Tag کھیل

اسلام آباد (ویب ڈیسک) نیوزی لینڈ کے دورہ منسوخی کے پیچھے بھارت کا ہاتھ ہے.حکومت نے اس سازش کاپردہ چاک کر دیا ہے.تفصیلات کے مطابق وزیر اطلاعات فواد چوہدری نے وزیر داخلہ شیخ رشید کے ہمراہ نیوزی لینڈ کرکٹ ٹیم کا دورہ منسوخ کرنے کے حوالے سے اسلام آباد میں پریس کانفرنس کی .انہوں نےبریفنگ دیتے ہوئے کہا کہ فیک نیوز کے پیچھے ریاستوں اور ایجنسیوں کا ہاتھ ہے، پاکستان میں ہائبرڈ وارکاسامناہے.وفاقی وزیر نے تفصیلات بتاتے ہوئے کہا کہ 19 اگست کو احسان اللہ احسان کے نام سے ایک فیس بک اکائونٹ بنایا گیا جس میں نیوزی لینڈ ٹیم کو پاکستان کے دورہ سے روکتے ہوئے کہا گیا کہ داعش کیوی ٹیم پر حملہ کرسکتی ہے۔
وزیر اطلاعات نے مزید بتایا کہا کہ 21 اگست کو بھارتی اخبار سنڈے گارڈن کے بیوروچیف ابھی نندن مشرا نے احسان اللہ احسان کی اس جعلی فیس بک پوسٹ کی بنیاد پر آرٹیکل لکھا، ابھی نندن مشرا اور پاکستان مخالف سابق افغان نائب صدر امر اللہ صالح کے آپس میں گہرے تعلقات بھی ہیں، علاوہ ازیں 24 اگست کو مارٹن گپٹل کی بیوی کو تحریک لبیک کے نام سے بنے ای میل ایڈریس سے ایک ای میل موصول ہوئی جس میں مارٹن گپٹل کو پاکستان میں قتل کر دینے کے بارے میں لکھا تھا.
یہ ای میل اکاؤنٹ 24اگست 2021 کو ہی بنایا گیا تھا اور اس سے صرف ایک ہی میل مارٹن گپٹل کی بیوی کو بھیجی گئی، حالانکہ یہ ای میل پروٹون میل پر بنائی گئی جو کافی محفوظ ای میل ہے، تمام واقعات کےباوجود نیوزی ٹیم اپناٹورکینسل نہیں کیا اور پاکستان آ گئی.

فواد چوہدری نے مزید تفصیلات سے آگاہ کیا کہ پہلی پریکٹس 13ستمبر کو ہوئی تب کوئی تھریٹ رپورٹ نہیں ہوا، 17 ستمبر کو نیوزی لینڈ کی ٹیم نے بتایا کہ حکومت کی ہدایت پر یہ ٹور منسوخ کرنا چاہتے ہیں، جس پر سیکیورٹی فورسز اور پی سی بی کے افسران نے کیوی ٹیم سے ملاقات کی اور تھریٹ بارے پوچھا تو ٹیم کو بھی کچھ معلوم نہیں پتہ تھا.
انٹرپول نے 18 ستمبر کو پاکستان کو بتایا کہ جی میل پر حمزہ آفریدی 7899 کے نام سے بنی ایک ای میل موصول ہوئی ہے جس میں نیوزی لینڈ ٹیم کو دھمکی دی گئی تھی، یہ ای میل بھارت میں بنا اس کے علاوہ وی پی این کے ذریعے یہ ای میل بھارت سے بھیجی گئی تھی تاکہ اس کی لوکیشن سنگاپور ظاہر ہو۔

فواد چوہدری نے مزید بتایا کہ جس ڈیوائس سے ای میل جنریٹ ہوئی اس پر 13 مزید ای میل بنائی گئی ہیں اوروہ سب ہندی ناموں سے بنی ہیں ، صرف ایک جعلی ای امیل حمزہ آفریدی کے نام سے بنائی گئی اور جان بوجھ کر اس ای میل پر پاکستانی نام استعمال کیا گیا ہے، یہ ای میل جس نمبر پر بنا وہ سم انڈین کے نام پر ہے، اس کا نام اوم پرکاش مشرا ہے جس کا تعلق ممبئی سے ہے، اگست 2019 میں یہ موبائل ڈیوائس آر ایم ایکس 1971 بھارت میں لانچ کی گئی اور موبائل سم اگست 2019 میں بھارت میں رجسٹر ہوئیں تھیں. وزارت داخلہ نے مقدمہ درج کرلیا ہے اور دونوں ای میل ہولڈرز کو انٹرپول کی مدد سے ٹریس کیا جا رہا ہے.

