All posts by Sibte Hussain

(ایمرا نیوز آن لائن)
لاہوریونیورسٹی آف سنٹرل پنجاب کی فیکلٹی آف میڈیا اینڈ کمیونیکیشن اسٹڈیز کے زیراہتمام ایک روزہ فیکلٹی ڈیویلپمنٹ ورکشاپ فلم اینڈ تھیٹرسنٹر میں منعقد ہوئی۔بین الاقوامی شہرت یافتہ امیج کنسلٹنٹ نے اساتذہ کی شخصیت سازی اورگرومنگ پر فیکلٹی ممبران کو لیکچر دیا۔ڈین یوسی پی میڈیا سکول پروفیسر ڈاکٹر حنان احمد نے حامد سعید کو فیکلٹی آف میڈیا میں خوش آمدید کہا۔تربیتی ورکشاپ میں فیکلٹی آف میڈیا اینڈ کمیونیکیشن اسٹڈیزکے اساتذہ نے شرکت کی۔

حامد سعید نے تعلیم و تربیت میں اساتذہ کی گرومنگ اور شخصیت سازی پر خصوصی لیکچر دیا ۔انہوں نے زندگی میں کامیابی کیلئے خوش لباسی پر خصوصی روشنی ڈالی۔ فیکلٹی آف میڈیاکے ڈین پروفیسر ڈاکٹر حنان احمد نے کہا کہ فیکلٹی ڈیویلپمنٹ ورکشاپ سے اساتذہ کی شخصیت سازی ،اعتماد اور مہارت بڑھانے میں مدد ملے گی ۔ورکشاپ کے اختتام پر ڈین ڈاکٹر حنان احمد نے حامد سعید کو یوسی پی کا خصوصی سووینیر پیش کیا

(ایمرا نیوز آن لائن)
وزیراعلیٰ سندھ مراد علی شاہ کہتے ہیں کہ وزیر اعظم عمران خان کی سندھ آمد کی مجھے کوئی اطلاع نہیں دی گئی۔ ایک بیان میں انہوں نے کہا ہے کہ گورنر ہاؤس میں منعقد کی گئی تقریب میں بھی مجھے مدعو نہیں کیا گیا تھا، وزیر اعظم عمران خان کی کراچی آمد کے اگلے دن کہا گیا کہ کے فور کے اجلاس میں آپ شرکت کریں گے۔

وزیر اعلیٰ سندھ مراد علی شاہ نے کہا کہ آدھے گھنٹے بعد بتایا گیا کہ کے فور کے حوالے سے منعقد ہونے والا اجلاس منسوخ ہوگیا ہے۔ انہوں نے مزید کہا کہ وزیر اعظم عمران خان مجھے نہیں بلاتے، انہیں پتہ ہے کہ میں سندھ کے عوام کے لیے ان سے سوال پوچھوں گا۔ مراد علی شاہ نے یہ بھی کہا کہ وزیر اعظم عمران خان اپنے وزراء کو جواب نہیں دے سکتے، تو میرے سوال کا کیا جواب دیں گے۔

ہنر میں بھی مشقت کے مدارج طے کرنے کے بعد انسان کو مہارت حاصل ہوتی ہے۔ وقت گزرنے کے ساتھ اعتماد اور پختگی بھی حاصل ہوتی رہتی ہے۔ دل کو بوجھل کردینے والا ایک خیال ستا رہا تھا کہ ملک میں گداگری کا پیشہ اس قدر فروغ پارہا ہے، تو اس پر بھی کچھ قلم آزمائی کی جاۓ۔ ابھی کچھ عرصے پہلے اس بارے میں سوچ ہی رہا تھا کہ اچانک ایک خبر پڑھی، جس میں ایک سیاسی جماعت نے اسمبلی میں ایک قرارداد جمع کرائی۔ ویسے تو اسمبلی میں جو قراردادیں پیش کی جاتی ہیں، وہ قانون سازی اور عوام کی فلاح و بہبود کے لیے کوئی نیا قانون بنایا جاتا ہے تو اس پر اراکین اسمبلی کی منظوری بعد ہی عمل درآمد کیا جاتا ہے۔ یہ بات الگ ہے کہ ہمارے ہاں سرے سے ہی عمل کرنے والا عنصر نہیں ہے۔ بات ہورہی تھی قرارداد کی، جوکہ اسمبلی میں حکومت کو مبارکباد دینے کی غرض سے طنزیہ طور پر جمع کروائی گئی تھی۔ جس کا متن تھا کہ پاکستان میں کوئی شعبہ ترقی کرے یا نہ کرے لیکن گدھے وافر مقدار میں پاکستان میں موجود ہیں۔

