Tag ایمرا نیوز

ممبئی (ویب ڈیسک)شوبز اداکار کے حوالے سے کئی عجیب و غریب باتیں سامنے آتی رہتی ہیں .ایسی ہی ایک بات بالی وڈاداکار انیل کپور کے بارے میں سامنے آئی ہے. انیل کپور بالی وڈ کے ایسے اداکار ہیں جو صدا بہار جوان ہیں اور ان سے جوان رہنے کے بارے میں مداح بے شمارسوالات کرتے ہیں . کے حوالے سے یہ خیال ظاہر کیا جاتا ہے کہ شاید وہ جوان رہنے کیلئے سانپ کا خون پیتے ہیں۔
انیل کپور اداکار ارباز خان کے ایک شو ‘پِنچ بائے ارباز خان سیزن 2’ کے مہمان بنے .وہاں انہیں سوشل میڈیا ٹرولز سنائے گئے اور مداحوں کا بارے میں بتایاگیا کہ وہ لوگ آپ کے بارے میں کیا سوچتے ہیں‌.ارباز خان شو کے دوران انیل کپور کے مداحوں نے ان کی جوانی کی تعریف کی اور وہاں موجود ایک مداح نے خیال ظاہر کیاکہ شاید انیل کپور کی جوانی کا راز یہ ہے کہ وہ سانپ کا خون پیتے ہیں۔ایک اور خاتون مداح نے کہا کہ شاید انیل کپور پلاسٹک سرجن کو اپنے گھر ہی رکھتے ہیں ۔
انیل کپور نے مداحوں کے خیالات جاننے کے بعد ایک زوردار قہقہہ لگایا اور کہا کہ ‘کیا آپ لوگوں نے انہیں پیسے دے کر یہ سب کہلوایا ہے؟’
جواب میں ارباز خان نے مسکراتے ہوئے کہا کہ نہیں ،یہ عام لوگ ہیں، انہیں پیسے نہیں دیے گئے’۔

واشنگٹن (ویب ڈیسک)افغانستان میں طالبان کےقبضے کے بعد وہاں حکومت سازی کے معاملات جاری ہیں .دنیا کی نظر اس وقت افغانستان پر ہے کہ اب وہ کیا حکمت عملی اختیار کرتے ہیں‌.اس حوالے سے امریکا کی جانب سے بیانات جاری ہیں .تازہ ترین صورتحال کے مطابق امریکا نے کہا ہے کہ افغانستان کے معاملے پر سب ایک ہی اور درست سمت پر چل رہے ہیں اس بات کو یقینی بنانے کے حوالےسے پاکستانی قیادت رابطے میں ہیں.
امریکی محکمہ خارجہ کے ترجمان نیڈ پرائس کا اس حوالے سے کہنا ہے کہ ہے افغانستان سے حاصل ہونے والے فوائد کا تحفظ سب کے حق میں ہے۔ ان کا مزید کہنا تھا کہ طالبان سے جو توقعات عالمی برادری اور امریکا کو ہیں وہی پاکستان کو بھی ہیں ۔انہوں نے پاکستان کی سیاسی حکمت عملی کی تعریف کرتے ہوئے کہا کہ پاکستان نےہمیشہ تمام دھڑوں پر مشتمل افغان حکومت کی بات کی ہے.پاکستان نے ہمیشہ خواتین اور اقلیتوں کا تحفظ کی بات کی ہے.

