Category بزنس

لاہور( نیٹ نیوز ) آل پاکستان انجمن تاجران کے صدر اشرف بھٹی نے ایف بی آر کے چھاپوں اور لاہور چیمبر کے عہدیداروں سمیت دیگر تاجروں کے خلاف مقدمہ درج کرنے کی شدید مذمت کرتے ہوئے کہا ہے کہ اس طرح کے ہتھکنڈے معیشت کیلئے زہر قاتل ہیں،وزیر اعظم اور وزیر خزانہ اس کا فوری نوٹس لے کر ذمہ داران کے خلاف کارروائی کا حکم دیں ۔ان خیالات کا اظہار انہوں نے عہدیداران کے اجلاس میں کیا جس میں جنرل سیکرٹری محبوب سرکی ،لاہور کے صدر میاں طارق فیروز ، نعیم بادشاہ سمیت دیگر نے شرکت کی ۔ اشرف بھٹی نے کہا کہ اس طرح کے اقدامات معیشت کیلئے اچھی علامات نہیںبلکہ اس سے مشکلات سے دوچار معیشت مزید مسائل سے دوچار ہو گی جس کی تمام تر ذمہ داری ایف بی آر پر عائد ہو گی ۔ لاہور چیمبر کے سابق نائب صدر اور کٹاربندروڈ انڈسٹریل ایسوسی ایشن کے صدر سید محمود غزنوی نے ایف بی آر کے چھاپوں اور تاجروں کی تذلیل کے عمل پر گہری تشویش کا اظہار کرتے ہوئے وزیراعظم عمران خان اور وزیر خزانہ اسد عمر سے صورتحال کی فوری درستگی کا مطالبہ کیا ہے ۔ ان خیالات کا اظہارا انہوں نے کٹاربند روڈ انڈسٹریل ایسوسی ایشن کے ایک ہنگامی اجلاس کی صدارت کرتے ہوئے کیا ۔اس موقع پر سینئر نائب صدر میاں محمد نواز اور سیکرٹری چودھری محمد یوسف سمیت دیگر بھی موجود تھے ۔ سید محمود غزنوی نے کہا کہ حکومت کا ریونیو بڑھانے اور لوگوں کو ٹیکس نیٹ میں آنے کی ترغیب دینے کیلئے ٹیکس سسٹم میں آسانیاں پیدا کرنے کی ضرورت ہے لیکن اس کے برعکس اقدامات اٹھاکر موجودہ ٹیکس گزاروں کو بھی پریشان کیا جارہا ہے ۔ سید محمود غزنوی نے کہا کہ حکومت فوری طور پر ٹیکس کے سسٹم اور فیڈرل بورڈ آف ریونیومیں ریفارمز کرے ورنہ حالات مزید خراب ہونے کا خدشہ موجود ہے ۔ انہوں نے مطالبہ کیا کہ فیڈرل بورڈ آف ریونیو تاجروں سے مجرموں جیسا سلوک فورا بند کرے اور چھاپے مارنے کے بجائے متعلقہ ایسوسی ایشنوں سے رابطہ کرے ۔

لاہور(ایمرا نیوزآن لائن)
محمد طاہر خان صدر صادق پلازہ ٹریڈرز ایسوسی ایشن اور نائب صدر مال روڈ ٹریڈرز ایسوسی ایشن نے خصوصی انٹرویو میں بتایا کہ صادق پلازہ یقینا اہم جگہ پر ہے اور اس نے بے انتہا ترقی کرنی تھی مگر کوآپرٹیویز نے بیسمنٹ ، گراﺅنڈ فلور وغیرہ پر انوسٹمنٹ کی جس کے باعث اس کی ترقی کی رفتار رک گئی اور اب معاملات کو طے کیا گیا ہے اور اب توقع ہے کہ اب صادق پلازہ ایک نئے طریقے سے عام کی توجہ کا مرکز بن جائے گا۔مال روڈ کے حوالے سے انہوں نے کہا کہ مال روڈ پر ٹریفک کا دباﺅ بہت بڑھ گیا ہے

پارکنگ پلازوں کی اشد ضرورت ہے اس کے علاوہ دیگر کئی مسائل ہیں جن کی طرف انتظامیہ کو توجہ دینی چاہئے انہوں نے انٹرویو میں یہ بھی کہا کہ نشئی اور کار میں سے اشیاءچرانے بھی ایک مسئلہ ہیں جس کی طرف مقامی پولیس کی توجہ دلائی گئی ہے ۔23مارچ کے بارے میں انہوں نے کہا کہ حسب سابق صادق پلازہ اور مال روڈ کی مکمل آرائش و تزئین کی جائے گی ۔

