Tag وزیراعظم عمران خان

اسلام آباد (ویب ڈیسک)دو دہائوں کے بعد بالاخر طالبان نے افغانستان پر قبضہ کر لیا.دنیا کی نظریں اب ان پر لگی ہیں کہ طالبان حکومت بنانے کے حوالے سے کیا حکمت عملی اختیار کرتے ہیں .اسی سلسلے میں وزیراعظم عمران خان افغان طالبان سے رابطے میں ہیں اور اب وزیراعظم نے افغان طالبان سے مذاکرات کا باقاعدہ آغاز کردیا ہے.اسی حوالے سے وزیراعظم عمران خان نے ٹویٹ پر بتایا ہے کہ تاجکستان کے دارالحکومت دوشنبے میں افغانستان کے پڑوسی ممالک کے رہنماؤں اور تاجکستان کے صدر امام علی رحمن سے تفصیلی ملاقاتیں اور گفتگو کی۔وزیراعظم عمران خان نے کہا کہ افغان حکومت میں تاجک، ازبک اور ہزارہ برادری کی شمولیت کے لیے میں نے طالبان سے مذاکرات کا آغازکیا ہے، 40 سالہ تنازع کے بعد تمام اقوام پر مشتمل حکومت افغانستان میں امن و استحکام لائے گی، یہ نہ صرف افغانستان بلکہ پورے خطے کے مفاد میں ہوگا۔

اسلام آباد (ویب ڈیسک) پاکستان کے لیے برطانیہ کی جانب سے سفری پابندیں کے حولے سے خوشخبری آئی ہے.تفصیلات کے مطابق برطانیہ نے پاکستان کو سفری پابندیوں کی ریڈ لسٹ سے نکال دیا ہے۔پاکستان میں برطانیہ کے ہائی کمشنر کرسچن ٹرنر نے ٹویٹر پر لکھا ہے کہ مجھے تصدیق کرتے ہوئے خوشی محسوس ہو رہی ہے کہ پاکستان کو ریڈ لسٹ سے نکال دیا گیا ہے۔ مجھے علم ہے کہ پچھلے پانچ ماہ کتنے مشکل تھا بہت سارے لوگوں کے لیے جو پاکستان اور برطانوی کے درمیان قربت پر انحصار کرتے ہیں۔ہائی کمشنر کرسچن ٹرنر نےمزید لکھا کہ وزیراعظم عمران خان کے معاون خصوصی برائے صحت کا خصوصی شکریہ ادا کرتے ہیں‌۔ انہوں نے کہا کہ پاکستان برطانیہ کے ساتھ مل کر کام کرتا رہے گا تاکہ دونوں ممالک میں ڈیٹا شیئرنگ اور عوامی صحت کی حفاظت کو یقینی بنایا جا سکے۔

برطانوی ٹرانسپورٹ سیکرٹری گرانٹ شاپس کے مطابق برطانیہ نے پاکستان سمیت 8 ممالک کو سفری پابندیوں کی ریڈ لسٹ سے نکال دیا ہے۔ اس فیصلے کا اطلاق بدھ 22 ستمبر کی صبح 4 بجے سے ہوگا جبکہ بین الاقوامی سفر کیلئے 4 اکتوبر سے نیا نظام متعارف کرا رہے ہیں۔برطانوی اخبار کے مطابق اس لسٹ میں پاکستان کے علاوہ ترکی، مصر، مالدیپ، سری لنکا، عمان، بنگلا دیش اور کینیا بھی شامل ہیں۔ دوسری جانب وفاقی وزیر خارجہ شاہ محمود قریشی نے برطانیہ کی جانب سے پاکستان کو ریڈ لسٹ سے نکالنے کے فیصلے کا خیر مقدم کیا ہے۔