جب یہ قرارداد اسمبلی میں پیش کی گئی، تو یہ خبر آگ کی طرح پھیل گئی۔ جبکہ قرارداد کے متن کے مطابق پاکستان دنیا میں گدھوں کی تعداد کے حوالے سے تیسرا بڑا ملک بن چکا ہے۔ ملک میں اس وقت 53 لاکھ گدھے پائے جاتے ہیں۔ جبکہ محکمہ لائیو اسٹاک پنجاب نے بتایا کہ صوبائی دارالحکومت لاہور میں گدھوں کی تعداد روز بروز بڑھ رہی ہے اور لاہور شہر میں گدھوں کی تعداد اس وقت تقریباً 41 ہزار سے بھی تجاوز کرچکی ہے۔ یہ وہ واحد ترقی ہے، جس پر رویا جائے یا ہنسا جائے، یہ کہنا تو مشکل ہے، البتہ یہ ضرور کہا جاسکتا ہے کہ پاکستان ترقی کر رہا ہے۔ اب آپ سوچ رہے ہوں گے کہ لاہور کے حوالے سے تو سوشل میڈیا پر اس قدر مذاق بنایا جاتا ہے کہ لاہور کی بریانی گدھوں کی ہوتی ہے۔ اگر یہ بریانی گدھوں کی ہوتی تو گدھوں کی تعداد میں اضافہ کیوں ہوتا؟ گدھوں کی تعداد میں کمی واقع ہونی چاہیے تھی۔

خیر اب یہ سفید خاکستری رنگ کا جانور، جو گھوڑے سے بھی چھوٹا ہوتا ہے، بے چارہ صرف بوجھ لادنے کے کام آتا ہے۔ ہمارے ہاں گدھے جیسے معصوم محنتی جانور سے محنت و مشقت کروائی جاتی ہے اور اس جانور کو ہم ایک دوسرے کو برا بھلا کہنے کے لیے بطور طعنہ بھی استعمال کرتے ہیں۔ حیرت کی بات ہے کہ یہ معصوم جانور انسان کے کام تو آتا ہے مگر انسان اس پر سوار ہونے میں جھجھکتا ہے۔ اکثر شادیوں پر بھی دلہا گھوڑے پر سوار ہوتا ہے، اگر گدھے پر سوار ہوجائے گا تو لڑکی والوں کو پہچاننے میں دشواری ہوگی کہ دلہا کون سا ہے، کیونکہ دونوں ہی سج سنور کے آتے ہیں۔ ویسے تو ہمارے سیاستدان بھی ان گدھوں کی مانند ہیں۔ کیونکہ گدھوں کی خوبی یہ بھی ہے کہ جب بھی بولتے ہیں ”ڈھینچوں ڈھینچوں“ ہی بولتے ہیں۔ بالکل اسی طرح ہمارے سیاستدان کوئی بھی کام عوامی مفاد کو مدنظر رکھتے ہوئے نہیں کرتے بلکہ اپنے مفاد کے لیے کرتے ہیں۔ عوام ان کے ہاتھوں پس رہے ہیں۔ عوام کو چاہیے کہ گدھوں کی اقسام میں تفریق کرنا سیکھ لیں، کیونکہ یہ دو ٹانگوں والے بھی ہوتے ہیں۔ البتہ ابھی گدھوں کی تعداد میں ہمارے ملک کا تیسرا نمبر ہے۔ کہیں ایسا نہ ہو ایسے گدھوں کی تعداد مزید بڑھ گئی، تو ہمارے ملک کا گدھاگری میں اول نمبر ہوگا۔

(ایمرا نیوز آن لائن)
وفاقی کابینہ نے پاکستان میں انڈین پریمیئر لیگ (آئی پی ایل)کے میچز دکھانے پر پابندی عائد کرنے کی منظوری دے دی ہے۔ وزیراعظم عمران خان کی زیر صدارت وفاقی کابینہ کا اجلاس ہوا،جس میں کئی اہم فیصلوں کی منظوری دی گئی۔ کابینہ اجلاس کے بعد میڈیا بریفنگ میں وزیر اطلاعات فواد چودھری نے کہا کہ بھارت نے پاکستان میں کرکٹ کو نقصان پہنچانے کے لیے منظم سازش کی، بھارتی کرکٹ ٹیم نے فوجی کیپ پہن کر میچ کھیلا اور پاکستان کے خلاف پروپیگنڈا کیا۔

