Category کھیل

لاہور(میڈیا پاکستان) قومی ٹیم سری لنکا کے خلاف سیریز کے لئے دبئی روانہ ہو گئی ہے۔قومی ٹیم سری لنکا کے خلاف ٹیسٹ، ون ڈے اور ٹی ٹوئنٹی سیریز کے لئے لاہور کے علامہ اقبال انٹرنیشنل ایئرپورٹ سے دبئی کے لئے روانہ ہوئی۔ 16 رکنی قومی ٹیم اور 9 ٹیم آفیشل متحدہ عرب امارات کے لئے روانہ ہوئے ہیں۔واضح رہے کہ قومی ٹیم سری لنکا کے خلاف 2 ٹیسٹ، 5 ون ڈے اور 3 ٹی ٹوئنٹی میچز کھیلے گی۔ دونوں ٹیموں کے درمیان پہلا ٹیسٹ 28 ستمبر اور دوسرا ٹیسٹ 6 اکتوبر سے کھیلا جائے گا۔پاکستان اور سری لنکا کے درمیان ون ڈے میچز 13، 16، 18۔ 20 اور 23 ستمبر کو کھیلے جائیں گے جب کہ پہلا ٹی ٹوئنٹی میچ 26، دوسرا 27 اور تیسرا 29 اکتوبر کو کھیلا جائے گا۔ تیسرا ٹی ٹوئنٹی میچ لاہور میں کھیلا جائے گا تاہم اس کا دارومدار سیکیورٹی صورت حال سے مشروط ہو گا۔

نیو یارک سٹی(میڈیا پاکستان) پاکستانی نژاز برطانوی باکسر عامر خان کی اہلیہ فریال مخدوم نے سوشل میڈیا پر عامر خان اور ان کے گھر والوں سے معافی مانگ کر اپنی شادی بچانے کی آخری کوشش کی ہے۔باکسرعامر خان اور ان کی اہلیہ کے درمیان اختلافات، رنجشیں اور علیحدگی کی خبریں آئے روز مقامی اور بین الاقوامی میڈیا کی زینت بنتی رہتی ہیں، کبھی دونوں سوشل میڈیا پر ایک دوسرے کی خامیاں اور برائیاں بیان کرتے ہیں، کبھی عامر فریال اور غیر ملکی باکسر جوشوا کے درمیان تعلقات کے بارے میں سنسنی خیز انکشافات کرتے نظر آتے ہیں اور کبھی فریال طلاق دینے پر عامر کو برباد کرنے کی دھمکی دیتی ہیں، دلچسپ بات یہ ہے کہ اپنے نجی اور گھریلو معاملات دونوں سوشل میڈیا کے ذریعے دنیا کے سامنے لے کرآئے جنہیں میڈیا نے خوب مرچ مصالحہ لگاکر شائع کیا اور لوگوں نے چٹخارے لے کرپڑھا۔لیکن اب عامر خان کو کیر ئیر برباد کرنے کی دھمکی سوشل میڈیا پر دینے والی ان کی اہلیہ فریال مخدوم نے اپنے شوہر اور ان کے گھر والوں سے معافی بھی سوشل میڈیا پر ہی مانگی ہے، تفصیلات کے مطابق فریال مخدوم نے ٹوئٹر پرایک پیغام جاری کیا ہے جس میں انہوں نےان تمام لوگوں کا شکریہ ادا کیا ہے جنہوں نے مشکل وقت میں ان کا ساتھ نہیں چھوڑا، انہوں نے اپنی غلطی کا اعتراف کرتے ہوئے کہا کہ میرے اور میرے سسرالیوں کے درمیان ہونے والی لڑائی کا اثر عامر خان پر پڑا لہٰذا میں اپنی ساس، سسر اور ان تمام لوگوں سے جن کا میں نے دل دکھایا ہے معافی مانگنا چاہتی ہوں، میرے ساس سسر پیار، محبت اور عزت کے حقدار ہیں جیسے میرے والدین، میں اس وقت غصے میں تھی لیکن اب مجھے اپنی غلطی کا احساس ہوچکا ہے۔
انہوں نے مزید کہا کہ وہ نہیں چاہتیں کہ ان کی بیٹی اور آنے والا بچہ کسی ٹوٹے ہوئے گھر میں پرورش پائیں لہٰذا میں نے فیصلہ کیا ہے کہ اب ہمیں اپنے درمیان موجود اختلافات کو بھلاکر ایک نئی شروعات کا آغاز کرنا چاہیئے۔
واضح رہے کہ عامر خان اور فریال مخدوم کا رشتہ گزشتہ کئی عرصے سے تنازعات کا شکار تھا ، رواں سال کی ابتدا میں فریال نے عامر کے گھر والوں پرتشدد کرنے کا الزام لگایاتھا۔