اسلام آباد(ویب ڈیسک)وزیر خارجہ شاہ محمود قریشی نے تحریک طالبان کو ایک پیشکش کی ہے.ان کا کہنا ہے کہ اگر تحریک طالبان وعدہ کرے کہ پاکستان کے آئین کو تسلیم کرتے ہوئے دہشتگردی میں ملوث نہ ہوں تو پاکستان کی جانب سے انھیں معافی دینے پر غورکیا جا سکتا ہے. وزیر خارجہ نے ایک انٹرویو دیتے ہوئےکہا ہے کہ پاکستان کی جانب سے کالعدم ٹی ٹی پی کے لیے معافی کی مشروط پیشکش ہے.
شاہ محمود قریشی نے ٹی ٹی پی کے قیدیوں کا فغان جیلوں سے باہرنکلنے کی خبروں پر تشویش کا اظہار کیا اور ساتھ ہی کہا کہ طالبان کی طرف سے پاکستان سمیت کسی بھی ملک کے خلاف استعمال نہ ہونے کا اعلان خوش کن ہے۔
اشرف غنی کے حوالے سے بات کرتے ہوئے وزیر خارجہ کا کہنا تھا کہ ہم نے مسلسل کالعدم ٹی ٹی پی کے ٹھکانوں کی نشاندہی کی مگر اشرف غنی کی حکومت نے کوئی ایکشن نہ لیا.مگر اب ہم دیکھتےہیں کہ طالبان ان کے خلاف کیا ایکشن لیتے ہیں۔اس سے قبل صدر عارف علوی نے بھی ایک انٹرویو میں کہا تھا کہ کالعدم ٹی ٹی پی اگر ہتھیار ڈال کر پاکستانی آئین کو تسلیم کرےاور جرائم میں ملوث نہ ہوتو پاکستانی حکومت ان کو ایمنسٹی دینے کا سوچ سکتی ہے.

اسلام آباد (ویب ڈیسک)ارکان پارلیمنٹ کی تنخواہوں میں اضافے کے حوالےسے حکومت نے اہم فیصلہ کیا ہے.تفصیلات کے مطابق وزیراعظم عمران خان کی زیرصدارت وفاقی کابینہ کے اجلاس ہواجس میں میں ارکان پارلیمنٹ کی تنخواہوں نہ بڑھانے کا فیصلہ کیا گیا .اجلاس میں اراکین پارلیمنٹ کی تنخواہوں میں10فیصد اضافہ کرنے کے حوالے سے سمری پیش کی گئی تھی. وفاقی کابینہ کااجلاس جاری ہے جس میں ملکی سیاسی و معاشی صورتحال کا جائزہ لینے کے علاوہ 14نکاتی ایجنڈے پربھی غور کیا گیا۔اجلاس میں ارکان پارلیمنٹ کی تنخواہوں میں 10 فیصد ایڈہاک الاؤنس دینے کی سمری پیش کی گئی تھی جسے مسترد کرتے ہوئے تنخواہوں میں اضافہ نہ کرنے کافیصلہ کیا گیا.علاوہ ازیں اجلاس میں ہیوی کمرشل گاڑیوں پروینڈرزکیلئے بڑھائی گئی ڈیوٹی ختم کرنے پر غور جبکہ 20ریگولیٹری اتھارٹیز کے چیئرمین وممبران کی تنخواہوں ور مراعات کی سمری بھی پیش کی جائے گی۔اجلاس کے ایجنڈے میں قائد اعظم فاؤنڈیشن ایکٹ2021کاڈرافٹ ، امیگریشن واورسیزایمپلائمنٹ بیورومیں امیگیرنٹس محافظ کی تقرری اور ایف بی آرڈیٹاہیک معاملےپرآپریشنل ایمرجنسی نفاذکافیصلہ شامل ہیں۔

روسی صدرولادیمیر پیوٹن کاوزیراعظم عمران خان کوٹیلی فون ۔ دوران گفتگوافغانستان کی صورتحال پر تبادلہ خیال کیا گیا۔ وزیراعظم ہاؤس سے جاری اعلامیے کے مطابق وزیراعظم عمران خان اور صدر پیوٹن نے دوطرفہ تعاون پرتبادلہ خیال کیا۔ وزیراعظم نے علاقائی سکیورٹی، خوشحالی کیلئےافغانستان میں امن واستحکام کی اہمیت کو اجاگر کیا۔
دونوں رہنماؤں نے افغانستان کی تازہ ترین پیش رفت ، دوطرفہ تعاون اور شنگھائی تعاون تنظیم (ایس سی او) میں تعاون پر تبادلہ خیال کیا۔
وزیراعظم نے علاقائی سلامتی اور خوشحالی کے لیے افغانستان میں امن و استحکام کی اہمیت پر زور دیا۔ انہوں نے افغانستان کو انسانی امداد کی فوری فراہمی اور معاشی بحران سے بچانے کی ضرورت پر زور دیا۔وزیراعظم عمران خان نے بین الاقوامی برادری کو افغانستان میں موجودرہنے کی ضرورت پرزور دیا۔ انہوں نے اس بات پر بھی زوردیا کہ افغان عوام کو اس اہم موڑ پر نہیں چھوڑنا چاہیے۔وزیر اعظم نے اس بات پر زور دیا کہ پاکستان اور روس کے درمیان افغانستان کی ابتر صورت حال پر قریبی رابطہ اور مشاورت انتہائی اہمیت کی حامل ہے۔
دوطرفہ تناظر میں وزیر اعظم نے مختلف شعبوں میں بڑھتے ہوئے تعاون پر زور دیا اور مجموعی تعلقات کو مزید اپ گریڈ کرنے کے پاکستان کے عزم کا اعادہ کیا۔ انہوں نے اس بات پر زور دیا کہ تجارت اور سرمایہ کاری اور توانائی کے تعاون کو مضبوط کرنا روس کے ساتھ تعلقات کی بنیاد ہے۔وزیراعظم نے پاکستان گیس پائپ لائن منصوبے کو جلد از جلد عملی جامہ پہنانے کے حکومتی عزم کی بھی اعادہ کیا۔
وزیراعظم نے صدر پیوٹن کو دورہ پاکستان کی دعوت دی ۔ صدر پیوٹن نے وزیراعظم عمران خان کو دورہ روس کی دعوت دی ۔ پاکستان اورروس کےتعلقات اہم علاقائی اوربین الاقوامی اموراوردوطرفہ تعاون پرتبادلہ خیال کیاگیا.دونوں رہنماؤں کا قریبی روابط قائم کرنےپراتفاق ۔