آئی ایم ایف کےساتھ آئندہ ماہ کے پہلے عشرے پروگرام فائنل ہونے کی توقع ہے
اسلام آباد(ایمرا نیوز آن لائن)پاکستان اور عالمی مالیاتی فنڈ(آئی ایم ایف )کے درمیان 12 ارب ڈالر کے قرض کے لیے حتمی مذاکرات رواں ماہ کے آخری ہفتے شروع ہوں گے۔ذرائع کے مطابق آئی ایم ایف سے 12 ارب ڈالر کے قرض کے لیے معاملات حتمی مرحلے میں داخل ہوگئے ہیں، آئی ایم ایف کے نئے چیف مشن کےساتھ حالیہ مذاکرات میں اہم پیشرفت ہوئی ہے، حکومت کی جانب سے آئی ایم ایف کی شرائط پر عمل درآمد بھی جاری ہے جبکہ آئی ایم ایف نے بھی پاکستان کو نیا پروگرام دینے کےلئے لچک دکھائی ہے اور اس کے تحفظات بھی کم ہوئے ہیں۔12 ارب ڈالر کے پروگرام کے لیے پاکستان اور آئی ایم ایف کے درمیان حتمی مذاکرات رواں ماہ کے آخری ہفتے شروع ہوں گے، اس عالمی مالیاتی فنڈ کے جائزہ مشن برائے پاکستان کے نئے سربراہ ارنیسٹو رامریز ریگو کی سربراہی میں وفد 26 مارچ کو پاکستان آئے گا۔ موجودہ سیکریٹری خزانہ عارف احمد اگلے ہفتے ریٹائر ہورہے ہیں ، اس لئے آئی ایم ایف جائزہ مشن سے تکنیکی سطع کے مذاکرات نئے تعینات ہونے والے سیکریٹری خزانہ کی سربراہی میں ہوں گے۔ آئی ایم ایف کےساتھ آئندہ ماہ کے پہلے عشرے پروگرام فائنل ہونے کی توقع ہے۔

ذخائر 14 ارب 96 کروڑ 59 لاکھ ڈالرز کی سطح پر ریکارڈ کیے گئے
کراچی(ایمرا نیوز آن لائن)گذشتہ ہفتے کے دوران ملکی زرمبادلہ کے ذخائر میں 97 لاکھ ڈالرز کا اضافہ دیکھا گیا۔اسٹیٹ بینک کے مطابق 8 مارچ کو ختم ہونےوالے ہفتے پر زرمبادلہ کے ذخائر 14 ارب 96 کروڑ 59 لاکھ ڈالرز کی سطح پر ریکارڈ کیے گئے۔ اس دوران مرکزی بینک کے ذخائر 64 لاکھ ڈالرز اضافے سے 8 ارب 12 کروڑ 29 لاکھ ڈالرز جبکہ کمرشل بینکوں کے ذخائر33لاکھ ڈالرز اضافے سے 6 ارب 84 کروڑ 30 لاکھ ڈالرز کی سطح پر رہے۔واضح رہے کہ عرب امارات سے موصول ہونیوالے ایک ارب ڈالرز زرمبادلہ کے ذخائر کے پول میں آئندہ ہفتے شمار کیے جائیں گے۔

