Tag indian

نئی دہلی(ایمرا نیوزآن لائن) بھارت میں عام انتخابات کے پانچویں مرحلے کی ووٹنگ 7ریاستوں کے 51 حلقوں میں آج ہوگی جبکہ مقبوضہ کشمیر میں انتخابی ڈرامے کے پانچویں مرحلے پر بھی ہڑتال اور انتخابات کا بائیکاٹ کا اعلان کیا گیا ہے۔کشمیری میڈیا کے مطابق کل جماعتی حریت کانفرنس کے چیئرمین سید علی گیلانی نے کشمیری عوام سے ہڑتال اور بائیکاٹ کی اپیل کی ہے۔واضح رہے کہ کشمیری عوام نے اس سے قبل بھی تمام انتخابی مراحل کا بائیکاٹ کیا تھا۔خبر ایجنسی کے مطابق بھارتی لوک سبھا کے ساتوں مرحلے مکمل ہونے کے بعد نتائج کا اعلان 23 مئی کو کیا جائے گا۔

نئی دہلی:(ایمرا نیوزآن لائن) ناموربالی ووڈ شاعر اور اسکرپٹ رائٹر جاوید اخترکو برقع پرپابندی کے مطالبے کے جواب میں گھونگھٹ پر پابندی کا مطالبہ کرنا مہنگا پڑگیا۔دوروزقبل جاوید اخترنے بھوپال میں ایک تقریب کے دوران ہندوانتہا پسند جماعت شیوسینا اورحکمران جماعت بی جے پی کی جانب سے بھارت میں مسلم خواتین کے برقع پہننے اورنقاب کرنے پر پابندی کے مطالبے پر کرارا جواب دیتے ہوئے کہا تھا کہ اگربرقع پر پابندی کا قانون پاس ہوا تو ریاست راجستھان کی ہندو خواتین کے گھونگھٹ کرنے پربھی پابندی عائد ہونی چاہیئے، قانون برقع اورگھونگھٹ دونوں کے لیے ایک ہونا چاہئے تاہم جاوید اختر کو برقع کے حق میں بیان دینا منگا پڑگیا۔جاوید اخترکے برقع کے حوالے سے دئیے گئے بیان کے بعد ہندو انتہا پسند جماعت کرنی سینا نے جاوید اختر کو دھمکی دی ہے کہ وہ اپنے بیان پر تین دن کے اندر معافی مانگیں ورنہ وہ انہیں ان کے گھر میں گھس کر ماردیں گے۔

میڈیا رپورٹس کے مطابق کرنی سینا نے ایک ویڈیو جاری کی ہے جس میں مہاراشٹرا ونگ کرنی سینا کے سربراہ جیون سنگھ سولنکی نے جاوید اختر کو دھمکی دیتے ہوئے کہا ہے کہ جاوید اختر اپنی حد میں رہو، ریاست راجستھان کی ثقافت پر انگلی نہیں اٹھاؤ، میں جاوید اخترکو کہنا چاہتا ہوں کہ 3 دن کے اندر اپنے بیان پر معافی مانگو ورنہ کرنی سینا کا غصہ جھیلنے کے لیےتیار رہو، کرنی سینا اس طرح کے لوگوں کو جواب دینا اچھی طرح جانتی ہے۔

جیون سنگھ نے سنجے لیلا بھنسالی کا حوالہ دیتے ہوئے کہا بھنسالی صاحب سے پوچھ لینا کرنی سینا کس طرح جواب د یتی ہے، اگرراجستھان کی ثقافت پر کسی نے انگلی اٹھائی تو کرنی سینا اس کی آنکھ باہرنکالنے کی ہمت رکھتی ہے، ہم 3 دن کا وقت دے رہے ہیں معافی مانگ لو ورنہ گھر میں گھس کر ماریں گے۔واضح رہے کہ چند روز قبل ہندو انتہا پسند جماعت شیو سینا نے برقع اور نقاب پر پابندی کا مطالبہ کرتے ہوئے کہا تھا کہ سری لنکا نے دہشت گردانہ حملوں کے بعد نقاب پر ملک گیر پابندی عائد کردی ہے لہٰذا ہمیں بھی سری لنکا کے نقش قدم پر چلتے ہوئے بھارت میں نقاب اوربرقع پر مکمل پابندی عائد کردینی چاہئے۔