وزیراعظم عمران خان کی زیر صدارت نیشنل ایکشن پلان سے متعلق ایپکس کمیٹی کا اجلاس ہوا۔ اجلاس میں آرمی چیف جنرل قمر جاوید باجوہ، وزیر خارجہ شاہ محمود قریشی، وزیر داخلہ شیخ رشید سمیت دیگر نے شرکت کی۔

ایپکس کمیٹی کے اجلاس میں نیشنل ایکشن پلان پر اب تک کی پیشرفت کا جائزہ لیا گیا، اجلاس میں افغانستان کی صورتحال اور پاکستان پر اثرات کا بھی جائزہ لیا گیا۔
وزیراعظم کی زیر صدارت اجلاس میں نیشنل ایکشن پلان پر عملدرآمد تیز کرنے کا فیصلہ کیا گیا۔
اس کے علاوہ اجلاس میں سائبر سکیورٹی سے بڑھتے چیلنجز پر غور کیا گیا اور فیصلہ کیا گیا کہ سائبر سیکیورٹی، جاسوسی ، عدالتی و سول اصلاحات اور قانون نافذ کرنے والے اداروں کی استعداد کار بڑھائی جائے گی۔
اجلاس میں غیر ملکیوں کی فول پروف سکیورٹی سمیت سی پیک و دیگر منصوبوں پر کام کرنیوالے چینی باشندوں کے فول پروف سیکیورٹی پلان کا بھی جائزہ لیا گیا۔
وزیراعظم عمران خان نے اس موقع پر کہا کہ قوم نے دہشتگردی کے خلاف جنگ کی بھاری قیمت چکائی ہے، نظرثانی شدہ پلان کے تحت روابط بڑھانے اور ٹھوس اقدامات کرنے کی ضرورت ہے۔

ایپکس کمیٹی کے اجلاس میں اندرونی سکیورٹی خطرات سے نمٹنے کیلئے نیشنل کرائسز انفارمیشن مینجمنٹ سیل بنانے کا فیصلہ کیا گیا جو وزارت داخلہ اور وزارت اطلاعات کے تحت کام کرے گا۔
ان کا کہنا تھا کہ مسلح افواج، پولیس ، انٹیلی جنس اداروں کی قومی سلامتی کیلئے کوششوں کو خراج تحسین پیش کرتا ہوں۔

ماضی میں حکومتیں کراچی کونظراندازکرتی رہی ہیں لیکن پی ٹی آئی کی حکومت کراچی میں ٹرانسپورٹ کی سہولتوں کی فراہمی یقینی بنائے گی:وزیر اعظم عمران خان
تفصیلات کے مطابق وزیراعظم عمران خان سے وزیرمنصوبہ بندی اسد عمر کی ملاقات ،وزیرِ اعظم عمران خان نے کہا کہ وفاقی حکومت پاکستان کے سب سے بڑے شہر کراچی میں لوگوں کو ٹرانسپورٹ کی سہولیات کی فراہمی یقینی بنائے گی، ماضی میں حکومتیں ملک کے اقتصادی مرکز کراچی کو نظر انداز کرتی رہیں۔ وفاقی وزیراسدعمرنےوزیراعظم کوکراچی کی ترقی کیلئےجاری مختلف منصوبوں پرپیشرفت سے آگاہ کیا۔ انہوں ںے وزیراعظم کو بتایا کہ کراچی سرکلر ریلوے (KCR) کی منظوری کا عمل جلد مکمل کرلیا جائے گا۔ کراچی میں روزگار کے لیے مزدوروں و افرادی قوت کی صنعتوں تک آسان رسائی حکومت کی اولین ترجیحات میں سے ایک ہے۔
وفاقی وزیرصنعت و پیداوار مخدوم خسرو بختیار نے وزیرِاعظم عمران خان کوانڈسٹریل زونز کی تعمیر، برآمدی ہدف کے حصول، چھوٹے اور درمیانے درجے کی صنعتوں کی ترقی کے لیے اقدامات اورآٹوپالیسی پرعملدرآمداورپیشرفت سےآگاہ کیا گیا۔
بڑے پیمانےکی صنعت کی پیداواررواں مالی سال کیلئے طےشدہ ہدف سےتجاوزکرنےکی امید ہےجوکہ ملکی اقتصادی صورتحال کیلئے خوش آئند ہے۔