اسلام آباد (ایمرا نیوزآن لائن) وفاقی حکومت نے سرمایہ کاری کے فروغ کیلئے اہم قدم اٹھالیا۔بزنس ویزاممالک کی تعداد48سے بڑھا کر 96کردی گئی۔ذرائع وزارت داخلہ کے مطابق 175 ممالک کو آن لائن ویزا کی سہولت دی جائے گی۔ناپسندیدہ ممالک کی فہرست میں بھی کمی کردی گئی،صرف بھارت اورصومالیہ رہ گئے ۔وزیر اعظم آفس کے مطابق نادرا کی جانب سے ایک آن لائن پورٹل http//visa۔nadra۔gov۔pkبھی تیار کیا گیا ہے جس کے تحت پاکستان میں کاروبار، سیروسیاحت، تعلیم یا کام کی غرض سے آنے والے حضرات کو پراسیس کے بعد ویزا جاری کیا جائے گا۔ اس سلسلے میں درخواست گزاروں کو ویب سائٹ پر جاکر آن لائن درخواست دینا ہوگی جس کیساتھ متعلقہ دستاویزات یعنی پاسپورٹ اور تصاویر وغیرہ اپ لوڈ کرنے کے علاوہ ویزا فیس کی ادائیگی بھی کرنا ہوگی ۔اس مرحلے کے بعد کامیاب درخواست گزاروں کو بذریعہ ای میل،ایس ایم ایس ویزا گرانٹ نوٹس ارسال کیا جائے گا جس کی داخلے کے وقت دوبارہ تصدیق کی جائے گی۔سکیورٹی پروٹوکول کو برقرار رکھنے کیلئے آن لائن ویزا سسٹم کو موجودہ بارڈر مینجمنٹ سسٹم کیساتھ منسلک کیاگیا ہے تاکہ متعلقہ شخص کی پاکستان سے یا پھر پاکستان میں داخلے ،اخراج کو مانیٹر کیا جاسکے ۔ آن لائن ویزا سسٹم کے تحت ویزا کی مختلف کیٹیگریز میں (a) سیاحت، (b) بزنس، (c) کام، (d) صحافی، (e) سرکاری/سفارتی، (f) فیملی وزٹ (g) دیگر (سماجی ثقافتی، کانفرنسز، سیمینارز وغیرہ) کی اقسام شامل ہیں۔ اس کے علاوہ دیگر کیٹگریز جیسا کہ ’’تبلیغ‘‘ جماعت، INGO، طلبا اور ڈومیسٹک ایڈویزا پر بھی آن لائن ویزا سسٹم کا اطلاق ہو گا تاہم اس نوعیت کے ویزا کیلئے درخواستوں کی منظوری کا دارومدار وزارت داخلہ کی ایما پر ہو گا۔ سردست 96ممالک کیلئے ورک ویزا پالیسی کے مرحلے کو آسان بنایاگیاہے ۔ درخواست گزار بورڈ آف انویسٹمنٹ کی جانب سے لیٹر جاری ہونے کے 7سے 10دنوں کے اندر ویزا حاصل کرسکیں گے ۔ڈپلومیٹک اور سٹوڈنٹ ویزا کی مدت میں بھی توسیع کردی گئی ہے جبکہ مذہبی مقاصد کیلئے ویزا 45دنوں کیلئے کارآمد رہے گا۔جرنلسٹ ویزا کے پراسیس میں بھی تبدیلی کی گئی ہے اور صحافیوں کیلئے تین شہروں تک آمدورفت محدود رکھنے کی پابندی بھی اٹھالی گئی ہے ۔ غیرملکی سیاحوں کو اوپن کنٹونمنٹس ایریا، آزاد کشمیر اور گلگت بلتستان میں جانے کیلئے این او سی کی ضرورت نہیں ہوگی۔

لاہور(ایمرا نیوزآن لائن)
لاہور میں عوام کی بڑی تعداد بابا قلفی کی دلدادہ نکلی . قلفیاں تو لوگوں نے بہت کھائی ہیں لیکن بابا قلفی والے کا ایک الگ معیار اور ایک الگ ہی ذائقہ ہے . زندہ دلانے لاہو رمیں ان کی کئی برانچیں ہیں‌جہاں پر بڑے، بوڑھے، بچے اور خواتین و مرد قلفی کھانے آتے ہیں اور اس کے ذائقے سے لطف اندوز ہوتے ہیں. بابا قلفی والے کے پاس لوگوں کا ہجوم لگا رہتا ہے بابا قلفی پاکستان کی بہترین سوغات میں شامل ہے. عوام کا کہنا تھا کہ ان کا ذائقہ بہت اچھا ہے اور دوسروں سے مختلف ہے اور ہم اپنی فیملی اور دوستوں کے ساتھ یہاں آتے ہیں اور اس کے ذائقے سے لطف اندوز ہوتے ہیں
دیکھئے مکمل رپورٹ صرف اس ویڈیو میں

وقت سے بات کرتے ہوئے بابا قلفی والے کے منیجر عامر حسین نے کہا کہ سب کو معلوم ہے کہ ہمارا اسٹیٹ اور معیار بہت اچھا ہے کوئی ایسی چیز نہیں ہے جس میں‌ملاوٹ ہو ہر چیز خالص ہے اور 1960 ہمارا معیار قائم ہے. قلفی کے علاوہ ہمارے پاس کھیر، دودھ اور رس ملائی بھی موجود ہیں‌اور ان سب چیزوں کو بھی لوگ اتنا ہی پسند کرتے ہیں.