وزیر داخلہ شیخ نے کہا کہ نیوزی لینڈ کی ٹیم کی واپسی سے اگر کوئی سمجھتا ہے کہ پاکستان دنیا میں تنہا ہو جائے گا تو یہ اسکی بھول ہے. دورے کینسل کرنے کے معاملے کو زیادہ اچھالا نہ جائے.وزیر داخلہ نے مزید کہا کہ دراصل بھارت کے 66 ٹریننگ کیمپ افغانستان میں بند کر دیے گئے ہیں جس پر بھارت میں صف ماتم بچھی ہے۔

لندن (ویب ڈیسک)انگلینڈ کرکٹ بورڈ کی جانب سے پاکستان میں ہونے والے میچز منسوخ کردیے ہیں.اس حوالے سے انگلینڈ ٹیم کے سابق کپتان مائیکل اتھرٹن نے اپنے خیالات کا اظہار کیا ہے.ان کا کہنا ہے کہ انگلینڈ پاکستان کا قرض اتارنے میں ناکام رہا ہے۔ مائیکل اتھرٹن نے دورہ پاکستان منسوخ کرنے پر اپنے ہی بورڈ کے فیصلے کو تنقید کا نشانہ بناتے ہوئے کہا کہ انگلینڈ کے پاس ایک اچھا قدم اٹھانے کا موقع تھا مگر پاکستان کا قرض اتارنے میں ناکام رہا۔انہوں نے کہا کہ کورونا وبا کی تھکاوٹ کو وجہ بناتے ہوئے دورہ منسوخ کردیا گیا لیکن ای سی بی بھول گیا کہ پاکستانی کھلاڑی انگلینڈ کے دورے پر اس وقت آئے تھے جب وبائی بیماری پھیل رہی تھی۔ پاکستان نے گزشتہ سال انگلینڈ میں آ کر اس کھیل کو مالی تباہی سے بچایا تھا۔ایتھرٹن نے مزید کہا کہ اگر دورے کی منسوخی کی وجہ سیکیورٹی وجوہات ہے تو قابل فہم ہوگی مگر کوویڈ 19 کی تھکاوٹ کا حوالہ دینا غلط ہے اور اس وقت پاکستان پر الزام لگانا بھی غلط ہے۔

اسلام آباد(ویب ڈیسک) انگلینڈ کرکٹ بورڈز (ای سی بی) کی جانب سے پاکستان میں ہونے والےشیڈول میچزکو منسوخ کر دیا گیا ہے.اس حوالے سے پاکستان نے انگلینڈ کو قانونی کارروائی کرنے کا عندیہ دیا تھا جس کےبعد برطانوی حکومت نے اس کوبورڈ کا ’ذاتی‘ فیصلہ قرار دیا ہے۔تفصیلات کے مطابق برطانوی ہائی کمشنر ڈاکٹر کرسچن ٹرنر نے واضح کیا ہے کہ دورے کو ترک کرنے کا فیصلہ ای سی بی کا ذاتی ہے.یہ ادارہ برطانوی حکومت سے آزاد ہے جبکہ کھلاڑیوں کی فلاح و بہبود کے خدشات کی بنیاد پر یہ فیصلہ کیا گیا۔انہوں نے تصدیق کرتے ہوئے کہا کہ پاکستان کا سفر کرنے کی ہماری ایڈوائزری کو تبدیل نہیں کیا گیا۔
انہوں نے کہا کہ اس دورے کی منسوخی پرمیں گہرے دکھ کا اظہار کرتا ہوں، میں ذاتی طور پر میچوں کا منتظر تھا۔
برطانوی ہائی کمشنر کا مزید کہنا تھا کہ تمام واقعات پرحکومت کا کوئی کنٹرول نہیں ، ’تمام ایونٹس میں شامل ہونا اور اسے دلچسپ بنانا آسان ہے، میری توجہ اب 2022 کے دورے پر ہے۔کرکٹ بورڈ کے خلاف ممکنہ قانونی کارروائی کے جواب میں برطانوی ہائی کمشنر کا کہنا تھا کہ یہ حکومت پاکستان اور ای سی بی کے درمیان کا معاملہ ہے۔