وزیر اطلاعات کا کہنا تھاکہ پاکستان میڈیا الیکٹرانک ریگولیٹری اتھارٹی (پیمرا) پاکستان میں آئی پی ایل کے نشر نہ ہونے کو یقینی بنائے گی۔ واضح رہے کہ مقبوضہ کشمیر میں پلوامہ حملے کے بعد بھارتی کمپنی آئی ایم جی ریلائنس نے پاکستان سپر لیگ میں بطور براڈ کاسٹ پارٹنر کام کرنے سے انکار کر دیا تھا جس کے بعد پاکستان کرکٹ بورڈ کو ہنگامی طور پر نئے براڈ کاسٹر کا انتظام کرنا پڑا تھا۔

(ایمرا نیوز آن لائن)
پاکستان مسلم لیگ ن کی رہنما مریم نواز نے اپنےوالدین کی شادی کی 48 ویں سالگرہ پربیان جاری کیا ہے، جس میں مریم نواز کا کہنا ہے کہ آپ کاساتھ چھوٹنےکا درد لفظوں میں بیان نہیں کیا جاسکتا، موت اس محبت کو ختم نہیں کرسکتی۔

Your loss is painful beyond words but your death will not destroy the love that connects us all. The memories we made together will stay alive in our hearts & minds. May your body & soul be in peace. Ameen. Happy 48th wedding anniversary Abu & Ami ❤️ pic.twitter.com/FvBrokunKI

— Maryam Nawaz Sharif (@MaryamNSharif) April 2, 2019

ٹوئٹر پیغا م میں مریم نواز کا مزید کہنا ہے کہ دل ودماغ میں والدہ کے ساتھ گزری یادیں ہمیشہ زندہ رہیں گی۔ مریم نواز نے اپنے بیان کے ساتھ میاں نواز شریف اور بیگم کلثوم نواز کی یادگار تصویر بھی شیئر کی ہے۔

اسلام آباد(ایمرا نیوز آن لائن)
وفاقی کابینہ نے غربت مٹاؤ اور سوشل پروٹیکشن کی نئی وزارت کی منظوری دے دی،آئی پی ایل کی نشریات بھی پاکستان میں دکھانے پر پابندی ہوگی،اجلاس میں 19نکاتی ایجنڈے پر غور کیا گیا۔ میڈیا رپورٹس کے مطابق وزیراعظم عمران خان کی زیرصدارت وفاقی کابینہ کا اجلاس ہوا۔ جس میں ملک کی سیاسی ، معاشی صورتحال کا جائزہ بھی لیا گیا۔ اجلاس میں 19نکاتی ایجنڈے پر غور کیا گیا۔ذرائع کے مطابق وفاقی کابینہ نے غربت مٹاؤ اور سوشل پروٹیکشن کی نئی وزارت کی منظوری دے دی۔بتایا گیا ہے کہ نئی وزرات شماریات ڈویژن کی جگہ کام کرے گی۔ شماریات ڈویژن کو منصوبہ بندی ڈویژن کے ماتحت کردیا گیا۔اسی طرح کابینہ نے پاکستان میں انڈین پریمیئر لیگ کی نشریات پر پابندی کی منظوری دے دی۔

وزارت پٹرولیم کے ماتحت اداروں کے بورڈز کی بھی تشکیل نو کی جائے گی۔ وفاقی وزیراطلاعات فواد چودھری نے اجلاس کے بعد میڈیا بریفنگ میں بتایا کہ اب تک کابینہ کے 133اجلاس ہوچکے ہیں۔ کابینہ اجلاسوں میں ہونے والے فیصلوں پر 90روز میں عملدرآمد ممکن بنایا جائے گا۔ مزید برآں وزیراعظم عمران خان نے کابینہ اجلاس میں پارٹی کے سینئر رہنماؤں جہانگیرترین اور شاہ محمود قریشی کے درمیان اختلافات پر اظہار برہمی کیا ہے۔ وزیراعظم نے وزراء کو بیان بازی سے منع کرتے ہوئے کہا کہ پارٹی کے اندرونی معاملات کا اظہار میڈیا پر کرنا مناسب نہیں۔اجلاس میں کون شرکت کرے گا اور کون نہیں کرے گا، یہ میری صوابدید ہے۔انہوں نے کہا کہ جہانگیرترین کو میں نے خود اسائمنٹ دی تھی۔عدالتی فیصلوں کا احترام کرتے ہیں ، جہانگیرترین نے بطور ایکسپرٹ بریفنگ دی۔وزیراعظم نے کہا کہ پوری پارٹی ملکی چیلنجز کا مقابلہ کرنے کیلئے اتحاد کا مظاہرہ کرے۔