لاہور(میڈیا پاکستان) پاکستان آئی سی سی کے سامنے اٹھ کھڑا ہوا، مخالفت کے سبب آئی سی سی ٹیسٹ اور ون ڈے لیگ کھٹائی میں پڑنے کا خدشہ پیدا ہو گیا، پی سی بی نے نئے کیلنڈر میں اس نوعیت کے مقابلوں کا انعقاد پاک بھارت سیریز سے مشروط کر دیا۔تفصیلات کے مطابق آئی سی سی انٹرنیشنل کرکٹ کوزیادہ دلچسپ اورسنسنی خیز بنانے کیلیے ٹیسٹ لیگ متعارف کرانے کا سوچ رہی ہے، اس میں 9 ٹیمیں 2 سال کے دوران آپس میں میچز کھیلیں گی، آخر میں ٹاپ ٹیم کا فیصلہ کرنے کیلیے پلے آف بھی ہوں گے، ون ڈے لیگ میں 13 ٹیمیں ایک دوسرے کے ساتھ میچز کھیلیں گی، ان مقابلوں کو ورلڈ کپ کوالیفائر کا درجہ بھی حاصل ہو گا، اس حوالے سے حتمی فیصلہ اکتوبرمیں آکلینڈ میں ہونے والی آئی سی سی بورڈ میٹنگ میں کیا جائے گا، اس کے علاوہ فارغ وقت میں ٹیمیں باہمی سیریز شیڈول کر سکیں گی۔ ویب سائٹ ’’کرک انفو‘‘کے مطابق پی سی بی نے نئے اسٹرکچر سے اتفاق کیا تاہم حتمی فیصلے کو پاک بھارت سیریز سے مشروط کردیا ہے۔
ایک آفیشل نے کہاکہ ہم نے اس بات پر اتفاق کیاکہ ٹیسٹ یا ون ڈے لیگز کے دوران انفرادی طور پر کوئی سیریز شیڈول نہیں کریں گے، مگر اس کے ساتھ بھارت کو یہ یقین دہانی بھی کرانا ہو گی کہ وہ باہمی سیریز کے معاملے میں پیچھے نہیں ہٹے گا، انھوں نے کہا کہ ہم نے دیگر بورڈز سے سوال کیا کہ کیا آسٹریلیا یا انگلینڈ بھارت کے ساتھ مقابلے شیڈول کیے بغیر کسی کیلنڈر پر اتفاق کریں گے، اگر وہ ایسا نہیں کرتے تو ہم کیوں کریں۔ نیا مجوزہ اسٹرکچر صرف اسی صورت قابل عمل ہو سکتا ہے جب پاکستان کے بھارت سے مقابلے بھی شیڈول کیے جائیں، اگر ایسا نہیں ہوتا تو ہماری طرف سے نئے اسٹرکچر کے فیصلے پر دستخط کیے جانے کی توقع نہ کی جائے۔انھوں نے کہا کہ بھارت کے ساتھ سیریز نہ ہونے پر ہمیں نشریاتی حقوق سمیت 130 ملین امریکی ڈالرز کا نقصان اٹھانا پڑے گا۔