نیویارک (ویب ڈیسک) نیوزی لینڈ دورے کی منسوخی کے بعد پاکستان اس کی اصل وجہ معلوم کرنا چاہتا ہے.اس حوالےسے وزیر خارجہ شاہ محمود قریشی نے ایک بیان دیا ہے جس میں ان کہنا ہے کہ نیوزی لینڈ کا دورہ منسوخ کرنے کے پیچھے پڑوسی ملک بھارت کا ہاتھ ہوسکتا ہے۔ان خیالات کا اظہارانہوں نے نیویارک میں پاکستانی کمیونٹی سے خطاب کے دوران کیا. دوران خطاب شاہ محمود قریشی کا کہنا تھا کہ بیرون ملک پاکستانی ہمارے ملک کا سرمایہ ہیں، ملک کے مشکل حالات میں انہوں نے تعاون کیا، پچھلے برس اوورسیز پاکستانیوں نے 29.4ارب ڈالر کی ترسیلات پاکستان میں بھیجیں علاوہ ازیں روشن ڈیجیٹل اکاؤنٹ کے ذریعے 2 ارب ڈالر سے زائد کی رقم پاکستان منتقل ہوچکی ہے،اوورسیزپاکستانیوں کو ملکی ترقی میں حصہ ڈالنے کے لیےخوش آمدید کہیں گے۔
شاہ محمود قریشی نے نیوزی لینڈ دورے کے حوالے سے بات کرتے ہوئے کہا کہ نیوزی لینڈ کرکٹ ٹیم حفاظتی اقدامات سے مطمئن تھی، اس لیے وہ پاکستان آئی تھی. ہمارے سیکیورٹی اداروں کو کوئی تھریٹ نہیں ملا، نیوزی لینڈ کی ٹیم نے آخری وقت پربتایا کہ نہیں کھیل سکتے کیونکہ سیکیورٹی خدشات ہیں، نیوزی لینڈ کی ٹیم کو ہر طرح کی سیکیورٹی کی یقین دہانی کراتے ہوئے ہیلی کاپٹر کے ذریعے ٹیم کو اسٹیڈیم پہنچانے کی بھی پیشکش کی گئی تھی، نیوزی لینڈ کا دورہ منسوخ کرنے کے پیچھے پڑوسی ملک ہوسکتا ہے۔

اسلام آباد (ویب ڈیسک) نیوزی لینڈ بورڈ نے پاکستان سیریز سیکیورٹی کا بہانہ بنا کر منسوخ کر دیا اور اب انگلینڈ کی ٹیم بھی پاکستان کا دورہ نہیں کر رہی .اس سلسلے میں مختلف بیانات سامنے آ رہے ہیں .علاوہ ازیں پی سی بی اور شائقین کی جانب سے مایوسی اورغصے کا اظہار کیا جارہاہے.اس حوالے سے وفاقی وزیر اطلاعات و نشریات فواد چودھری کا کہنا ہے کہ نیوزی لینڈ اور انگلینڈ کے دوروں کی منسوخی سے پی ٹی وی کو کروڑوں کا نقصان ہوا.ان کا مزید کہنا تھا کہ دونوں بورڈز کے خلاف قانونی کارروائی کیلئے وکلا سے مشورہ کریں گے۔ ان خیالات کا اظہار انہوں نے ایک ٹویٹ کی ذریعے کیا.انہوں نے ٹویٹ میں لکھا کہ پاکستان کیخلاف ایک مخصوص بین الاقوامی لابی مصروف عمل ہے ، ہمیں جھکانے کی خواہش کبھی کامیاب نہیں ہوگی، یہ غلط فہمی جلد دور کر لیں۔