سری نگر: (ایمرا نیوزآن لائن) مقبوضہ کشمیرمیں بھارتی فوج کے مظالم جاری ہیں، ضلع شوپیاں میں بھارتی فورسز نے 2 کشمیری نوجوانوں کو بے دردی سے شہید کر دیا۔نوجوانوں کو ضلع شوپیاں کے امام صاحب کے علاقے میں گولیاں مار کر شہید کیا گیا۔

ظالم فوجیوں نے اندھا دھند گولیاں برسا کر نہتے نوجوانوں کے سینے چھلنی کر دیئے۔ قابض فوج علاقے میں ابھی بھی گشت کر رہی ہے اور بھارتی انتظامیہ نے علاقے میں انٹرنیٹ اور موبائل سروس بند کر دی ہے۔بھارتی ریاستی دہشتگردی کے خلاف ہزاروں کشمیری شہری سڑکوں پر نکل آئے اور قابض بھارتی فوج کی بہیمانہ کارروائی کے خلاف زبردست احتجاج کیا۔

ناگپور:(ایمرا نیوزآن لائن) بھارت میں ماؤ نواز جنگجوؤں کے حملے میں 16 بھارتی پولیس اہلکار ہلاک ہوگئے۔بین الاقوامی خبر رساں ادارے کے مطابق بھارتی ریاستوں مہاراشٹرا اور چھتیس گڑھ کی سرحد پر اُس وقت بارودی سرنگ کا زوردار دھماکا ہوگیا جب وہاں سے کوئیک ریسپونس ٹیم کے کمانڈوز کی گاڑی گزر رہی تھی جس کے نتیجے میں 15 اہلکار اور ایک ڈرائیور ہلاک ہوگیا۔ماؤ نواز باغیوں نے مودی سرکار کی پالیسی کیخلاف احتجاج کرتے ہوئے 27 گاڑیوں کو بھی نذر آتش کردیا۔ مذکورہ کارروائیوں میں کالعدم ماؤ نواز تنظیم کے جنگجو ملوث ہیں جس میں دیگر 4 چھوٹی تنظیموں نے حال ہی میں شمولیت اختیار کی تھی۔

ماؤ نواز جنگجوؤں نے تازہ کارروائی ’ہفتہ شہدا‘ منانے کے بعد کی جس کے دوران ماؤ نواز باغیوں کے رہنماؤں نے مودی سرکار سے بدلہ لینے کی دھمکی بھی دی تھی۔ ماؤ نواز باغی یہ ہفتہ ریاستی آپریشن کے دوران اپنی تنظیم کے 40 ارکان کی ہلاکت کی یاد میں مناتے ہیں۔واضح رہے کہ گزشتہ ماہ بھی ماؤ نواز باغیوں کی ایک کارروائی میں حکمراں جماعت کے رکن اسمبلی سمیت 5 افراد ہلاک ہوگئے تھے جب کہ محض چند روز بعد ایک اور حملے میں 3 پولیس اہلکار ماؤ نواز جنگجوؤں کے ہاتھوں مارے گئے تھے۔

بھارتی کرکٹر محمد شامی اور ان کی اہلیہ حسین جہاں کے درمیان تنازع شدت اختیار کرگیا
نئی دہلی(ایمرا نیوز آن لائن) بھارتی فاسٹ بولر محمد شامی کی اہلیہ کو بدامنی پھیلانے کے الزام میں امروہا پولیس نے گرفتار کرلیا۔تفصیلات کے مطابق بھارتی کرکٹر محمد شامی اور ان کی اہلیہ حسین جہاں کے درمیان تنازع شدت اختیار کرگیا، امروہا پولیس نے شامی کی اہلیہ کو بدامنی پھیلانے کے الزام میں گرفتار کرکے مقدمہ درج کرلیا۔محمد شامی کی اہلیہ کا کہنا ہے کہ امروہا پولیس مجھے بلا وجہ تنگ کررہی ہے اور بیٹی کو بھی بھوکا رکھا گیا مودی سرکار کو میرے ساتھ ہونے والا ظلم نظر نہیں آرہا ہے۔