لاہور(میڈیا پاکستان) تن ساز اور پہلوان آمنے سامنے۔ تحصیل سٹی کے محکمہ ریونیو کے دو پٹواریوں کے دنگل کے اعلان نے شہریوں کی کثیر تعداد کو گھروں سے نکلنے پرمجبور کردیا۔ محکمہ ریونیو کی تاریخ میں اپنی نوعیت کے پہلے سپورٹس مقابلے کیلئے سبزہ زار لیاقت کے کھاڑے میں میدان سج گیا۔30تاریخ کو تن ساز پٹواری بامقابلہ پہلوان پٹواری کے دنگل کے چرچے دور دور تک پھیل گئے ۔خواتین، مرد، بچوں اور سپورٹس سے وابستہ سینکڑوں افراد دنگل کیلئے سجنے والے میدان کو دیکھنے کیلئے اکٹھے ہونا شروع ہوگئے۔ مزید معلوم ہوا ہے کہ محکمہ ریونیو کی تحصیل سٹی کے تن ساز پٹواری عمران مظہر جوکہ حال تعینات پٹواری سرکل کوٹ کمبوہ ہیں نے گزشتہ دنوں عباد اللہ پٹواری حلقہ شیراکوٹ جوکہ پہلوانی جیسے سپورٹس فیلڈ سے وابستہ ہے کو دوران ڈیوٹی چیلنج کیا کہ وہ دنگل کے ذریعے سبزہ زار کے کھاڑے میں مقابلہ کریں ے اور زور آزمائی سے فیصلہ کریں گے کہ تن ساز کی فیلڈ زیادہ بہتر ہے یا پہلوانی کی مذکورہ پٹواریوں نے 30تاریخ کو سبزہ زار لیاقت چوک کے نزدیک واقع کھاڑے میں دنگل لڑنے کا اعلان کیا ہے اوراس حوالے سے دونوں پٹواری عمران مظہر اور عباد اللہ بھرپور تیاریوں میں بھی مصروف ہیں۔ پٹواریوں کے اس دنگل کے چرچے دور دور تک پھیل رہے ہیں وہاں مقامی سیاسی شخصیات اور محکمہ ریونیوکی بیوروکریسی نے بھی اس مقابلے میں شرکت کرنے کی دلچپسی ظاہر کردی ۔دوسری جانب یہ دنگل محکمہ ریونیو کی تاریخ میں اپنی نوعیت کا پہلا مقابلہ ہوگا جس کی ملکی سطح پر پذیرائی ہوگی اس حوالے سے پٹواریوں کے مقابلے کی تیاری کیلئے ویڈیو نے سوشل میڈیا پر دھوم مچارکھی ہے۔

میرانشاہ (میڈیا پاکستان )شمالی وزیر ستان میں خیر سگالی کرکٹ کپ میں پاکستان الیون نے برطانوی میڈ یا الیون 133رنز سے کو شکست دے دی لیکن دونوں ٹیم نے مل کر عوام کے دل جیت لیے ۔تفصیل کے مطابق میران شاہ میں خیر سگالی میچ یونس خان کرکٹ اسٹیڈیم میں ہوا جہاں پاکستان الیون نے ٹاس جیت کر بیٹنگ کا فیصلہ کیا اور مقررہ 20اوورز میں 254رنز بنائے ۔پاکستان الیون کی جانب سے 80سکور کر کے شاہد آفریدی سب سے زیادہ رنز بنانے والے کھلاڑی رہے ،ان کے علاوہ عمر امین اور کامران اکمل نے بھی نصف سنچریاں بنائی جبکہ انضمام الحق نے 28سکور بنائے ۔جواب میں ورلڈ الیون نے مقررہ 20اوورز میں 120رنز بنائے اور اس طرح پاکستان الیون 133رنز سے جیت گیا ۔میچ کے بعد دونوں ٹیموں کے کھلاڑیو ں میں میڈلز تقسیم کیے گئے ۔اس موقع پر شاہد آفریدی کو مین آف دی میچ اور عمر امین بہترین بلے باز کا ایوارڈ دیا گیا۔