لاہور(ویب ڈیسک)نیوزی لینڈ نے سیکیورٹی کا بہانہ بنا کر سیریز منسوخ کردی جس کے بعد پاکستان کرکٹ بورڈ سمیت شائقین مایوسی اور غصے کا اظہار کر رہے ہیں‌.
پاکستان کرکٹ بورڈ کے سربراہ رمیز راجہ کی جانب سے دوٹوک بیان جاری کرتے ہوئے کہا ہے کہ بھیک میں نہیں، خود داری اورعزت سے کھیلیں گے۔چئیرمیںن پی سی بی رمیز راجہ نے ورچوئل پریس کانفرنس کی جس میں انہوں نے کہا کہ وزیراعظم 22 ستمبر کو قومی ٹیم سے ملاقات کریں گے، پیٹرن انچیف کو ساری صورتحال سے آگاہ کردیا ہے.نیوزی لینڈ سیریز کی منسوخی کے حوالے سے بات کرتے ہوئے انہوں نے کہا کہ تھریٹ کی تفصیل نہ بتانے پرہم نے اپنا موقف پوری دنیا پر واضح کردیا ہے۔غصے کا ردعمل ظاہر کرتے ہوئے رمیزراجہ کا کہنا تھا کہ جب اپنا مقصد ہوتا ہے تو یہ کھیل لیتے ہیں نہیں تو سائیڈ پرکردیتے ہیں، یہ ہمیں کسی صورت قبول نہیں۔ انہوں نے مزید کہا کہ سخت حکمت عملی اپنائیں گے، میرے ہوتے ہوئے اپنی قسمت انکےہاتھوں میں نہیں دے سکتے۔ چئیرمین پی سی بی کا کہنا تھا معلوم ہو گیا کہ کون دوست ہے اورکون نہیں۔ آسٹریلیا سیریز کے حوالے سے ان کا کہنا تھا کہ اگرآسٹریلین ٹیم نہیں آتی تو پلان بی تیارکرنے کی ابھی سے ہدایت کردی ہے۔ رمیز راجہ نے دو ٹوک بیان دیتے ہوئے کہا وقت آنے پرخود داری کے ساتھ اپنی صورتحال کے حساب سے دوسرے ممالک جاکرکھیلنے کا فیصلہ کریں گے۔

سری لنکا(مانیٹرنگ ڈیسک)نیوزی لینڈ نے سیکیورٹی کا بہانہ بنا کر پاکستان میں ہونے والی سیریز منسوخ کرتے ہوئے اپنی ٹیم وطن واپس بلا لی.جس کے بعد ہر طرف سے انہیں تنقید کا نشانہ بنایا جا رہا ہے.اس موقع پرسری لنکا کے فاسٹ بائلر نے پاکستان کو ایک پیشکش کی ہے.تفصیلات کے مطابق سری لنکن فاسٹ باؤلر دھمیکا پرساد نے پاکستان کرکٹ بورڈ کو سری لنکا کے ریٹائرڈ کرکٹرز کے ساتھ نمائشی میچ کھیلنے کی پیشکش کی ہے۔فاسٹ باؤلر دھمیکا پرساد نے ایک ٹویٹ کرتے ہوئےکہا کہ مجھے ابھی تک یاد ہے کہ جب سری لنکن کرکٹ پر برا وقت تھا، کس طرح پاکستان اور بھارت نے ہمیں سپورٹ کیا،ہم سری لنکن ریٹائرڈ کرکٹرز پاکستان آکر نمائشی میچ کھیلنے کے لیے تیار ہیں۔علاوہ ازیں دھمیکا پرساد نے اپنی ٹویٹ میں پاکستان کرکٹ بورڈ، قومی کرکٹر محمد حفیظ، شعیب اختر، شاہد آفریدی اور چیئرمین پاکستان کرکٹ بورڈ رمیز راجہ کو ٹیگ بھی کیا ہے۔

لاہور(ویب ڈیسک)نیوزی لینڈ کرکٹ ٹیم کے بعد انگلینڈ کرکٹ ٹیم کا دورہ پاکستان بھی منسوخ ہوگیا۔نیوزی لینڈ کرکٹ ٹیم کی جانب سے سیکیورٹی وجوہات کو جواز بناکر اچانک دورہ منسوخ کرلیا گیا تھا اور اب آئندہ ماہ انگلینڈ کی میزبانی کی امیدوں پر بھی پانی پھر گیا، نیوزی لینڈ کی جانب سے اچانک دورہ منسوخ کئے جانے کے بعد انگلش کرکٹ بورڈ نے بھی اپنی ٹیم بھجوانے سے انکار کردیا۔