اسلام آباد(ویب ڈیسک)وزیر خارجہ شاہ محمود قریشی نے تحریک طالبان کو ایک پیشکش کی ہے.ان کا کہنا ہے کہ اگر تحریک طالبان وعدہ کرے کہ پاکستان کے آئین کو تسلیم کرتے ہوئے دہشتگردی میں ملوث نہ ہوں تو پاکستان کی جانب سے انھیں معافی دینے پر غورکیا جا سکتا ہے. وزیر خارجہ نے ایک انٹرویو دیتے ہوئےکہا ہے کہ پاکستان کی جانب سے کالعدم ٹی ٹی پی کے لیے معافی کی مشروط پیشکش ہے.
شاہ محمود قریشی نے ٹی ٹی پی کے قیدیوں کا فغان جیلوں سے باہرنکلنے کی خبروں پر تشویش کا اظہار کیا اور ساتھ ہی کہا کہ طالبان کی طرف سے پاکستان سمیت کسی بھی ملک کے خلاف استعمال نہ ہونے کا اعلان خوش کن ہے۔
اشرف غنی کے حوالے سے بات کرتے ہوئے وزیر خارجہ کا کہنا تھا کہ ہم نے مسلسل کالعدم ٹی ٹی پی کے ٹھکانوں کی نشاندہی کی مگر اشرف غنی کی حکومت نے کوئی ایکشن نہ لیا.مگر اب ہم دیکھتےہیں کہ طالبان ان کے خلاف کیا ایکشن لیتے ہیں۔اس سے قبل صدر عارف علوی نے بھی ایک انٹرویو میں کہا تھا کہ کالعدم ٹی ٹی پی اگر ہتھیار ڈال کر پاکستانی آئین کو تسلیم کرےاور جرائم میں ملوث نہ ہوتو پاکستانی حکومت ان کو ایمنسٹی دینے کا سوچ سکتی ہے.

لندن (ویب ڈیسک) دنیا میں عجیب وغریب واقعات رونما ہوتے رہتے ہیں‌.اسے سلسلے میں برطانیہ میں ایک انوکھا واقعہ دیکھنے میں آیا ہے.تفصیلات کے مطابق برطانیہ کے ایک پب میں دکاندار کوایک پونڈ کا سکہ ملا جسے اس نے نیلام کر دیا .اس شخص نے وہ سکہ مشہور ویب سائٹ ای بے پر 205 برطانوی پاؤنڈ میں فروخت کیا۔یہ سکہ مے خانے کے ایک ملازم کو دیا گیا جس میں مصنوعاتی نقص تھا .عموماً سکے کےدرمیان میں چاندی کا رنگ ہوتا ہے اور اس کے کنارے سنہری ہوتے ہیں جبکہ اس انوکھے سکے میں مکمل طور پر سنہری دھات استعمال ہوا ہے .
دیکھا گیا ہے کہ برطانیہ کی شاہی ٹکسال میں ہمہ وقت سکے ڈھلتے رہتے ہیں اور لاکھوں کروڑوں سکوں میں سے کسی ایک میں غلطی کا امکان ہے تاہم کبھی کبھار ایسے غیرمعمولی سکے نایاب بن جاتے ہیں.

اسلام آباد(ویب ڈیسک) شیری رحمان نے الیکشن کے حوالے سے بیان جاری کیا ہے کہ ووٹر کی رازداری ای وی ایم سے برقرارنہیں رہے گی۔پاکستان پیپلزپارٹی کی رہنما شیری رحمان نے میڈیا سے گفتگوکی جس میں انکا کہنا تھا کہ آج جمہوریت کا عالمی دن منایا جا رہا ہے جبکہ حکومت اس دن پر بیانات دے رہی ہے مگر جمہوری روایات سے متصادم پر ہیں. دیگر ممالک اور الیکشن کمیشن نے جس ووٹنگ مشینری کی مخالفت کی ہے اسے ملک میں تسلط کیا جا رہا ہے.الیکشن پر ہمیشہ ہمیں تحفظات رہے مگر آئینی اداروں کو متنازعہ نہیں کیا.بس ہم یہ چاہتے ہیں کہ لیول پلئینگ فیلڈنہ ہو.