لاہور(اردوپوائنٹ اخبارتازہ ترین۔02 اپریل 2019ء) آرمی چیف جنرل قمر جاوید باجوہ نے کہا ہے کہ اسلحے کا استعمال صرف ریاست کا حق ہے، نیشنل ایکشن پلان پر عملدرآمد کیلئے تمام اسٹیک ہولڈرزسے تعاون کیا جائے گا، دہشتگردی کیخلاف جنگ کے بعد پاکستان امن واستحکام کی طرف گامزن ہے،سماجی اور اقتصادی ترقی کے ثمرات سامنے آرہے ہیں۔ آئی ایس پی آر کے مطابق چیف آف آرمی سٹاف جنرل قمر جاوید باجوہ کی زیرصدارت220ویں کورکمانڈرزکانفرنس ہوئی، جس میں سکیورٹی صورتحال اورملک کودرپیش اندرونی اور بیرونی چیلنجز کا جائزہ لیا گیا۔
جیواسٹریٹجک ماحول اورملک کی مشرقی سرحدوں پر موجودہ صورتحال پر غور کیا گیا۔ملک میں دیرپا امن اور استحکام کیلئے کوششیں جاری رکھنے کے عزم کا اعادہ کیا گیا۔

جیواسٹریٹجک ماحول اورملک کی مشرقی سرحدوں پر موجودہ صورتحال پر غور کیا گیا۔شرکاء نے اتفاق کیا کہ کسی بھی جارحیت یا مس ایڈونچر کا بھرپور جواب دیا جائے گا۔خطے میں قیام امن کی کوششوں کی حمایت جاری رکھی جائے گی۔ آرمی چیف نے کہا کہ نیشنل ایکشن پلان پر عملدرآمد کیلئے حکومت اورتمام اسٹیک ہولڈرزسے تعاون کیا جائے گا۔جنرل قمر جاوید باجوہ نے کہا کہ دہشتگردی کیخلاف کامیاب جنگ کے بعد پاکستان امن واستحکام کی طرف گامزن ہے۔پاکستان اس مثبت راہ پر گامزن ہے جہاں ہتھیاروں کا استعمال صرف ریاست کی صوابدید ہے۔طاقت کا استعمال صرف ریاست کا حق ہے۔ پاکستان میں سماجی اور اقتصادی ترقی کے ثمرات سامنے آرہے ہیں۔

اسلام آباد(ایمرا نیوز)
چین کے نائب سفیر لی جیانگ نے کہا ہے کہ ہم نہیں چاہتے پاک بھارت جنگ ہو دونوں ایٹمی ممالک ہیں، پاک بھارت جنگ کی صورت میں پورا جنوبی ایشیا تباہ ہوگا، سی پیک میں تیسرے فریق کی شمولیت پر اتفاق رائے ہوچکا ہے. تفصیلات کے مطابق اسلام آباد میں چین کے نائب سفیرلی جیانگ نے سی پیک کانفرنس سے خطاب کرتے ہوئے کہا سی پیک پرآصف زرداری اورنوازشریف دورمیں کام ہوتارہا، سی پیک منصوبے پر تمام سیاسی جماعتوں کا اتفاق رائے ہے. چین کے نائب سفیر نے کہا کہ ملتان سکھرموٹر وے اگست کی بجائےجولائی میں مکمل ہوگی، حویلیاں تھاکوٹ شاہراہ ریشم کی توسیع رواں سال مکمل ہوگی.