انگلش کرکٹ بورڈ کی جانب سے جاری کی جانے والی پریس ریلیز میں کہا گیا ہے کہ مینز اور ویمنز ٹیموں کو نہ بھیجنے کا فیصلہ کیا گیا ہے۔
ترجمان ای سی بی نے کہا کہ فیصلہ کھلاڑیوں کی ذہنی اور جسمانی صحت کے پیش نظر کیا جارہا ہے، خطے کی موجودہ صورتحال میں سفرکرواکر ان کو کسی دباﺅ کا شکار نہیں کرنا چاہتے، پی سی بی کے ساتھ ٹور ممکن بنانے کیلیے مثبت پیش رفت کی تھی، اندازہ ہے کہ فیصلہ مایوسی کا باعث بنے گا، اس کے بعد کرکٹ پر اثرات کے حوالے سے افسردہ ہیں۔

اسلام آباد (ویب ڈیسک) نیوزی لینڈ کرکٹ بورڈ کی جانب سے سیریز کی منسوخی کے بعد وفاقی وزیر داخلہ شیخ رشید احمد کا کہنا ہے کہ اتنی فوج نیوزی لینڈ میں نہیں ہوگی جتنی ہم نے ان کی سیکیورٹی پر لگائی تھی۔اسلام آباد میں شیخ رشید نےہفتہ وار پریس بریفنگ دی. بریفنگ کے دوران انہوں نے کہا کہ 19 اور 20 صفر کو شہدائے کربلا کے چہلم کے موقع پر پاک فوج اور رینجرز تعینات کی جائیں گی، اس کے علاوہ موبائل فون سروس بھی معطل کی جائے گی۔شیخ رشید نے مزید کہا کہ پاکستانی کرکٹ کے شوقین ہیں، وزیر اعظم نے جب پاکستان کو دیا، میں اس وقت وزیر کھیل تھا. اپوزیشن نیوزی لینڈ کی ٹیم واپسی کا الزام ہم پر لگا رہی ہے، شیشہ کے گھر میں بیٹھ کر ہم پر تنقید نہیں کرنی چاہیے. پہلی مرتبہ کابینہ نے کسی کرکٹ ٹیم کو فوج کی سکیورٹی فراہم کی تھی اس لیے ہمیں کسی سے کچھ جاننے کی ضرورت نہیں . ہماری ایجنسیاں دنیا کی بہترین ایجنسیوں میں شمار ہوتی ہیں‌. فائیو آئی اس وقت کہاں تھی جب نیوزی لینڈ کی ٹیم پاکستان میں پریکٹس کررہی تھی ؟جس ای میل کی بات ہورہی تھی وہ تو بعد میں آئی، ہم سے جو سلوک کیا جا رہا ہے اس کے مستحق نہیں۔
وزیر داخلہ نے بارڈر پر اپنے دورے کے حوالے سے بات کرتے ہوئے کہ کہا کہ سرحدوں کا دورہ جنگ کے لیے نہیں امن کے لیے تھا ، انڈیا کو میرے بارڈر پر جانے کی تکلیف ہے.

ویلنگٹن (ویب ڈیسک) نیوزی لینڈ کرکٹ بورڈ کی جانب سے اچانک سیکیورٹی کا بہانہ بناکرسیریز منسوخ کر دی.جس کےبعد پاکستان کرکٹ بورڈ سمیت شائقین نے مایوسی کا اظہار کیا ہے.تازہ ترین تفصیلات کے مطابق نیوزی لینڈ کرکٹ بورڈ کی جانب سے پاکستان کو ایک پیشکش کی گئی جس میں کہا گیا کہ جلد ازجلد میچز کھیلنے کو تیارہیں تاہم فی الحال پاکستان نہیں آسکتے.ان کا کہنا ہے کہ نیوٹرل وینیوپر میچز کھیل لیں۔ ذرائع کے مطابق نیوزی لینڈ کرکٹ بورڈ نے پاکستان کرکٹ بورڈ کو خط لکھا ہے ، جس میں پیشکش کی ہے کہ پاکستان سے جلدازجلد میچز کھیلنے کو تیار ہیں ،فی الحال پاکستان نہیں آسکتے۔پی سی بی چیئرمین رمیزراجہ نے بھی سخت ردعمل کے بعد نیوزی لینڈبورڈ کو خط کا جواب لکھ دیا ہے ۔