حسین جہاں نے کہا کہ مودی سرکار نعرہ لگاتی ہے بیٹی بچاو¿، بیٹی پڑھاو¿، میں بھی ایک بیٹی ہوں، کیا بھارتی حکومت کو یہ نظر نہیں ا?رہا، پولیس میرے گھر میں زبردستی داخل ہوئی اور گرفتار کرکے لے گئی۔بھارتی پولیس کا کہنا ہے کہ شامی کی اہلیہ ملزمہ حسین جہاں کو سیکشن 151 کے تحت بغیر وارنٹ کے گرفتار کیا گیا ہے، پولیس کے مطابق شامی کی اہلیہ اپنی ساس کے ساتھ جھگڑنے میں مصروف تھیں۔واضح رہے کہ فاسٹ بولر محمد شامی ان دنوں ا?ئی پی ایل کے 12ویں سیزن میں بالی ووڈ اداکارہ پریتی زنٹا کی ٹیم کنگز الیون پنجاب کی نمائندگی کررہے ہیں، شامی نے 11 میچز میں 14 وکٹیں حاصل کی ہیں۔

فٹ بال کپ میں ہندوستانی باشندوں کو کھیل کے میدانوں میں تماشائیوں کے طورپر داخل ہونے کی سہولت فراہم کی جائے گی، فٹبال ورلڈ کپ 2022 کے ایگزیکٹو ڈائریکٹر ناصر الخاطر
دوحا(ایمرا نیوز آن لائن) قطر کی حکومت نے سنہ 2022 کے فٹ بال ورلڈ کپ کوبچانے اور اس میں زیادہ سے زیادہ غیرملکی شائقین کو شامل کرنے کے لیے بھارتی شہریوں کو آسان شرائط پر ویزہ فراہم کرنے کا فیصلہ کیا ہے۔ دوحہ میں 2022 کو ہونے والے فٹ بال ورلڈ کپ کے موقع پر کئی عرب ممالک قطر کا بائیکاٹ کریں گے۔ ایسے میں دوحہ کو شایقین کی تعداد بڑھانے کےلیے متبادل راستے اختیار کرنا پڑے ہیں۔

ان اقدامات میں بھارتی شہریوں کی فٹ بال میچوں کے دوران کھیل کے میدانوں میں رسائی کی سہولیات فراہم کرنا شامل ہے۔ قطر کی عرب ممالک کے حوالے سے پالیسی دوحہ کواس عالمی ایونٹ پرعرب شایقین سے محروم کردےگی۔ اگر دوسرے عرب ممالک کےساتھ قطر کے تعلقات درست نہیں ہوتے تو دوحہ کو شایقین کمی پوری کرنے کے لیے دوسرے ممالک کے شہریوں کا سہارا لینا پڑےگا۔خیال رہے کہ ایک تہائی عرب آبادی ایسے علاقوں میں رہتی ہے جن کے پاس دوحہ کے لیے براہ راست سفر کا کوئی ذریعہ نہیں ہے۔فٹ بال ورلڈ کپ 2022 کے ایگزیکٹو ڈائریکٹر ناصر الخاطر نے کہاکہ تین سال بعد ہونےوالے فٹ بال کپ میں ہندوستانی باشندوں کو کھیل کےمیدانوں میں تماشائیوں کے طورپر داخل ہونے کی سہولت فراہم کی جائے گی۔

ان کا کہنا تھا کہ کوئی بھی بھارتی شہری ہوائی اڈے سے حاصل کردہ ویزے سےفٹ بال گراﺅنڈ میں داخل ہوسکے گا۔خیال رہے کہ سال 2018 کے فٹ بال ورلڈ میں ٹکٹ خریدنے والے شائقین میں تیسرا بڑا طبقہ ہندوستانی باشندوں پر مشتمل تھا اور قطر بھی بھارتی شہریوں ہی کو اپنے ہاں ہونے والے فٹ بال ورلڈ کپ میں شریک کرنے کی کوشش کررہا ہے۔

نئی دہلی(ایمرا نیوزآن لائن) بھارتی سیاستدان ووٹ کیلئے رقص کرنے پر مجبور کردیا ہے۔بھارت میں الیکشن کا دنگل سجنے کو ہے اور اس موقع پر امیدوار ووٹر کو اپنے حق میں ووٹ دینے کیلئے ہر ممکن کوشش کر رہے ہیں اور ووٹوں کی اسی جنگ نے بھارتی سیاستدانوں کو رقص کرنے پر مجبور کردیا ہے۔کرناتکا ہاؤسنگ منسٹراور گانریس کے وزیر ایم ٹی بی ناگراج کو ہی دیکھ لیں جو اپنے ووٹرز کو خوش کرنے اور انہیں اپنے حق میں ووٹ دینے پر اُکسانے کیلئے ناگن ڈانس کر رہے ہیں۔بھارتی وزیر کی یہ ویڈیو سوشل میڈیا پر وائرل ہوچکی ہے۔واضح رہے بھارت میں آج سے الیکشن کا آغاز ہو رہا ہے ۔