لاہور (ویب ڈیسک)خاتون اوّل بشریٰ عمران فلاحی کاموں میں پیش پیش رہتی ہیں .اسی حوالے سے خاتون اوّل بشریٰ عمران نے انسٹی ٹیوٹ آف مینٹل ہیلتھ لاہور کا دورہ کیا اور وہاں موجود سہولتوں کا جائزہ لیا۔علاوہ ازیں خاتون اول نے ہسپتال میں زیر علاج مریضوں کی تیمارداری بھی کی۔ فلاحی کاموں میں فرح خان بھی خاتون اول کے شانہ بشانہ چلتی ہیں۔ اس موقع پرخاتون اول بشریٰ عمران نے لاہور میں شیخ ابوالحسن شازلی ریسرچ سینٹر کا بھی افتتاح کیا۔ جہاں‌ اسلام،رواداری، سائنس و ٹیکنالوجی ، صوفی ازم، مذہبی افکار، اور جدید علوم پر تحقیق کی جائے گی۔
بشریٰ عمران نے لاہور میں ابوالحسن شازلی ریسرچ سینٹر میں آڈیٹوریم، لائبریری اور کانفرنس روم کا معائنہ کیاجبکہ خاتون اول بشریٰ عمران کا طلبہ کیلئے ای لائبریری کا بھی افتتاح کر دیا۔ افتتاح کئےجانے والےریسرچ سینٹر میں طلبہ کی سکالرشپ سے متعلق رہنمائی کیلئے آن لائن پورٹل کا بھی قائم کیا جائے گا۔ خاتون اول کی بھر پور کوششوں سے سینٹر کا دائرہ کار پورے صوبے تک پھیلا یا جائے گا۔ریسرچ سینٹر میں لاہور کالج یونیورسٹی فار ویمن، گورنمنٹ کالج یونیورسٹی اور دیگر قومی و بین الاقوامی تعلیمی اداروں کے ساتھ آن لائن پورٹل اور مفاہمتی یادداشتوں پر دستخط کئے گئے۔ لاہور میں ہونے والی اس تقریب میں معروف شخصیات اور طالبات کی بڑی تعداد نے شرکت کی.
خیال رہے کہ خاتون اول علم کے فروغ کے ساتھ ساتھ پناہ گاہوں سمیت مختلف فلاحی منصوبوں کی بھی بذات خود سرپرستی کر رہی ہیں۔

سندھ (ویب ڈیسک)ملک میں کورونا وبا کے بڑھتے کیسز کی بنا پر حکومت نے سخت پابندیاں لگائی ہیں مگر اب حکومت کی جانب سے ان پابندیوں میں نرمی کا فیصلہ کیا ہے.تفصیلات کے مطابق سندھ میں کورونا پابندیوں میں نرمی کرتے ہوئے مارکیٹیں رات 10 بجے تک کھولنے کی اجازت دے دی گئی ہے۔اس حوالے سے جاری نوٹیفکیشن کے مطابق کراچی میں چھ روز مارکیٹیں رات10 بجے تک کھولنے اور اتوار کو بند رکھنے کی اجازت ہوگی جبکہ انڈور ڈائننگ رات 12 بجے تک کھولنے کی اجازت ہوگی۔
علاوہ ازیں انڈور شادی سمیت دیگر تقریبات میں 200 افراد جبکہ اوپن ائیر میں شادی سمیت دیگر تقریبات میں 400 افراد کو شامل کرنے کی اجازت دی گئی ہے.
ایس او پیز کا جائزہ لینے کیلئے ٹیمیں وزٹ کریں گی جبکہ گھروں سے کام کرنے کی شرط بھی ختم کردی ہے اور اب دفاتر میں 100 فیصد عملہ کام کرسکے گا۔
50 فیصد پبلک ٹرانسپورٹ جبکہ ٹرینوں میں70 فیصد مسافروں کو سفر کرنے کی اجازت ہوگی۔

امریکا (ویب ڈیسک)امریکی ٹیکنالوجی کمپنی ایپل نے نئی سمارٹ واچ سیریز7 پیش کردی جس میں نیند کے دوران سانس کی رفتار کو بھی ٹریک کیا جا سکتا ہے.
کمپنی کا کہنا ہے کہ سمارٹ ایپل واچ کا بنیادی ڈیزائن 2015 سے تبدیل نہیں ہوا تھا لہذٰا ایپل واچ سیریز 7 کے لیے ڈیزائن کو تبدیل کیا گیا ہے۔
ایپل سیریز 7 کے دو ورژن متعارف کرائے گئے ہیں .جن میں 41 ایم ایم اور 45 ایم ایم کے بڑے کیسز کے ساتھ ساتھ زیادہ بڑی اور پائیدار اسکرینیں بھی موجود ہیں۔
کمپنی کے مطابق یہ پہلی ایپل واچ ہے جس کی ڈسٹ ریزیزٹنس ریٹنگ آئی پی 6 ایکس ہے۔
سمارٹ ایپل واچ کےسکرین پر خراشوں کی روک تھام کے لیے بھی نئی ٹیکنالوجی استعمال کی گئی ہے. علاوہ ازیں اس کو 50 میٹر گہرے پانی میں بھی تیراکی کے دوران استعمال کیا جاسکتا ہے۔سمارٹ واچ 13 فیصد زیادہ تیز چارجنگ کی سہولت فراہم کرتا ہے۔یہ سمارٹ ایپل سیریز واچ جلددستیاب ہوگی جس کی قیمت 399 ڈالرز سے شروع ہوگی۔

