور آپ اخروٹ کھائیں تو یہ آپ کو کافی دیر تک بھوک کے احساس سے بچا سکتے ہیں جو آپ کے وزن کم کرنے میں معاون ثابت ہو سکتا ہے۔

اخروٹ میں ایسے غذائی اجزا پائے جاتے ہیں جو دماغ میں موجود کیمیکل سیروٹونن کے لیول کو بڑھاتے ہیں، اگر آپ روزانہ ایک مٹھی بھر اخروٹ کھائیں تو آپ کو تیزی سے وزن کم کرنے میں مدد ملے گی۔
بشکریہ جیو نیوز