لی جیانگ نے کہا کہ سی پیک اب دوسرے مرحلے میں داخل ہوچکاہے، گوادر میں ایئرپورٹ کی توسیع، ووکیشنل ٹریننگ سینٹر تعمیر ہورہاہے، گوادر میں ہسپتال بھی چینی گرانٹ سے تعمیر کیا جارہا ہے. انہوں نے کہا کہ سی پیک کا دوسرا مرحلہ خصوصی اقتصادی زونز کی تعمیر ہے اور پہلا اقتصادی زون تعمیر کے آخری مرحلے میں ہے صوبائی حکومتوں سے ذمہ داریاں جلد پوری کرنے کی توقع ہے. چینی نائب سفیر نے کہا سی پیک میں تیسرے فریق کی شمولیت پر اتفاق رائے ہوچکا ہے، تیسرے ملک سے اقتصادی اور سماجی ترقی کے منصوبوں پر عمل ہوگا، دور دراز علاقوں کیلئے چین 3 سال میں 1 ارب ڈالرگرانٹ دے گا. پاک بھارت کشیدگی پر انھوں نے کہا ہم نہیں چاہتے پاک بھارت جنگ ہو دونوں ایٹمی ممالک ہیں، پاک بھارت جنگ کی صورت میں پورا جنوبی ایشیا تباہ ہوگا.

(ایمرا نیوز آن لائن)
خبردار! موبائل فون کے استعمال میں احتیاط کیجیے۔ یہ آپ کی جان بھی لے سکتا ہے۔ موبائل فون کی بیٹری پھٹنے سے لاہور کا 25سالہ نوجوان جھلس گیا۔ حارث موبائل فون تکیے کے نیچے رکھ کر سو گیا، رات گئے بیٹری پھٹنے سے بستر میں آگ لگ گئی۔

25سالہ حارث کو جناح ہسپتال کے برن سنٹر میں طبی امداد دی جا رہی ہے۔ موبائل فون کو ہر وقت بنک چارجر پر لگانے اور رات کو موبائل اپنے پاس رکھنے والے احتیاط برتیں۔

(ایمرا نیوز/آن لائن)
پاکستان کیمسٹ ایسوسی ایشن ملتان ڈویژن کے صدر محمد اختر نے موجودہ ملکی حالات جس میں مہنگائی کا طوفان بے روزگاری جرائم میں اضافہ بجلی پٹرول گیس اور تمام ضروریات زندگی حصول ناپید ھوتا نظر آرھا ھے تاجر طبقہ متوسط طبقہ آکسیجن پر چل رھا ھے کاروبار تباہی کے دہانے پر پہنچ چکا ھے بالخصوص انسانی زندگی بچانے والی ادویات کی قیمتوں میں حکومتی پالیسی کے برعکس ٪15 کی بجائے ٪100 فیصد اضافہ عوام کو دھوکہ دینے کے مترادف ھے اگر تو ملٹی نیشنل کمپنیوں نے ادویات کی قیمتوں میں از خود اضافہ کیا ھے تو اس کا نوٹس اب تک کیوں نہیں لیا جا رھا جس سے ھم یہ کہنے کا حق رکھتے ہیں کے قیمتوں میں ملی بھگت سے کیا گیا اور عوام کو بیوقوف بنایا گیا.

موجودہ حکومت سے عوام نے بہت ساری توقعات کی بنیاد پر ووٹ دیا تھا لیکن اب اب وہی لوگ اپنی غلطی کا اعتراف کرتے ہوئے تنگ آکر برا بھلا کہنے پر مجبور ہو چکے ہیں کیونکہ عوام کو ریلیف چاہیے جو کے موجودہ حکومت فراہم کرنے میں مکمل طور پر ناکام ہو چکی ھے اور ڈالر کی قیمتوں میں مزید اضافے کی وجہ سے مہنگائی کی نوید حکمران خود سنا رھے ہیں عوام پہلے ہی دو وقت کی روٹی سے عاجز ہیں اور اب عوام سے علاج معالجے سے بھی محروم کیا جا رھا ھے دیہاتوں ہیلتھ سنڑ نہیں اگر ھے تو ڈاکٹر نہیں ڈاکٹر ھے تو میڈیسن نہیں یہی حال بڑے شہروں میں ھے ہاسپٹل میں ادویات کی شدید قلت پائی جا رہی ھے جس سے غریب اور لاچار مریض بے یارو مدد گار زندگی اور موت کی کشمکش میں مبتلا ہیں موجودہ حکومتی پالیسیوں کی وجہ سے مہنگائی کا طوفان معیشت کی تباہی لے ڈوبے گی اب بھی وقت ھے حکومت ھوش کے ناخن لے عوام کو زندہ رہنے کا حق دے اگر یہی حالات رھے تو بشمول تاجر برادری عوام سڑکوں پر ھونگے