لاہور(ویب ڈیسک)ہرجماعت کی حکومت جب جب پاکستان میں‌قائم ہوتی ہے تو اس کے حامی پرامید ہوتے ہیں کہ وہ اپنی مدت پوری کرے گی اور وعدے بھی پورے کرے گی،اسی طرح‌ تحریک انصاف کی حکومت بارے بھی سروے کیاگیاہے جس میں 70 فیصد پاکستانیوں نے تحریک انصاف کی حکومت کے 5 سال مکمل ہونے کی بھرپور امید کا اظہار کردیا۔
گیلپ پاکستان نے عوام کی آراء پر مبنی نیا سروے جاری کردیا جس کے مطابق 69 فیصد افراد کورونا کی وبا کے خلاف حکومتی کارکردگی اور 58 فیصد خارجہ پالیسی پرحکومتی کوششوں سے بھی مطمئن نظر آئے۔
سروے کے مطابق معاشی محاذ پر 45 فیصد نے حکومتی کوششوں سے مطمئن تو 44 فیصد نے غیرمطمئن ہونے کا کہا جب کہ کرپشن کے خاتمے میں 48 فیصد نے حکومت کو کامیاب تو 40 فیصد نے ناکام قرار دیا۔
سروے کے مطابق وزیراعظم عمران خان کی 3 سال حکومتی کارکردگی سے بھی 48 فیصد پاکستانی خوش تو 45 فیصد ناراض نظر آئے۔

اسلام آباد میں تقریب سے خطاب کرتے ہوئے وزیراعظم عمران خان نےپرویزمشرف کےاپوزیشن لیڈرزکواین آر او دینے کو آئین توڑنے سے بڑا ظلم قرار دیا اور کہا کہ مشرف نے این آر او دے کر سب سے بڑا جرم کیا، مشرف نے طاقتور کو این آر او دے دیا، پیسا تو مشرف کا تھا ہی نہیں، پیسا تو قوم کا تھا، ڈکٹیٹر مشرف کے خلاف تحریک میں شامل رہنے پر فخر ہے،بدقسمتی سے وکلا کی تحریک کے جو نتائج آنے چاہیے تھے وہ نہیں آئے۔
وزیراعظم نے اپوزیشن کا نام لیے بغیر کہا کہ یہ سارے اکٹھے ہوکر حکومت کو بلیک میل کررہے ہیں، کہتے ہیں ہمارے لیے علیحدہ قانون بنا دو، ہمیں این آر او دے دو، طاقتور ہمیشہ قانون سے اوپر رہنا چاہتا ہے، امیر اور غریب کے لیے الگ قانون ہمارا المیہ ہے۔
وزیراعظم عمران خان نے کہا کہ ہم دیکھتے تھے کہ پاکستان آگے جارہا تھا لیکن پھر پیچھے چلا گیا، 60 کی دہائی میں ہم ترقی کی طرف جارہے تھے مگر آہستہ آہستہ ہمارا ملک اوپر سے نیچے جانا شروع ہوگیا، 30 سالوں میں ملک تیزی سے نیچے گیا اور ہر چیز میں دنیا آگے نکل گئی۔
وزیراعظم نے کہا کہ بنگلادیش بھی پاکستان سے آگے نکل چکا ہے جب کہ قانون کی بالادستی نہ ہونے کی وجہ سے ہم پیچھے رہ گئے۔
ان کا کہنا تھا کہ کمزور کو انصاف چاہیے ہوتا ہے، طاقتور انصاف سے اوپر رہنا چاہتا ہے، عدلیہ سے کہتا ہوں ہر ممکن معاونت کریں گے۔