شمالی وزیر ستان(میڈیا پاکستان) میرانشاہ میں یونس خان اسٹیڈئیم پاک آرمی کے زیر اہتمام خیرسگالی ٹی 20 میچ جاری ہے۔میڈیا کے مطابق میران شاہ کے یونس خان اسٹیڈئیم میں پاکستان الیون اوریوکے الیون کے مابین خیرسگالی کرکٹ میچ شروع ہوگیا۔ یو کے میڈیا الیون نے پاکستان الیون کے خلاف ٹاس جیت کر فیلڈنگ کا فیصلہ کیا ہے۔ پاکستان الیون کے کھلاڑیوں میں کرکٹر شاہد آفریدی، یونس خان ،راشد لطیف،جنید خان،مشتاق احمد، عمر گل شامل ہیں۔میران شاہ مِں جشن کا سماں ہے جہاں چھوٹے بڑے ہرعمر کے لوگ گراؤنڈ میں موجود ہیں، ڈھول کی تھاپ پر لوگوں کا روائیتی رقص جاری ہے جب کہ میچ سے قبل ڈی جی آئی ایس پی آرنے بھی مہمان ٹیم اور قومی ٹیم سے ملاقات کی۔

لاہور (میڈیا پاکستان ) کرکٹ کرپشن کیس میں پی سی بی اینٹی کرپشن ٹربیونل نے کرکٹر خالد لطیف پر پانچ سال کی پابندی عائد کرتے ہوئے ان پر 10 لاکھ روپے کا جرمانہ بھی عائد کیا ہے۔تفصیلات کے مطابق پی سی بی اینٹی کرپشن ٹربیونل نے کرکٹر خالد لطیف کے کیس کا مختصر فیصلہ جاری کردیا ہے ، پی سی بی کی جانب سے بکی سے رابطہ کرنے پر پانچ سال پابندی اور 10 لاکھ روپے کا جرمانہ عائد کیا گیا ہے۔ فیصلے میں کہا گیا ہے کہ معلومات ہونے کے باوجود خالد لطیف نے بکی سے رابطہ کیا اور اس رابطے کے بارے میں پی سی بی اینٹی کرپشن ٹربیونل کو آگاہ بھی نہیں کیا اور انہوں نے دوسرے لڑکوں کو بھی بکی سے ملاقات کیلئے اکسایا۔ واضح رہے کہ شرجیل خان کے مقابلے میں خالد لطیف کو ڈھائی سال زیادہ کی سزا دی گئی ہے، دونوں کھلاڑیوں کی سزا کا اطلاق فروری 2017 سے ہوگا۔

کراچی(میڈیا پاکستان) فکسنگ کیس میں 6 ماہ پابندی کی سزا بھگتنے والے فاسٹ بولر محمد عرفان پاکستان ٹیم کو کرپشن کے مضمرات پر بدھ کو لیکچر دیں گے۔ذرائع کا کہنا ہے کہ یہ لیکچر ان کے اصلاحی پروگرام کا حصہ ہیں، انھیں پی سی بی کی جانب سے طلب کیا گیا ہے، وہ سری لنکا کے خلاف ٹیسٹ سیریز کی تیاری کیلیے جمع ہونے والے کھلاڑیوں کو فکسنگ کے مضر اثرات کا بتائیں گے۔