مقبوضہ کشمیر(ایمرا نیوزآن لائن) بھارت میں انتخابات کے پہلے مرحلے میں پولنگ جاری ہے تاہم مقبوضہ کشمیر میں بھارتی انتخابات مسترد کرتے ہوئے آج مکمل ہڑتال کی جا رہی ہے۔مشترکہ حریت قیادت کی اپیل پر مقبوضہ وادی میں بھارتی انتخابات کے خلاف مکمل ہڑتال کی گئی ہے جس کے دوران تمام کاروباری مراکز بند ہیں۔بھارت میں انتخابات کے پہلے مرحلے کے لیے 20 ریاستوں میں ووٹ ڈالے جا رہے ہیں، پولنگ 7 مراحل میں مکمل ہو گی۔بھارت کی 29 ریاستیں اور 7 یونین علاقے ہیں، ملک بھر میں ووٹروں کی کل تعداد 90 کروڑ ہے جن کے لیے 10 لاکھ پولنگ اسٹیشن قائم کیے گئے ہیں۔بھارتی پارلیمان کے ایوان زیریں یعنی لوک سبھا کی 543 نشستیں ہیں اور کسی بھی جماعت کو حکومت بنانے کے لیے کم از کم 272 نشستیں درکار ہوں گی۔پولنگ کے تمام مراحل مکمل ہونے کے بعد ووٹوں کی گنتی 23 مئی کو شروع ہو گی۔پولنگ کے پہلے مرحلے میں 20 ریاستوں میں 91 نشستوں کے لیے ووٹنگ ہوگی، کئی ریاستوں میں پولنگ کا عمل ایک سے زیادہ مراحل میں مکمل ہو گا۔8 ریاستیں ایسی ہیں جہاں آج ایک ہی مرحلے میں پولنگ مکمل کی جائے گی، جن میں اُتر آکھنڈ، سکّم، ارونا چل پردیش، ناگا لینڈ، میزو رام، میگھالیا، تلنگانا اور آندھرا پرادیش شامل ہیں۔بھارتی پارلیمان کے ایوانِ زیریں یعنی لوک سبھا کی 543 نشستیں ہیں اور کسی بھی جماعت کو حکومت بنانے کے لیے کم از کم 272 نشستیں درکار ہوں گی، پولنگ کے تمام مراحل مکمل ہونے کے بعد ووٹوں کی گنتی 23 مئی کو شروع ہو گی۔

ممبئی (ایمرا نیوز آن لائن) بالی ووڈ کی اداکارہ ہیمامالنی کو اپنی انتخابی مہم کے دوران گاڑی پسندنہ آئی جس پر انہوں نے گاڑی میں بیٹھنے سے انکار کردیا۔ہیما مالنی بی جے پی کے ٹکٹ پر لوک سبھا انتخابات میں حصہ لے رہی ہیں اور اپنی انتخابی مہم انہوں نے متھرا سے شروع کردی ہے۔متھر امیں انتخابی مہم کے دوران اداکارہ کو لینے آنے والی گاڑی چھوٹی ہونے کی وجہ سے انہیں پسند نہیں آئی اور انہوں نے دوسری گاڑی لانے کا مطالبہ کردیا۔ہیما مالنی کے مطالبے پر پارٹی ذمہ داران کی طرف سے دوسری گاڑی منگوائی گئی جس کی سیٹ بھی انہیں پسند نہیں آئی اور وہ گاڑی سے اتر گئیں۔

نئی دہلی ،واشنگٹن کا کا اہم دفاعی شراکت دار ہے،امریکی محکمہ خارجہ
واشنگٹن (ایمرا نیوز آن لائن)بھارت اپنے جنگی جنون میں اضافے کے لئے امریکہ سے 24 آبدوز شکن ہیلی کاپٹروں کی منظوری حاصل کرنے میں کامیاب ہو گیا ہے ۔خبر رساں ادارے کے مطابق بدھ کو امریکی محکمہ خارجہ کی جانب سے جاری کردہ بیان میں کہا گیا ہے کہ بھارت امریکا کا اہم دفاعی شراکت دار ہے،مجوزرہ فروخت امریکی قومی سلامتی اور خارجہ پالیسی میں مدد دے گی۔بھارت نے گزشتہ سال امریکہ سے ان ہیلی کاپٹروں کو خریدنے کی درخواست کی تھی ۔