اسلام آباد (ویب ڈیسک)پارلیمنٹ کے مشترکہ اجلاس میں صدر ڈاکٹر عارف علوی کے خطاب کے دوران پریس گیلری کو بند کرنے کے حوالے سے قومی اسمبلی کے سپیکر اسد قیصر نے برا دعویٰ کیا ہے .تفصیلات کے مطابق سپیکر اسد قیصر نے دعویٰ کیا ہے کہ صحافیوں کے 2 گروہوں کے درمیان ممکنہ تصادم کی اطلاعات موصول ہوئی تھیں جس کے بعد پریس گیلری کو بند کرنے کا حکم دیا گیا تھا۔ صحافیوں سے غیر رسمی گفتگو کے دوران ان کا کہنا تھا کہ یہ قدم پارلیمانی رپورٹرز ایسوسی ایشن (پی آر اے) کی مشاورت سے اٹھایا گیا تھا۔
ان کا مزید کہنا تھا کہ میں دونوں گرپوں کو آپس لڑتے ہوئے دیکھنا برداشت نہیں کر سکتا تھا، یہ صحافیوں اور ایوان کی توہین ہوتی۔سپیکر نے یہ بھی بتایا کہ انہوں نے پی آر اے کے وفد سے ملاقات کی ہے جس کے بعد مسئلہ حل ہو جائے گا۔تاہم سپیکر کے اس بیان کے بعد پی آر اے نے سپیکر کے اس دعوے کی تردید کی اور مطالبہ کیا کہ صحافیوں کے نام بتائیں جنہوں نے پی آر اے کے نمائندے بن کرسپیکرسے ملاقات کی۔
پی آر اے کے سیکریٹری اطلاعات ملک سعید اعوان کی جانب سے ایک بیان جاری ہوا ہے کہ منگل کو پی آر اے کے ایک وفد کی سپیکر سے ملاقات میں کوئی صداقت نہیں .

قندھار (ویب ڈیسک)افغانستان میں طالبان کا قبضہ ہونے کے بعد ملک میں مظاہروں کا سلسلہ جاری ہے.تفصیلات کے مطابق افغانستان میں طالبان کا اصل گڑھ سمجھے جانے والے قندھار میں ان کے خلاف احتجاج و مظاہرے کیے جا رہے ہیں‌.غیرملکی خبر رساں ادارے کے مطابق ہزاروں افراد نے قندھار میں طالبان کے خلاف احتجاج کیا.ان احتجاج اور مظاہروں کے پیچھے اصل وجہ طالبان کی جانب سے قندھار میں شہریوں کو ایک سابقہ فوجی کالونی کو 3 دن میں خالی کرنے کا حکم ہے .اس حکم کے خلاف 3 ہزارسے زائد خاندانوں نے گورنرہاؤس کے سامنے ظاہرے کیے جس میں بچے بڑے تمام عمر کے لوگ شامل تھے۔
احتجاج کے دوران مظاہرین کی جانب سے گورنر ہاؤس کے سامنے سے گزرنے والی اہم شاہراہ کو بلاک کردیا .طالبان کی جانب سے خالی کرائی جانے والی کالونی میں زیادہ تران خاندانوں کا تعلق ہو جوسابقہ فوجی افسران تھے.جن میں کئی ریٹائرڈ جرنیل بھی شامل ہیں۔