کراچی(میڈیا پاکستان) برطانوی وکلا پاکستان کو بھارت سے زرتلافی دلانے کیلیے کیس تیار کرنے لگے،اس ضمن میں مشاورت کیلیے چیئرمین پی سی بی نجم سیٹھی لندن پہنچ گئے، بورڈ اس حوالے سے بجٹ میں ایک ارب روپے سے زائد رقم مختص کر چکا ہے، لیگل فرم کو ابتدائی طور پر ایک ملین پاؤنڈ ادا کیے جائیں گے۔تفصیلات کے مطابق پاکستان اور بھارت میں 2007 کے بعد سے کوئی مکمل باہمی سیریز نہیں ہوئی، صرف 2012-13میں گرین شرٹس نے ون ڈے اور ٹوئنٹی 20 میچز کیلیے پڑوسی ملک کا دورہ کیا تھا، نجم سیٹھی نے اپنے گزشتہ دور کے دوران 2014میں ’’بگ تھری‘‘ کی حمایت کے بدلے آئندہ 8 سال کے دوران 6 باہمی سیریز کھیلنے کا معاہدہ کیا تھا، مگر بی سی سی آئی نے حکومتی اجازت نہ ملنے کو جواز بناتے ہوئے ٹال مٹول کی پالیسی جاری رکھی، پی سی بی کے صبر کا پیمانہ لبریز ہوا تو قانونی چارہ جوئی کا فیصلہ کیا گیا،شہریار خان کے دور میں گورننگ بورڈ اجلاس میں اس حوالے سے سالانہ بجٹ میں ایک ارب روپے سے زائد رقم مختص کی گئی۔
پی سی بی نے پہلے نوٹس بھجوایا، پھر دبئی اور انگلینڈ میں مذاکرات کیے، آئی سی سی حکام کے سامنے بات چیت کا بھی کوئی فائدہ نہ ہوا، اس وجہ سے معاملہ تنازعات کمیٹی میں لے جانے کا فیصلہ ہوا، ذرائع نے بتایا کہ اس حوالے سے پی سی بی نے ایک معروف برطانوی لیگل فرم کی خدمات حاصل کر لی ہیں جسے ابتدائی طور پر ایک ملین پاؤنڈ (تقریباً14 سے 15 کروڑ روپے) دیے جائیں گے۔
وکلا سے مشاورت کیلیے چیئرمین پی سی بی نجم سیٹھی گزشتہ روز لندن روانہ ہو گئے، اس حوالے سے تیاریاں کافی عرصے سے جاری تھیں اب کیس کیسے پیش کریں اس کا فیصلہ ہوگا، آئندہ چند روز میں پی سی بی آئی سی سی کو خط لکھ کر کہے گا کہ ہمارا بھارت سے تنازع ہے اسے حل کرنے کیلیے کمیٹی تشکیل دی جائے، اس کے بعد کمیٹی بنے گی اور سماعت کے بعد کوئی فیصلہ سامنے آئے گا، پی سی بی کو پوری امید ہے کہ اسے بطور زرتلافی بھارت سے بھاری رقم مل جائے گی۔

کیپ ٹاؤن(میڈیا پاکستان) ورلڈ الیون میں شامل جنوبی افریقی رن مشین ہاشم آملہ کا کہنا ہے کہ پاکستان کرکٹ بورڈ نے ملک میں انٹر نیشنل کرکٹ کی بحالی کے لئے عمدہ اقدام اٹھایا جس کے لئے تمام انتظامیہ مبارکباد کی مستحق ہے۔آزادی کپ کے سلسلے میں پاکستان کا دورہ کرنے والی ورلڈ الیون میں شامل جنوبی افریقا کے بلے باز ہاشم آملہ نے دورہ پاکستان پر رد عمل دیتے ہوئے کہا کہ ورلڈ الیون کے ساتھ پاکستان کا دورہ شاندار رہا جب کہ پاکستانیوں کی مہمان نوازی سے گھر جیسا ماحول محسوس ہوا اور ورلڈ الیون کے میچز کیلیے کیے گئے انتظامات سے پوری طرح مطمئن رہا۔ہاشم آملہ نے کہا کہ پاکستان کرکٹ بورڈ نے اپنے ملک میں انٹرنیشنل کرکٹ کی واپسی کیلیے عمدہ کام کیا ہے جس سے وقت کے ساتھ ساتھ پاکستان پر دنیا کا اعتماد بھی بحال ہو جائے گا جب کہ پی ایس ایل سیریز کے دوران ٹیسٹ کرکٹ میں مصروف ہوں گا، اگر فارغ ہوا تو کوئی وجہ نہیں کہ پاکستان سپر لیگ نہ کھیلوں۔
ہاشم آملہ نے کہا کہ جنوبی افریقا لیگ میں لاہور قلندرز کا حصہ بن کر اچھا لگا ہے، لاکھوں کھلاڑیوں کیلیے ٹیلنٹ ہنٹ پروگرام منعقد کرنا آسان کام نہیں لیکن اس کے باوجود لاہور قلندرز نے ٹیلنٹ ہنٹ پروگرام منعقد کیا جس سے نئے کھلاڑیوں کو آگے آنے کا مواقع میسر آئیں گے۔