اسلام آباد: (ویب ڈیسک) کورونا وائرس کی بگڑتی ہوئی صورتحال کے بعد وزیراعظم نے 24 اضلاع میں خصوصی اقدامات کی منظوری دیدی۔
نیشنل کمانڈ اینڈ آپریشنز سنٹر (این سی او سی) نے ملک بھر میں کورونا وائرس کی صورتحال سے متعلق وزیراعظم عمران خان کو رپورٹ پیش کی۔نیشنل کمانڈ اینڈ آپریشنز سنٹر (این سی او سی) نے وزیراعظم کو رپورٹ پیش کرتے ہوئے بتایا ہے کہ کورونا وائرس سے زیادہ متاثر اضلاع میں پنجاب کے 15، خیبرپختونخوا کے 8 اضلاع شامل ہیں۔ متاثرہ اضلاع میں ہرقسم کی ان ڈور آوٹ ڈور تقریبات پر پابندی عائد کرنے کی منظوری دیدی گئی۔

این سی او سی کے مطابق متاثرہ 24 اضلاع میں انٹرسٹی ٹرانسپورٹ پر پابندی عائد کر دی گئی ہے، تعلیمی ادارے اور ان ڈور جم پر بھی پابندی عائد کی گئی ہے۔ متاثرہ اضلاع میں پابندیاں 4 سے12ستمبر تک نافذ کی گئی ہیں۔
پنجاب کے متاثرہ اضلاع میں راولپنڈی، گجرات، گوجرانوالا، شیخوپورہ ، سیالکوٹ، فیصل آباد، سرگودھا، خوشاب، میانوالی، بھکر، ملتان، بہاولپور، خانیوال، رحیم یار خان شامل ہیں۔
این سی او سی کے مطابق خیبرپختونخوا کے اضلاع میں پشاور،صوابی،مالاکنڈ،سوات، ہری پور، مانسہرہ، ایبٹ آباد اور ڈیرہ اسماعیل خان (ڈی آئی خان) شامل ہیں۔
اس سے قبل کورونا کیسز میں اضافے کے پیش نظر پنجاب میں 6 سے 11 ستمبر تک تمام سرکاری و نجی سکول بند کرنے کا فیصلہ کیا گیا ہے۔
وزیر تعلیم پنجاب مراد راس نے سماجی رابطے کی ویب سائٹ پر ٹویٹ کرتے ہوئے کہا کہ کورونا کی بگڑتی ہوئی صورتحال کے پیش نظر پنجاب میں 6 سے 11 ستمبر تک سکولز بند کرنے کا فیصلہ کیا گیا ہے۔ انہوں نے کہا کہ گھر رہیں اور محفوظ رہیں۔

دوسری طرف کورونا وائرس سے 57 افراد جاں بحق ہوگئے، جس کے بعد اموات کی تعداد 26 ہزار 35 ہوگئی۔ پاکستان میں کورونا کے تصدیق شدہ کیسز کی تعداد 11 لاکھ 71 ہزار 578 ہوگئی۔نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 3 ہزار 787 نئے کیسز رپورٹ ہوئے، پنجاب میں 3 لاکھ 97 ہزار 694، سندھ میں 4 لاکھ 35 ہزار 159، خیبر پختونخوا میں ایک لاکھ 63 ہزار 677، بلوچستان میں 32 ہزار 329، گلگت بلتستان میں 9 ہزار 993، اسلام آباد میں ایک لاکھ 242 جبکہ آزاد کشمیر میں 32 ہزار 329 کیسز رپورٹ ہوئے۔

ملک بھر میں اب تک ایک کروڑ 79 لاکھ 31 ہزار 365 افراد کے ٹیسٹ کئے گئے، گذشتہ 24 گھنٹوں کے دوران 59 ہزار 745 نئے ٹیسٹ کئے گئے، اب تک 10 لاکھ 55 ہزار 467 مریض صحتیاب ہوچکے ہیں جبکہ 5 ہزار 606 مریضوں کی حالت تشویشناک ہے۔پاکستان میں کورونا سے ایک دن میں 57 افراد جاں بحق ہوئے جس کے بعد وائرس سے مرنے والوں کی تعداد 26 ہزار 35 ہوگئی۔ پنجاب میں 11 ہزار 979، سندھ میں 6 ہزار 932، خیبرپختونخوا میں 5 ہزار 41، اسلام آباد میں 868، بلوچستان میں 339، گلگت بلتستان میں 174 اور آزاد کشمیر میں 702 مریض جان سے ہاتھ دھو بیٹھے۔