کراچی(ایمرا نیوز آن لائن) انٹر بینک مارکیٹ میں ڈالر 16 پیسے مہنگا ہو گیا ،جس کے بعد ڈالر کا 139 روپے پر لین دین ہوتا رہا۔تفصیلات کے مطابق جمعرات کو مارکیٹ میں کاروبار کے آغاز پر ڈالر کے ریٹ میں مزید اضافہ ہو گیا ،16 پیسے اضافے کےساتھ ڈالر انٹر بینک مارکیٹ میں 139 روپے پر ٹریڈ ہوتا رہا۔تجزیہ کاروں کا کہنا تھا کہ ڈالر کے ریٹ میں اضافہ عالمی مالیاتی فنڈ(آئی ایم ایف )کےساتھ متوقع ڈیل کا نتیجہ ہو سکتا ہے حالانکہ ایک روز قبل پاکستان کو ایک دوست ملک کی جانب سے 1 ارب ڈالر کی قسط موصول ہوئی ہے ،جو ملکی زرمبادلہ مبادلہ ذخائر میں قابل ذکر اضافہ ہے۔

گلبرگ کے 300 کاروباری افراد کی ٹیکس سکروٹنی شروع
لاہور(ایمرا نیوز) گلبرگ کے تاجروں کیلئے ایف بی آر کا شکنجہ تیار، ایف بی آر نے گلبرگ کے اہم کاروباری مراکز میں کاروبار کرنے والے 300 کاروباری افراد کے کوائف اکھٹے کرکے ٹیکس سکروٹنی شروع کردی۔ ذرائع کے مطابق ایف بی آر نے ایم ایم عالم روڈپر پلازوں میں کاروبار کرنے والوں کے کوائف اکھٹے کرکے کاروائی کا آغاز کیا۔ ریجنل ٹیکس آفس ٹو کی ٹیم نے ایم ایم عالم روڈ پر احد ہائٹس ، سورنٹو ٹاور، علی پلازہ، الحفیظ ٹاور، احد سنٹر، بلیومال، لائم لائٹ، ایمپائر سنٹر سمیت دیگر پلازوں میں کاروباری افراد کی تفصیلات اکھٹی کی تھیں۔ ذرائع کے مطابق مختلف پلازوں کی ملکیتی دستاویزات کے ساتھ مالکان اور کرایہ داروں کے معاہدوں کی تفصیلات بھی اکھٹی کی گئی تھیں ۔ سکرونٹی کے بعد ٹیکس قوانین کے مطابق کاروائی کی جائے گی۔

احمدیار(ایمرا نیوزآن لائن) پاکستانی کرنسی نوٹوں پر خطاطی کرنے والے نامور خطاط محمد یوسف دہلوی کی 42ویں برسی آج 11 مارچ پیر کو منائی جائے گی. یوسف دہلوی 4 ستمبر 1894 کو دہلی میں پیدا ہوئے تھے. ان کے والد منشی محمد الدین جنڈیالوی کو 1932 میں غلاف کعبہ پر خطاطی کا شرف حاصل ہوا. قیام پاکستان کے بعد پاکستان کے کرنسی نوٹوں، سکوں پر تحقیق اور خطاطی کا کام سرانجام دیا، 11 مارچ 1977 کو ٹریفک حادثہ میں جہان فانی سے رخصت لے گئے تھے.

لاہور(نیٹ نیوز) ماڈل بازاروں کے ماڈل اتوار بازار بھی ہو گئےناکام۔ عوامی ریلیف کے لیے قائم اتوار بازار عوام کو ہی لوٹنے لگے، لال ٹماٹر نایاب، وحدت روڈ کے ذخیرہ اندوزوں کی چالاکی خریداروں کو ایک کلو سے زائد ٹماٹر کی فروخت بند کر دی، جہاں ملے جس کو ملا 115 روپے میں گلا سڑا ہی ملا، علاوہ ازیں دیگر سبزیوں کے ریٹ بھی آسمان سے بات کرنے لگے۔ ٹماٹر کی درجہ دوئم کولٹی فراوخت کی جا رہی ہے۔